السلام عليكم ورحمة الله وبركاته

كيكفم جميعاً

بصرآحه أنا من قبل كم يوم تمنيت واحد ينزل موضوع فيه تفاصيل المقابله علشان ارتاح شوي

بس ماحد سوى موضوع خاص

قلت بسويه انا بعد ماخلصت ولله الحمد .

............................

طبعا كانت مقابلتي يوم الثلاثاء 6 / 5

بس للأسف العسكري الخال (( العلياني )) حسبي الله عليه

دخل مجموعه بسييييطه يمكن مايتعدون 30 واحد وطرد فوق 100 واحد كذا عبط

وصاروا ينادون بالأسماء اللي يعرفونهم يعني واسطه

ملاحظه بسيطه (( تراهم يردون اللي محلق أكثر من مكينه 2 .. يعني مكينه 3 او 4 يردونك ))

.....................

مالكم بالطويله رحت اليوم السبت ولله الحمد ودخلت

طبعا أول شي بقوله لكم اللي عنده مقابله يلزق في الباب يعني يجي من بدري لأنو احتمال يدخلون مجموعه بس ويطردون اللي ورى

ثاني شي أٌولكم ترتيب الأوراق

طبعا الترتيب بيكون من تحت يعني تفتح الملف الأخضر العلاقي وتحط الأوراق من تحت يعني رقم واحد يكون هو أخر شي في الملف

1- صورة البطاقه الشخصيه مكبرهـ وواضحه .

2- صورة كرت العائله ولابد يكون فيه إسم الأم .

3- شهادة الثانوية مصدقه (( وهي الشهادة اللي صدقوها لك في أول مقابله اللي وقعوا عليها وكتبوا تمت المطابقه في الحاسب ))

4- شهادة حسن السيره والسلوك .

5- كرت البصمات (( تخرمه طبعا وتحطه في الملف ))

6- ورقة الكشف الطبي (( تخرمها وتحطها في الملف ))

7- دفتر الالتحاق تدبس فيه برنت الأحوال في صفحة الأحوال (( وتخرمه وتحطه في الملف ))

8- صورة الرخصه سارية المفعول مكبرة وواضحه .

9- ورقة حسابك البنكي (( لاتحاول تصور بطاقة الصرآف مايبونها يردونكم روح للبنك وقول ابي ورقة حسابي يجي فيها اسمك ورقم الحساب ورقم ال iban ))

10- تحط ورقة الطلبات اللي طبعتها من الموقع .

11- 6 صور 4×6 وانت محلق مكينه 1 .

............

وبكذا اذا فتحنا الملف يصير اول ورقه موجودهـ هي ورقة الطلبات اللي طبعتها من الموقع وبعد ورقة البنك . (( أتمنى انكم فهمتوا ))

طبعا دخلونا وجلسنا وطبعا اللي ملفه جاهز يقوم يسلمه على طول ويرجع يجلس وبعدين يدققون في الملفات وينادونكم بالإسم يسألونك عن اشياء في ملفك ويقول لك اجلس .

بعدين يجي وقت المقابله

طبعا اقولكم مقابلتي ههههههههههههههه

دخلت فيه 4 عسكر

2 ظباط و 2 رؤساء رقباء .

سألني رئيس رقباء

اش اسمك

قلت حليمة بولند

قال ارفع صوتك قلت حليمه بووووووووووولند <<< خايف لاحد يكفش اسمه ويطردونه من العسكريه .

قال اقرأ سورة الناس

قلت

قل اعوذ برب الناس اله الناس << نظر فيني كذا

قال اقرأ سورة الناس

قلت ايه طيب طيب

قل اعوذ برب الناس ملك الناس اله الناس << وخلصت الايه ولله الحمد

قال اش اسم امك

قلت شاهيناز هيثم سعدون اللبناني

قال طيب روح هناك وحولني على العقيد

سألني عن إسمي

قلت له حليمة بولند

قال من وين

قلت من بيتنا

قال وين مستقر قلت الرياض

قال تبي امن وحمايه راتبين وماادري ايش الموهيم انه مره خطير

قلت ايه

قال بس في بيتكم

قلت لا ابي الرياض

قال مافيه اكتفينا وماادري ايش

الموهيم حاولت فيه وقال خيرر يلا روح

ومشيت من عندهم الساعه 12 ونص .

ذي المقابله اللي صارت اليوم بالتفصيل الممل .

وأي سؤال انا في الخدمه لكم .