اخواني واخواتي

اريد ان اسال عن سبب ترسلوا السيرة الذاتية يتصلوا عليكم للمقابلة تروحوا في الموعد بافضل هيئة وتجري المقابلة ويمتدحوك ويطلعوك السماء ويقولوابنتصل عليك بعد اسبوع او اثنين وتنتظر ويطول الانتظار تتصل انت عليهم يقولوا مافي شاغر,الوظائف خلصت,انت في الانتظار وغيرها من الحجج تقدم على وظائف حكومية يرشحوك تختبر تجيب اعلى درجة وتترشح للمقابلة فجاة لا احد يتصل عليك ولا يسال فيك هذا حالي واكيدحال غيري ودي افهم لماذا؟

أختي هـــــــــــــذا حالنا جميعا
الواسطه هي السبب والمقابلات يجرونها بس للشكليات عشان يقولون وفرنا وظائف
كل إنسان بيأخذ رزقه بواسطه أو بدون واسطه
الله يرزقنا جميعا عاجلا غير آجلا

بسبب الواسطة الله ياخذهم

بس ياأختي لا تضيقين صدرك وإن شاء الله ربي بيعوضنا خير

احيان يا طويلين العمر يعلنون عن وظائف بالمسمى وفي الأصل سبق وإن وظفوا شخص قبل لا يطلع عليهم الي مستدعى للمقابله ؟؟؟
طبعا هم لهم أهداف أما للسمعه إن حنا والله نوظف ولا مثل الدوائر الحكوميه عشان نسكت الشعب ؟؟؟

إذا المدارس الأهليه وهم الأهليه ينادون لك عشره وما عندهم شاغر إلا وظيفه وحده ؟؟؟

ايييييييييييييه حسبي الله عليهم وبسس

صادق يا M.m

انا مريحه نفسي ماعاد ادور واسال واروح
تعبت!!!!!!!!!! اومادري وين اروح
الله يوفق الجميع






دمتم بخير

طالبة كبيرة ... وفقنا الله وياك لكل خير


من طرق وسبل الإعلان للمنشأءة .. الإعلان الوظيفي

والشخصيات اللي تقابلك تكن لك كل التقدير والإحترام وتعطيك فوق حجمك حتى تسوق لهم في الخارج عن رقي تعاملهم وإحترامهم للأخرين .. ولكن في الحقيقة خلاف ذالك ..


أنا أخصائي موارد بشرية من المهام الوظيفة عندي التوظيف وصياغة عقود العمل وإعلان الوظائف ..

في يوم من الأيام طلب مني المدير العام أن ننزل إعلان عن مجموعة وظائف .

لكن الحقيقة بعض مسميات هذه الوظائف ليست موجودة عندنا والشركة مكتفية تماماً ..

لكن من باب التسويق للإعلاني .. وكسب أكبر قدر ممكن من الـــC.V حتى وقت الحاجة تكون جمعها متوفرة .... وهذا القصد


حبيت أبين جزء من برواز الصورة المغشوشة .. وماخفي أعظيم ..



ودمتي بخير .....

انتي اسعي في طلب الرزق
وادعي ربك ليل نهار

وحتى اللقمة اللي مكتوبة لك ماحد ياكلها غيرك

قال الرسول صلى الله عليه وسلم ( لو انكم تتوكلون على الله حق توكله لرزقكم كما يرزق الطير تروح خماصا وتغدوا بطانا)