بسم الله الرحمن الرحيم


يا شباب لا احد يحط أمله في وزارة الخدمة المدنية .. والي يبغى يصدق يصدق و الي ما يبغى براحته ماهو مجبر


أنا طابقت أوراقي من أول أسبوع << بس ماني متطمن لهم

سيرت عليهم مرة ومرتين أبغى أعرف وش صار في اوراقي بس للأسف دون أي نتيجة .. المهم ..

واحد قريبي شغال في .......... وله علاقاته في الخدمة المدنية بحكم منصبه في وزارة ............. وخدمني المرة الأولى في وظيفة على الديوان بس كانت بشهادة الثانوية وقدمت استقالتي منها لاني لقيت أفضل .. يعني الرجال مجربه من قبل

خلاصة الموضوع .. فكرت مليون مره اكلمه ولا لا .. وقررت قلت يارجال كلمه منت خسران عشان لا تندم

وكلمته وما قصر ارسلني لواحد في الديوان ( نفس الشخص الي خدمني المرة الأولى ) ..
دخلت عليه وعرفته بنفسي .. وماقصر هو بعد ضيفني

وحصل بيني وبينه نقاش كثيييير على وظيفتي الاولى في الديون و على الاستقالة وكيف وضعي الحين في وظيفتي و و و

بس حطمني في شيء واحد .. قالي ارسلنا خطابات إلى كل الوزارات وللحين الإحتياج 700 وظيفة فقط

وقالي انا مصدوم من العدد المطلوب وما كان متوقع ..

طبعا انا وربي انقهرت من السالفة وتحطمت وقاطعت كلامه .. وقلت له المفروض تعرفوا الاحتياج قبل التقديم مو بعد التقديم .. أو على أقل تقدير قبل المفاضلة ..؟؟؟

قالي والله هذا نظام الخدمة المدنية و بالذات الدبلوم جات فجأهـ ومدعومة من فوووق وبأسرع وقت يتم التنفيذ ..

بس باقي كم وزارة ما طلبت إحتياج ولا ردت علينا .. وكل شيء راح يبين بعد نهاية المطابقة بأسبوع بالكثير ..

قلت يعني وش تتوقع احتياج الوزارات .. قالي انت ادعي ان ربك يسهلها لكن خلك متفائل وخلي أملك بالله كبير ..

هذا الي حصل بالتفصيل الممل

---------------------------------------------

أنا ما أثق ولا في أي إنسان في الخدمة المدنية حتى لو أبوي

لكن لو كلامه صحيح وربي مصييييييييبة كبييييييييييييييييرة

الرزاق الله والأمل فيه مو بوزارة الخدعه المدنيه

حلو 700 وظيفة يعني فيه امل وظائف
احسن من لاشئ

استغفر الله العلي العظيم واتوب اليه

ادعي ربك لو المطلوب وظيفة وحده الله قادر يجعلها نصيبك

أستغفرك اللهم وأتوب إليك
لا إله الا انت ربي سبحانك اني كنت من الظالمين

700 وانا من الناس اللي متفائل بهذا التقديم يطلع الرقم بس 700

الخدمة المدنية من جهة والوزارت من جهة

وكل واحد يوظف على كيفه

وانا وانت نضرب روسنا بالحطيه

هذا الواقع واللي مو مصدق بكيفه

والدليل

البريد السعودي يوظف في ارادته وفي اي وقت

ووزارة الماليه توظف

وانا وانت المساكين اللي مالنا احد إلا الله نعيش ونموت بمهمومنا وبطالتنا

متى نتوظف متى متى

استغفر الله ربي العظيم ..
ليش بس ..
لا تقول .. أن من هلـــ 700 بس 200 موظف للصحـــة ..
حسبي الله ونعم الوكيل ..

يارب ترزقنا ,.. رحمتك

تفاؤلو بالخير تجدوه

أن شاء الله خيـــــــــــــــــــــــــــــــــــر وفيه الخيـــــــــــــــــــــــــــــــــــــــــر

ماتوقع ولد عمي توه متعين عن طريق الخدمه المدنيه وظيفه صحيه يعني صحيح في واسطات انا مانكر بس لاتحطم الناس اكثر ماهي متحطمه