الســلام عليكم ورحمة الله وبركاته .. صبـحكم الله بكل خير ورضاء وسرور .. قصتي كاملت ( ن ) بمعهد حرس الحدود في الريـاض من ( أ ) الى ( ي ) ..

صحيـت من النوم الساعه الخامسـه والنص بتوقيت غرينتش ..
قمت وتوضيت وصليت الفجر .. جابت لي الفطور الوالده حفظها الله .. وافطرت وعينت من الله خير .. وطلعت بكت مالبورو احمر واخذت لي زقـاره .. شوي الا وانصمـخ وارجع وامدد .. شوي الا ابوي ماسك بيده حديده وزنها ( طن ) وبيفتح في ر1سي ( ورشة خياطه ) شوي الا وافز واقول له صل على النبي .. قال يله قوم ودرجها لـ سلاح الحدود .. قمت ولبست ثيابي وتكشخت 24 قيراط << رايح اخطب الظاهر
الزبده .. اخذت اوراقي وشيكت عليها .. ودقيت الموتر سلف << ددسن 82 غماره
وصلت لـ المعـهد .. مافيه زحمه و1جد .. وقفت عند الطلاب وجاء الجندي وقال من ماعنده استماره رفعت اصبعي << للحين عادت الابتدائية مانقرضت ..
عطاني الاستماره وعبيت البيانات ودبست الصـوره في الاستمـاره .. ومسكت سراء وعلى طول دخلت اخذ اوراقي رئيس رقباء وشاف المؤهلات وقال لي تخصصك جندي امن ودوريات بحري ..
قال لي اجلس انتظر دورك يجي .. جلست دقيقتين وجاء دوري عطيت اوراقي الرائد .. راجعهم سالني كم عمري جاوبته .. وقال يلا رح يم المقدم خله يقيس طولك .. قاس طولي وطلع 165 .. قال لي بصوت خفيف ودي اساعدك بس 3 سم ناقص بس يلا يمكن يدبرها المقدم الثاني .. وقفت عند المقدم وطلع يعرف عمي الشاعر .. قال لي وش يقربلك فلان ابن فلان قلت عمي قال ونعم .. استبشرت بالخير انا .. ( وفي هالحظه افكر بعد ماتوظف اخذ سلفه من بنك الراجحي ولا الاهلي ) << واثق الاخ .. قال لي اقضب الباب يالقزم .. قلت وعمي واعرفه ومدري وش .. قال لو سمحت اقضب الباب وخذ ملفك وانا الي انقهر .. وبدت علامات الغضب والشراسه في وجهي واخذ الي اسحب الملف من يده بقوه حسيت ان النجمه والتاج بيطيحون على الارض .. وانتهـت القصـه

.. للمعلوميه لو نسبتك 100% وعندك شهادات الدنيا كلها وطولك ناقـص 1 سم .. بيتقضب الباب ..

تحيـاتي لكم والله يوفقني ويوفقكم باذن الله