تكفون إستفسار عن محل خياط رجالي

كذا كذا · #1 (**permalink**) 24-04-2010, 07:47 PM

[align=center]
بسم الله الرحمن الرحيم

السلام عليكم ورحمة الله وبركاته

أخواني أنا عندي كم سؤال وأتمنى تساعدوني وأكون شاكر ومقدر لكم :

بحكم خبرتكم ومعرفتكم التامه بأغلب المشاريع ،،،

خياط رجالي

ماهي شروط إستخراج الرخصه ؟

وكم التكلفه من غير الإيجار ؟

وهل الرخصه ماتطلع إلا بتأثيث المحل من طاقات وغيرها أم بوجود مكينة الخياطه واللوحه فقط ؟

وكم عامل يعطوني على المحل ؟

وكم سعر مكينة الخياطه ؟ وماهي أفضل وأجود الأنواع ؟

أدري طولتها( العذر والسموحه ) بس أدري ماراح تقصرون إن شاء الله ،،،

أسأل الله التوفيق لكم جميعاً ،،،،،،،،،،،،،،

[/align]

كذا كذا · #2 (**permalink**) 24-04-2010, 09:10 PM

أفاااااااااااااااااااااااااااااااااااااا

وين الناااااااااااااااااااااااااااس

ولا رررررررررررررررردددد

سبحان الله وبحمده سبحان الله العظيم ،،،،

رومانتك · #3 (**permalink**) 24-04-2010, 09:15 PM

موفق نشالله

صدى الحرمان · #4 (**permalink**) 24-04-2010, 09:34 PM

انت ناوي تفتح محـل

ولا بس تبي تستخرج رخصة محل وتستقدم عماله وتبيع التأشيرات

حدد لي هدفكـ وان شاء لله اقدر أفيـدكـ

كذا كذا · #5 (**permalink**) 25-04-2010, 11:08 AM

اقتباس:

المشاركة الأصلية كتبت بواسطة رومانتك

موفق نشالله

والجميع يااااااااااارب ،،،

كذا كذا · #6 (**permalink**) 25-04-2010, 11:10 AM

اقتباس:

المشاركة الأصلية كتبت بواسطة صدى الحرمان

انت ناوي تفتح محـل

ولا بس تبي تستخرج رخصة محل وتستقدم عماله وتبيع التأشيرات

حدد لي هدفكـ وان شاء لله اقدر أفيـدكـ

بارك الله فيك أخوي

لا طبعاً إن شاء الله ناوي أفتح المحل وأشغله ،،،

كذا كذا · #7 (**permalink**) 27-04-2010, 11:25 AM

وين الناااااااااااس

سبحان الله وبحمده سبحان الله العظيم

السكب · #8 (**permalink**) 27-04-2010, 01:58 PM

السلام عليكم

بصراحة اليوم شفت موضوع عن مشروع مخيطة ولما شفت موضوعك رجعت ادور هالمشروع الي قريته وبعد جهد وجدته وإن شاء الله يفيدك

المشروع خياط رجالي
المشروع حلو ومكاسبه حلوه
وما يكلفك نص المبلغ اللي معاك
ماكينة جوكي صيني ب800 ريال
220 ريال ماكينة سرفلة
500 ريال مص ولوازم
5000 ريال أقمشة لا وأبشرك الموزعين راح يعطوك بالاجل اللي تبي وتسلمهم دفعات اسبوعية
من 5000 إلى 1000 ديكور
ولا تنسا أن الاجازة على الابواب يعني تكثر الزوجات والتفصيل
ثم يليها عيد الفطر
عامل واحد فقط يستقبل ويخيط وإذا شد الشغل عليك ياكثر الباكستانية والهنود اللي يشتغلوا في بيوتهم
وبعد العيد ركود للي ما يعرف يشتغل ممكن انت تسوق لنفسك عند المستشفيات الخاصة وتعمل لمنسوبيهم من الكادر الطبي بلطوات طبية
وعندك المطاعم
وعندك الفلهورات لفنين الصيانة في الورش
شغلك ما يوقف
ومكاسبها حلوه
القماش عندك الهندي والاندونسي والكوري والتايلندي والياباني والاسباني
بعضها عرضين وبعضها عرض
و مايكلفك الواحد 3 إلى 4 ريادة والياردة ببعض الاقمشة تطيح عليك ب 5 ريال أو أقل
يعني أبو 12 ريال
بالنسبة للزراير والكوي يجيك باكستان وهنود عندهم مكاين عراوي هذي قيمتها فوق 17000 ريال وماكينة الازرة هذه قيمتها 7000 ريال انت مبتدئ ما تحتاجها
هم يجوك المحل ويأخذوا منك الثوب يركبوا لها أزارير ويكوه ويلبسوه نايلون ب4 ريال
واصل لمحلك ربي أرزقني وأرزق مني
التطريز هم حقين الازارير عندهم وبعطونك عينات لها توريها الزبون يعملوها لك ب15 ريال وتصفق فيها الزبون ب40 ريال أقل شيء
هذي التكاليف وعليك حساب الارباح
وعلى فكره محل الخياطة سهل جردة جدا جدا

كذا كذا · #9 (**permalink**) 27-04-2010, 07:12 PM

أخوي السكب

أسأل الله أن يرزقك من أوسع أبوابه ،،،

كما أسأله سبحانه أن يجزيك الفردوس الأعلى ،،،

بارك الله فيك وفي مجهودك الرائع ،،،

أنرت هذا المتصفح ...............

روح الوطنية · #10 (**permalink**) 27-04-2010, 08:52 PM

اخوي انا ابي افيدك بالي اعرفه
لازم تخلي ديكور المحل جذاب لان عندنا الناس ماتجي غير على المظاهر يعني اذا اعجبة الديكور بيدخل المحل

ولازم تجيب خياط كويس لان هو الاساس في المحل يعني اذا مايعرف يخيط الثياب كويس ماراح يجيك زبائن

والعامل من دون راتب تشغله بالنسبة مثلا تعطيه 25% او 50% او حسب الاتفاق بس لاتعطيه راتب لانك اذا عطيته راتب راح يجلس ماراح يشتغل لان راتبه ماشي اشتغل او ما اشتغل

واحرص على الموقع المميز للمحل

والاقمشة فيه نوعين :
1- الماركة مثل الجديعي وغيرهو هذي صناعة ياباني
2- الشعبي وهاذا صناعة اندونيسية وكورية
والشعبي سعر الطاقة 35ريال وانت طالع مع العلم ان فيه شعبي درجة اولى ودرجة ثانية
والطاقة تفصل من 5 ثياب الى 7

وحاول تركز على الشعبي لان زباينه كثير
واول ماتفتح المحل خلي الاسعار 75ريال للثوب وحط لوحة على باب المحل فيه العرض 75ريال للثوب
الى ان يصير عندك قاعده كبيرة من الزبائن وبعدين تبدى ترفع السعر الى حد معقول زي المحلات اللي حولك

لانك في البداية تبي تواجه منافسة من اصحاب المحلات اللي حولك ولاتستعجل على رزقك ارضى بالقليل
وخلك سنة كاملة على التخفيض 75ريال وبعد كذا راح تشوف كيف زبائنك

وترى تجار الجملة يتلاعبون بالاسعار يعني راح تحصل نفس القماش بأسعار مختلفة من تاجر الى تاجر

يعني لاتستعجل على شراء الجملة مر على محلات الجملة كلهم

واي استفسار انا حاضر للجميع

والله يوفقك ويرزقك من حيث لاتحتسب
تحياتي لك