السلام عليكم ورحمة الله وبركاته




خاطري اكمل دراسة البكالوريس قسم الصيدلة .. في كندا او لندن او امريكـــا
برآ عموما ..
بس ودي احد يخدمني ويعلمني شلون اتواصل معهم؟
كيف اقدر اقدم من خلال برنامج الابتعاث للملك عبدالله ؟
كيف احصل على منحة للدراسة الخارجية ؟؟
لآن فقدت الامل في الدراسة هنا .. وابغى فرصة دراسيةافضل ..



اللي عنده رابط للبرامج الابتعاث لا يقصر .. وربي يحقق كل آمــانيه يارب
Help me please

والله ياختي ماعندي اي معلومات
بس ادخلي على منتدى مبتعث
وإن شالله راح تحصلي فيه كل شي تبينه
وبالتوفيق .

الله يخليك ... آسير ..
ان شاء الله .. منتدى مبتعث في بالي .. بس مالي مزاج على التفحيييط فيه عشان ادور على معلومة ..
ويمكن لازم اسجل عشان اكتب لهم نفس هالموضوع ! زحمة علي وربي ..


ما قصرت يالغلآ.. عــــسى ربي ... ييسر أمـــــــــورك

لو تصبري السنه الجايه بيبدا التجسير ان شاءالله بالجامعات السعوديه وتقدري تكملي بكالريوس وانتي بين اهلك

لكن انك تكملي برا مابي احطمك بس حقين الدبلوم مالهم شي من اول ساحبين عليهم ببرنامج خادم الحرمين الشريفين

الا اذا بتروحي بفلوسك طبعاً تقدري بس المصاريف واجد

موفقه

زى ماذكرووو وحبيت اضيف ان الطريقة هى اول شى مراسلة احدى الجامعات المعترف بهااا لاي دولة

ثم تنتظر القبول منها وبعدهاا يتم مراسلة البعثه وتنتظر ايضاا القبوول كما يوجد مقابلة شخصية لذالك

ولاتنسي ان هناك لكل جامعه شروطه معينه من اختبار توفل وايلتس وغيرها ولله اعلم

واسال العلى العظيم ان يوفقك فيما يحب ويرضى

مشكورين اخواني ..
ما قصرتوا ...
والله يقدم اللي فيه الخير .

طيب .. ودي اعرف وش الجامعات المعترف فيها اللي فيها اقسام طبية ؟ اقدر اراسلهم ..


ربي يجزاكم كل خير

طبعا التقديم عن طريق برنامج خادم الحرمين الي يفتح كل سنه

او يكون على حسابك الخاص اول ترم على ماعتقد بعدين تنظمين للبعثه من هناك

طبعآ بالنسبه للجامعات المعترف فيها هذي تحصلينها في موقع وزارة التعليم العالي موجودهـ هينآ



وبالتوفيــق يآختي الكريــمه

ممكن اختي تقدمي على الحرس أو العسكري أو فيصل التخصصي لأنهم يسون بعثات

روحي لأي مستشفى من هذول وأسأليهم لازم تكوني موظفه ولا عادي تروحي تكملي وبعدين ترجعي تشتغلي عندهم

وأتوقع الحرس عادي لو ماكنتي موظفة

والبعثات تبع خادم الحرمين الشريفين بتنفتح تقريبا في رجب او شعبان

اختي االكريمة بالنسبة لموضوعك هذا مايبيله انسان يقول زحمة ولا مالي مزاج
الموضوع يبي انسان جدي وذو طموح عالي ولا يستسلم للملل والأحباط والكسل والأستعانه بالله قبل كل شئ والصبر الصبر الصبر!! لان الدراسة في الخارج مختلفة تماما عن دراستنا. والغربة بذاتها هم..

اختي الكريمة اتمنى ان لا احبطك ولكن هذا من حرصي عليك وكذالك لدفعك وزيادة همتك..

اختي من خلال تجربتي البسيطة في الأبتعاث يجب عليك زيارة منتدى مبتعث وكذاللك منتدى الطلبة السعوديين وهذا يضم بريطانيا وكندا وغيرها من الدول. والمنتديات جميعها ممتازة جدا وفيها اعضاء جدا محترمين وبيعطونك المعلومة الصحيحة100%100 ومتعاونين وهم متواجدين هناك. وبالنسبة لبرنامج الملك عبدالله لا اعرف عنه شي بحكم خبرتي بالأبتعاث الحكومي الخاص بالموظفين فقط.
يجب عليك تحديد الدولة التي انتي تبين تذهبين اليها.
بعدين تشوفي ا للجامعات المعترفة في هذه الدولة وهل هي معترفة عندنا في التعليم العالي.
وماهي شروط الجامعة احيانا بعض الجامعات تشترط درجة عالية في التوفل او الاتلس.
وعلى فكرة الجامعات الكندية لاتعترف بشهاداتنا خاصة الدبلوم ومريكا فيه جامعة تعترف لكن يبدولي غير معترف فيها. وبعدما تحددين الجامعة تقدمي عليهم وتستني القبول وهم راح يرسلونه خلال فترة.
اتمنى اني افدك ببعض الشئ.
تمنياتي لك بالتوفيق.

هههههههه بما انك عاجزه ماهقيتك تكملين برا لان اصلن قبل لاتروحين برا الطلبات هنا زحمتين يعني انتي مالك الا تكملين على حسابك الخاص اولا: تروحين مكاتب تجيبلك قبول من جامعات معترف فيها في السعوديه وادخلي على التعليم العالي تحصلين قائمة الجامعات المعترف فيها لدوله الي تبين طبعا بعد ماتترجمين كل شهاداتك بالانجليزي من مكاتب الترجمه المعتمدمه
ثانيا: تستخرجين فيزا لدوله اذا جاك القبول اذا كانت تتطلب فيزا
ثم تروحين تدرسين اولا في معهد ثم في الجامعه اذا كانت لغتك مش تمام طبعا هناك تسجلين في الملحقيه وتطلبين الانضمام للبعثه وكل دوله حسب بعض الدول تجيك بدري الانضمام وبعضها بعد سنتين