أسعد الله أوقاتكم بكل خير
أنا نويت ادخل مشروع وأبي نصائحكم وخبرتكم فيه
المشروع عبارة عن سطحه ولكن أنا ما اعرف شي عن الاستقدام ولا عن المبلغ حق الايجار على العامل اللي بيشتغل ولا عن طريق الصيانه وما ادري وش الانسب ..
ابي اي واحد ما يبخل علي بنصيحه او دعوه صادقه او توجيه معين او فكرة
على فكرة انا صغير على المشاريع وهذا اول مشروع لي الله يوفق

الالتزام و البداية بمشروع يا أخي وانت لا تعلم ما هي المعوقات التي ستواجهك أكبر خطأ وسيعرضك لا قدر الله للفشل .. تم تقنين هذه الطريقة من قبل المختصين في الاقتصاد بدراسة نجاحات و أخطاء السابقين من التجار وعليه تم إنشاء أو إستحداث علم الادارة = عمل دراسة جدوى اقتصادية للمشروع مهما كان , سواء مشروع يكلفك مليار ريال أو 5000 ريال .. وذلك لتلافي المخاطر إذ أن كل مشروع مليء بالفرص و التهديدات وعليه دراسة المشروع والبيئة التي سوف تزاول فيها النشاط هي الحل الأمثل لمشكلتك .

http://eldagher.maktoobblog.com/7667...7%D9%84%D9%85/

في هذا الرابط توضيح بسيط اتمنى ان يفيدك في هذه المسئلة .. وأنصحك بتحميل الحقيبة التدريبية للدكتور خالد الزامل في موقع (( منافسة )) ابحث عنه بالقوقل .. أتمنى أني قدمت لك النصيحة التي تحتاجها , فإن اصبت فمن الله وإن أخطأت فمن نفسي و الشيطان

وفقك الله

حاول ان تبتعد عنه لاني اتوقع انه غير مجدي والافضل ان كنت ملزم على السيارات فعليك بالدنه لانك تقدر تاجرة على عامل بمبلغ حدود 2000 وأكثر واتنمى لك التوفيق

.
.
.




بسم الله

اخبارك اخوي عساك بخير ...

بدايتآ ... لازم تفكر ... ولما تفكر تأكد انك ما فكرت من البدايه ... هذي اهم نقطه ..


توضيح اكثر ...

لما تفكر في المشروع ... اسئل نفسك وش انا سويت عشان هذا المشروع ... والسؤال اللي يجي بعد هذا السؤال ... لو غيري بيفتح هالمشروع بيسوي نفس ما سويت ...؟


ثانيآ .. تروح وتمسك احد الشباب اللي ماسكن لهم سطحات وتستفسر بطريقه محنكه ... والسؤال الكبير هو كيف بطريقه محنكه ؟

تروح لمه وتقوله ابيك تشيل سيارتي من حي فلان الى حي فلان ... "طبعآ انت تكذب كذبه بيضاء " طبعآ بيقولك ما عندي مشكله ... وسعري هو 100 ... على طووول انت نط عليه وقل له غالي ياخوي .. والله انك غالي قبل فترة شايله بـ70 ...

انت الحين فتحت حواء او نقاش .. حول الاسعار ... ومنها تقدر تقييم اكثر من شخص وتحصر المبلغ ..

نكمل القصة .. بهذه الطريقه تعرف انت اسعارهم ..

ثانيآ .. اسئل عن السيارة .. وكم سعرها .. واحسن شي تروح للمعارض وتسئل عنهم .. وتسئل اكثر من معرض ..
وتقدر تتصل على احد اللي معهم سطحات وتقوله ما خبرتلي سطحه للبيع ..

بهذي الطريقه انت عرفت اشياء مهمه ... تكاليف السطحه ... وتوقع الدخل ..

اهم شي ... الاعلان عن سطحتك ... شف لك كم ورشه حط استكر لك ... عن الاشارة .. حط استكر ..

اماكن تكون ممتازة ... واهم شي بالعملية انك تكون 24 ساعه ... ولما تجيب العامل .. وتضبطه صح .. يبدا يجيب اخوانه واصدقائه وبكذا تسوي مؤسسه حلوه ...

وبالنسبه لتصليح السياره اذا تعطلت ... تقدر تتعامل مع ورشة تكون كويسه ويصلح لك عن طريق الفاوتير وانت تحسابه شهريآ بحيث العامل يروح لمه بسرعه ...

واتوقع انها ... فكر رائعه .. وفيها دراهم واجد ... لانك لو بتحسبها على اقل شي شهريآ بتطلع 3000 فما فوووق .. اذا كانت عندك سطحه وحده بأعتبار ان كل يوم بتشي لك سياره بـ100 ريال
واحتمال يوصل بالشهر 6000 بأعتبار مرتين باليوم

واذا كنت منتشر واجد ... فأقل شي باليوم اربع شيلات محترمه يعني تقريبآ 350 في 30 يوم ..=10500 ريال ..

فما بالك لو تكون اكثر من سطحه .. وتكون متعامل مع ورشة بحيث تضمن الصيانه الفورية وافضل الاسعار ..


الخلاصه :
1-دور على سطحه واشتريها .. وحطها ببيتكم ..
2- قدم على عامل .. اتوقع لو يكون يماني احسن ..
2-خله يستلم الشغل ... وبنفس الوقت دور لك على ورشة محترمه وتعاقد معاها ولا اتفاق شفوي معاها بحيث تضمن افضل الاسعار ..
4- وعلى اشوي اشوي اطلب من اليماني يجيب احد من ربعه وتكون انت مجهز السطحه الثانيه .. وهكذا


اهم شي لا يكون مشروعك مقصور على حد معين ... خل هدفك البعيد انك تسوي شركة كبيره اسمها الولايات السطحيه المتحده

ويكون في مكتب ومواعيد وشغل ... اتوقع انك راح تاكل السوووق اكل بكذا ... ويكون عندك نظام او اشتراكات مع سيارات التاجير .. او الورشات بأنك تشيل سياراتهم بسعر معين ..

اتمنى من كل قلبي مشروع ناجح لك ... وشكرآ

موفق اخوي
لكن لازم يكون عندك معلومات اكثر تفيدك
وفكر زييين في كل شي من اصغر الامور الى اكبرها

مشكورررين على الردود والنصائح الجميلة والاسلوب الاجمل من كل عضو الله يجزاكم عني كل خير
وحلوة <<< الولايات السطحيه المتحده

مرحباً اخي الجنرال

انا سوف يكون ردي حسب مافهمت إن السطحة هي التي تنقل السيارات المتعطلة

--------------------------
السعر
السعر حسب الموديل والنظافة وتتراوح من 30000 ألف الى قيمة وكالة في الثمانينات

العامل

السطحات من المشاريع المسعودة ممنوع يقودها أجنبي وانسى يعطونك عليها عامل


التشغيل

التشغيل وضع رقم جوالك بشكل واضح على السطحة واذا يوجد مكان تجمع لسطحات تقف معهم وتأخذ سراك معهم
واما من حيث اسعار التحميل تختلف حسب المسافة

مثلاً واحد عندنا حمل سيارة من الطائف الى الرياض بقيمة ألف ريال

الدخل يعتمد على نشاطك وانا اعرف مجموعة كبيرة من الشباب لديهم سطحات وواحد منهم دخله اليومي 500ريال

اما الثاني يقول اطلع 150ريال وارجع للبيت ما اكمل

العملية قناعة

السيارات التي تحملها تتعامل مع كذا ورشة يعطونك نسبة عندنا في الطائف صاحب الورشة يعطي صاحب السطحة 10% مقابل انه جاب الزبون لدية غير قيمة المشوار

مثلاُ الورشة طلبت 2000ألفين ريال على الزبون لتصليح سيارتة انت تطلع عمولتك 200ريال غير مشوارك

وهنا افضل شي تتعامل مع اكثر من ورشة لو ما اتفق الزبون مع الورشة الاولى يتفق مع الثانية

كذلك تجعل لك كروت شخصية لرقم جوالك كل زبون تحمل لة سيارتة تعطية الكرت حتى يتصل فيك مرة ثانية او يعطية قريب لة

بعد هالردود ماعندي شيء اقوله

الا اني ادعوا لك بالتوفيق

ملاحظه عليك اخوي واسمحلي فيها

الردود والنصائح السابقه من الاخوه كانت في قمة الروعه

ووالله اني احيانا ودي ادفع فلوس لصاحب النصيحه...


فكان ردك عليهم هو الاتي:

اقتباس:

المشاركة الأصلية كتبت بواسطة الجنرال العاطل مشكورررين على الردود والنصائح الجميلة والاسلوب الاجمل من كل عضو الله يجزاكم عني كل خير وحلوة <<< الولايات السطحيه المتحده

جميل شكرك لهم وهو واجب عليك

لكن الافضل والاوجب ان تقف مع كل رد من هذه الردود وتشكره لوحده

عرفت وانا خوك؟؟

هؤلاء عطوك عصارة افكار وربما خبرة سنوات...فالافضل ان تقدم الشكرلكل منهم على حده وباسمه وهو الافضل..

اعذرني على لقافتي ولكنها ملاحظه عليك وعلى البعض ايضا

بالتوفيق ياغالي

مشكووووووووووووووووووووور