الابتعـــات الخـارجي .ساعدوني فيه !

عاشقة من بعيد · #11 (**permalink**) 25-04-2010, 04:01 PM

نفس الكلام المسأله مايبي لها عجز

لازم تحددين وش تبغين بالضبط وتبحثين بالبدايه اهم شي اللغه

وبعدها تراسلين الجامعات وغالبا التوفل والجيمات مطلوبه ويمكن تخصصك يتطلب شيء غيرهم

نزلي موضوعك بمبتعث ولا الملتقى السعودي وان شاء الله بيفيدونك بمعلومات صحيحه

مشاعل التميمي · #12 (**permalink**) 25-04-2010, 04:39 PM

مشكورين يا جماعة ,,
انا حددت بيرطانيـــا .. الشباب والبنات في منتدى مبتعث .. يقولون الدراسة هناك اسهل .. وإيسـر
ودي اكمل بكالوريس صيدلة .. مو مشكلة على حسابي الخاص لان مو مضمون البعثات الحكومية ...

بشوف وبرآآجع المنتديـــآت والله يييسر ان شاء الله

فاعل المعروف · #13 (**permalink**) 25-04-2010, 08:56 PM

بريطانيا اختيار جيد لكن ترى الدراسة موي سهلة خصوصا في الطب..

في شهر 7 تفتح البعثات ان شاء الله

موفقة

مشاعل التميمي · #14 (**permalink**) 25-04-2010, 09:09 PM

الله يسلمك اخي فاعل المعروف ..
وان شاء الله خير ..
وبريطانيا .. صعبة نوعا ما ..
امريكا.. الدراسة هناك للصيدلة صعبة .. اكثر .. والقبول عندهم ... يبي له ..
ولا في كل الجامعات تتوفر لي .. بكالوريس ..
اكثريتهم . فارما دي .. مقابل 6 سنوات بدون معادلة مواد
شي يعور القلب يعني ان السنتسن ما ينحسب منهم شي

مبتعث إمريكا · #15 (**permalink**) 25-04-2010, 09:58 PM

وعليكم السلام ورحمة الله وربركاته

انا يااختي راح اخدمك بكل المعلومات الي اعرفها انشاء الله

اذا تفكرين تكملي دراستك برا اول شئ يكون عندك محرم.
بعدها تفكرين في الدوله:
بريطانيا الدراسة اسهل والبكالوريس مع الماستر في 5 سنوات بس الدولة غالية واذا خرجتي ع حسابك ماراح يجيك الحاق بالبعثة الا بصعوبة جدا والدولة اصلا مفقلة من التعلم العالي.
امريكا الدراسة افضل بس يقولون اصعب شوي وماادري مده الدراسة كم والدولة اسعرها طيبة شوي افضل من بريطانيا واذا خرجتي ع حسابك راح يجيك الحاق بسهولة والله اعرف شخص جاه الالحاق بعد ثلاث اسابيع من وصولة واعرف غيره بعد ثلاث شهور.
يعني افضل امريكا من بريطانيا اذا ع حسابك لاكن لو ع البعثاث بريطانيا افضل واذا تبين اذا تسافرين راح اعطيك افضل واسرع طريقة للاتحاق بالبعثة واي معلومة انا حاضر .
وسلامتكم

مشاعل التميمي · #16 (**permalink**) 27-04-2010, 04:51 PM

اخي الواصل ..
ما قصرت على معلوماتك اللي .. فادتني واجد
اللي بيصير .. اني بسافر مع محرم .. اي احد من اهلي .
واتضح ان البعاثات الحكومية شروطها كا تنطبق علي .. ~ يعني ما يعدي 22 سنة وانا عمري 24 .// وما يكون تخرج من الثانوية اكثر من 3 سنوات .. وانا صار لي 6 سنوات تقريبا ..

والظــآهر اني بروح على حسابي .. هذا الفرصـــة الوحيدة ... ومن كلامك امريكــــــــــآآ احســن .. بس يبغى لي عناوين جامعات أراسلهم.. وارسل لهم شهاداتي .. ويعادلون لي المواد و الساعات ~~ مع اني دبلوم من معهد خاص .ما بحصل على من المعادلات شي يفيدني واجد ..
ولو يحصل لي اكمل بكالوريس في 3 سنوات احسن.. مابي اقضي عمري كله في الدراسة . من قبل سنتين . وبعدين مدري كم ..

شكرا لك اخي الوااصل

فاعل المعروف · #17 (**permalink**) 28-04-2010, 02:23 AM

اقتباس:

المشاركة الأصلية كتبت بواسطة مشاعل التميمي

الله يسلمك اخي فاعل المعروف ..
وان شاء الله خير ..
وبريطانيا .. صعبة نوعا ما ..
امريكا.. الدراسة هناك للصيدلة صعبة .. اكثر .. والقبول عندهم ... يبي له ..
ولا في كل الجامعات تتوفر لي .. بكالوريس ..
اكثريتهم . فارما دي .. مقابل 6 سنوات بدون معادلة مواد
شي يعور القلب يعني ان السنتسن ما ينحسب منهم شي

بالنسبة للمعادلة فالنظام البريطاني يعادلون الشهادات ..