للرفع

حياكم ربي جميع والله يوفقنا واياكم وننقبل جميع ان شاء الله وتجمعنا دوره وحده

بالنسبه لأسألة الاخوان

اول شي بالنسبه للصوره : هذا ياطويل العمر في دورة الصاعقه في صلبوخ وليس في دورت قوات الامن الخاصه بمعنى اذا خلصت دورت قوات الامن الخاصه الي هي من 6 الا 9 شهور وعطوك دورت صاعقه راح يدربونك على الامور هذي اما اذا ما دخلت صاعقه فما راح تسوي مثله ابد

بالنسبه لأسألت اخوي خضر الوايلي

اول شي قوات الامن الخاصه وجميع ما يخصها : اول شي قطاع قوات الامن الخاصه قطاع قديم تابع لوزارة الداخليه ويحضى بأهتمام خاص من مساعد وزير الداخليه الامير محمد بن نايف وفيه اكثر من تخصص مثلاً : 1_ مكافحة ارهاب . 2_أمن وحمايه . 3_ حماية منشأت . 4_ حماية سفارات . 5_ امن وحماية شخصيات . 6_ امن طائرات . 7_ كتائب . 8 شرطه عسكريه . وغيرها من التخصصات التي تشمل جميع القطاعات العسكريه من علوم اداريه ومعلومات اتصال او كمبيوتر وغيرها

اما بالنسبه لموعد تسليم الاوراق بالنسبه للتقديم الي قدمت عليه انا فاللي اعرفه ان جميعهم قدمو اوراقهم وخلصو اما اذا كنت مقدم على دورت الموسيقى فأتوقع والمعروف ان تسليم الاوراق راح يكون بعد الفحص الطبي بثلاث ايام .

بالنسبه للسؤال الثالث موقع الفرز النهائي : راح يكون في مقر الرئاسه في ام الحمام وراح يكون تحت اشراف رئيس الشؤون الماليه والتجنيد العقيد الصقير الي سوا المقابله الشخصيه وعدد من الضباط والي راح يطلع اسمه بالفرز النهائي راح يجيه اتصال

بالنسبه للسؤال الرابع موعد الدوره ومدتها وطريقتها : اول شي موعد الدوره الا الان مافيه وقت محدد وانا اخوك حتى منسوبي القوات الخاصه والافراد الي يعملون في مكتب التجنيد ماعندهم اي خلفيه والدليل ان اراءهم متضاربه كل واحد فيهم يعطيك موعد لكن المتوقع بالكثير اذا طولت راح تكون في شهر 10 اما بالنسبه لمدتها فبحكم ان صلبوخ الحين صار معهد فالدوره راح تكون من 6 شهور الا سنه اما بالنسبه لطريقتها فهي كتالي : اولاً 45 يوم بعدها راح يعطونك اسبوع راحه بعدها تحضر بعدين 3 شهور فرد اساس بعدها 3 شهور اعمال قوات بعدها عاد يا يخرجون دفعه او يكملون الدورات ويعطونكم تخصص وعلى حسب التخصص راح تكون مدت الدوره من 3 الا 6 شهور
وراح يكون هناك اجازات ويوم طالب وراح يكون فيه جزاوات يعني ما تطلع الا يوم الخميس ( لأن اكثر شي يعتمدونه في دورت قوات الامن الخاصه العامل النفسي يعني ما يقولون لك متى راح تخلص الدوره ولا يعلمونك اذا فيه زياره في الـ45 يوم وبعض الاحيان مايخلونك تطلع خميس وجمعه حتى وانا منضبط في الدوره يعني اكثر الشغله نفسيه ) لكن بالنسبه للتعاملهم مع الطلاب فمعاملتهم لهم معاملت رجال وصدقني لو تأدي الي عليك على اكمل وجه راح تفلها وراح يعرفونك المدربين ولو بغيت منهم اي شي ماراح يقصرون معاك ,

بالنسبه للسؤال الخامس التخصصات ومتى تكون افضلها رواتب : التخصصات اخوي ذكرتها لك فوق اما بالنسبه للرواتب فهي تتراوح مابين 5700 < بدون تخصص يعني مثلاً صرت في الكتايب او في الشرطه العسكريه او اداري هذا بيصير راتبك اما اذا صرت متخصص في احد الوحدات التابعه للقوات فالراتب يتراوح حسب التخصص فمثلاً الجندي في مكافحة الارهاب راح يكون راتبه 9000 ريال اما في امن المنشأت راح يكون راتبه تقريباً 7500 ريال لكن فيه بعض التخصصات لها ميزات مثلاً أمن السفارات طبعاً الشعبه هذي لازم متطلبات مثلاُ شهاده جامعيه ولازم تكون رتبتك من وكيل رقيب وفوق المامك بأكثر من لغه ( لأنهم راح يرسلونك للسفارات السعوديه بالخارج ) طبعاً مميزات هذا التخصص راح يكون راتبك الاساسي دبل ( فقط الراتب الاساسب من غير البدلات ) وراح تكون خدمتك دبل بمعنى لو خدمت عشر سنوات راح تكون خدمتك عشرين سنه وراح تكون دبلوماسي اما بالنسبه لتخصص مكافحة الارهاب فراح يكون لك هذي المميزات ( الترقيات لك اولويه عن غيرك طلب الاسكان لك اولويه عن غيرك )

بالنسبه للسؤال السادس الترقيات : الترقيات اخوي ما اقولك انها تجي بسرعه او ما تطول لا هي تطول لكن احسن من ترقيات الامن العام والمباحث وغيرها من القطاعات

السؤال الاخير تم الاجابه عليه .

وفي الاخير ارجو اني افدتك اخي الكريم واتمنى ان الله يوفقني واياكم ونكون من المقبولين نهائياً في القوات الخاصه

وأي سؤال أو استفسار راح احاول اني افيدكم باللي اقدر عليه .

وتقبلو تحياتي اخواني .

الله يسعدك مهلومات جيده

اخوي طارق لو تنزل صورك كلها في موضوع واحد راح يكون احسن عشان ما تكثر الصفحات وانا اخوك

اوك يا خوي من عيوني

الله يعطيك العافية والله انك تستاهل التقيم
والله يوفقك ويوفقنا جميعا
يارب

شوباك يعطيك الف عافيه