لا اله الا الله

سبحان الله وبحمده سبحان الله العظيم

شكل الكلية ذي محد يبيها
وش السالفة شباب

آلله يوفق آلجميــــــــــــــــع .. ومشكور آخوي علىآ آلموضوع

اجل تبون حريسان والله من الواسطات في راس هذي الكلية ريحو نفسكم وشوفو لكم تخصص حلو في الجامعة وشدو حيلكم كلية الملك خالد ماشيه بالوراثة ابوك عميد او عقيد في الحرس تفضل حياك الله غير كذا اقضب الباب هذي نصيحتي لا تتعلقون فيها زيادة قدمو ان جات ولا ما جات مثل ما يقولون لقحت ولا ماضرها الجمل .

بقولكم قصتي بالمختصر عن كلية الملك خالد للواسطات بعد ماتخرجت من الثانوية كلمني واحد من اخوياي قال في تقديم في كلية الملك خالد قال بتروح قلت ان شاء الله واخواني كلهم قالو لي لاتروح تتعب نفسك لاني من الشرقية والتقديم في الرياض قالو لاتروح كلها واسطات قلت انا بروح اسوي اللي علي ورحت وصلت الرياض الساعه 8 الليل تقريبا وجيت عند باب الكلية الا العالم قدامي صافين سرا من بعد صلاه العشا لين اليوم الثاني وصف معهم لين اذن الفجر ودخلنا وصلينا وصفونا طابور ودخلنا مسرح وعطونا اوراق وبعدين يسئلونك اسمك وابوك وين يشتغل ومن هالاسئلة وبعدين دخلونا صاله مغلقه وفصخونا هههههه وصفينا طابور ماعلينا الا هافات وانا اللي قهرني ان العسكر يقز المهم دخلت على الدكتور وفحصني بس اشوى مانزل السروال بس خويي اللي معي قال ان الدكتور قاله نزل ههههههه وبعدين رحنا من عندهم وعطونا ملف اذا قبلوك تعبيه لهم وتجيبه وقالو تعال لنا في نفس اليوم العصر عشان اختبار اللياقه وجيناهم واختبرنا اختبار البشم اللي يسمى الضغط وبعدين هرولة على الملعب لفتين يمكن 800 متر وفي ناس وقفو خاصة اللي يدخنون بس انا ماوقفت وطبعا الوقت دقيقتين بس بس هو زادها نص دقيقه عشان الجو حار وبدين خلصنا واللي انسدح في الشارع واللي بيغمى عليه ههههههههههه وبعدين قالو روحو خلاص وبتطلع النتايج في الجرايد ورحت وكلمنا واسطه ولا نفعنا وطلعت النتايج وطلع اسم خوويي اللي معي وانا ماطلعت مع ان طولي 178 ووزني 69 ولياقة زينة ونسبتي 95 وقدراتي 94 بس ناقصني اهم شئ واسطة قوية مهب اي واسطة يعني عميد حولها المهم خويي اللي انقبل ماشاء الله عليه فل كامل انا يمكن سقطت في اللياقة شوي البشم ماعرفت لها المهم خويي قبلوه وراح لهم وسوى فحص من جديد واخر شئ ماطلع اسمه قبلو في الاخير 230 من اللي تقدمة تقريبا 20 الف او اكثر فيا شباب لحد يفكر انها بهسهولة تقدر تدخلها يعني لاتعب نفسك خاصة اللي من برى الرياض من الجنوب ولا الشمال البعيدين اما اللي في الرياض يرووح يشووف بنفسه وانا ماكتبت هالكلام ابي احطم احد او شئ بس قلت اللي صار بالضبط واتمنى لكم التوفيق

اتمنى من الاخوان اي قدمو على الكليه كل واحد يدلي بتجربته

^^^^^^^^^^^
ايه نبي احد يفيدنا



................

__up__