السلام عليكم ورحمة الله وبركاته

اليوم بعطيكم قصتي اللى من يومها وانا ماانام الليل
ويعلم الله اني مانزلت الموضوع الا اني ابي افضفض شوي باللى بقلبي
ويمكن البعض منكم مايعتبرها شي يضيق الخلق لكن والله اني بغيت اموت ولا اجلس كذا


قصتي بدت قبل سنه واللى هي اني بغيت اتزوج .. مع العلم ان راتبي 2700 ريال
ومابغيت اتزوج الا بعد اخوي الكبير او نتزوج انا وياه مع بعض في يوم واحد
وابوي قال ان شاءالله خلاص نزوجكم سوا
وراحت الايام وجات اايام واخوي ماجاب طاري للموضوع
رحت للوالد وقلتله ابيك تخطبلي من بيت عمي قال خلاص .. راح ابوي لعمي وكلمه عالموضوع
وقال ان شاءالله بنرد لكم خبر

على طوول جاء الوالد لاخوي وقاله يلا نبي نخطبلك عشان نزوجكم سوا ... تدرون وش قال اخوي
.
.
قال مالي شغل فيه يبي يتزوج زوجه .. ااانا ماعندي نيه
انا هنا قلت عادي يمكن مايبي يتزوج ولا حاط في باله اصلا زواج ..
المهم
جانا رد عمي .. < ماتمت الموافقه >
قلت خير وبركه البنات كثير والحمدلله
راحت الايام وخطبت من بيت ثاني والحمدلله وافقوا وكل شي تمااام

بعد شهر من خطبتي .. جاتني الصدمه اللى للحين والله اني ماانام منها
جاء اخوي الكبير لابوي وقاله
انا ابي اتزوج .. ابوي فرح وقال خلاص ان شاءالله زواجكم سوا .. وانا قلت خلاص هانت


اخوي قال < لا >
انا ابي اتزوج مع ولد عمي !!!!!

كيف يصير بالله .؟؟!
وانا اللى ضيعت سنه ماتزوجت على شانه .؟؟

وهو زواجه بعد شهرين .. يعني اشيل من راسي اني اتزوج .. الا بعد سنه من زواجه .. وربي شي يقهر


بالله قولولي ياناس ش اسوي في هالحاله ...
فكرت اني مااروح زواجه واقعد بالبيت .
وحلفت اني ماادخل بيته . < اللى هو بيت اخوي
ماادري ياناس هالافكار من وين تجيني هي حاله نفسيه ولا وش .؟؟
اقسم بالله اقول الموت ارحم من هالحاله

بالله وش اسوي .. قولولي.!!

هلا اخوي (الله ما يضيعك) والله مايضيعك
انا صراحه من جد حسيت بالقهر والحزن
اخوي يالغالي انت اصبر واحتسب الاجر وثق تمااااااااااااااااااااما تمااااما انك اذا صبرت
وتوكلت على الله ان الله بيعوضك عاجلا او اَاَاَجلا بالشي اللي يسعدك ويرضيك
وانا اعرف ناس صار لهم زي اللي قلت اللحين وبعضهم اكبر من كذه
ولكن صبرو وتركوها لله. ومع مرور الايام عوضهم الله بإشياء كثيره وما توقعوها
حتى بعضهم يقول الحمد لله ان هذه المشاكل والمصائب جتني وانتهت لأن الله عوضني ((والله ما يضيع احد))
ولا تنسى (((اللهم أجرني في مصيبتي ، واخلف لي خيرا منها، إلا أجره الله تعالى في مصيبته وأخلف له خيرا منها)))
اما بالنسبه لزواج اخوك تكفى تكفى يا اخوي تروح زواجه ((تراه اخوك مهما كان انت سند له وهو سند لك))
ولا تزيد الطين بله وانا عارف ان اخوك غلطاااااااااااااااااان بالحيل والله يصبرك ويعينك وهونها تهون ان شاء الله
.
.
.
.
شوف يالغالي ((ادفع بالتى هى احسن فاذا الذى بينك وبينه عداوة كأنه ولى حميم))
.
.
تقبل مروري يالغالي وتحياتي

لا حول ولا قوة الا بالله

ليش تاجل زواجك سنه عشانه
خيرالبرعاجله
استعد هالفتره واتزوج بعداخوك بشهر

الله يوفقك ويسعدك ويبعد عنك الضيقه

وش هالكلام تراه اخووك في النهاية ....

صحيح هو كسر خاطركـ بس ما يعنى انك خلاص تتبرى منه عشان شي ما يسوى


احظر زواجه وباركله وساعده ....وصدقني بيحس بالغلط الي سواه ..