وش حظوظ الجامعي في العسكريه بمعدل مقبول ؟!

مهندس ميكآنيكي · #1 (**permalink**) 25-04-2010, 11:54 AM

السلام عليكم ورحمة الله

انا ياشبااب بعد تفحيط في الجامعه سبعه سنين راح اتخرج هالترم ان شاء الله لكن المشكله اني راح اتخرج بتقدير مقبول ( بيني وبين الجيد مسافه كسور صغيره )

عاد الحين محتار بين الشركات وبين هجولة العسكريه وبما إن معدلي مقبول مالي فرص كثير بالشركات وان كان لقيت راح تكون في شركات اي كلام

اللي بسأل عنه الحين مامدى نسبة قبولي في الكليات العسكريه على الترتيب :
الكليه الامنيه
الحرس الوطني
الدفاع والطيران

لحد يقول انه من شروطهم انه يكون جيد انا قريت شروطهم بس سؤالي هل هناك احد انقبل ومعدله مقبول ؟ خصوصا ان تخصصي هندسه وجايب 75 في القدرات للجامعيين

ولو افترضنا انك ياعزيزي القاري انقبلت في كل الكليات العسكريه أي وحده ستختار ؟ ولماذا ؟

نتمنى التفاعل

وشاكر لكم مقدما

الزهراني فهد · #2 (**permalink**) 25-04-2010, 11:57 AM

انا خبرتي ثانوية عامة ..

مهندس ميكآنيكي · #3 (**permalink**) 25-04-2010, 12:01 PM

تكفي ضروسك بالموضوع

عليك توقيع أليييييييم

سعود القليلي · #4 (**permalink**) 25-04-2010, 12:11 PM

اذا احتاجو تخصصك ما يهمهم معدلك اهم شي اللي مقدمين معك يعني لو قدم ناس واجد من تخصصك بياخذون من جيد وفوق لكن اذا صار عندهم عجز وعدد قليل بياخذون ابو مقبول هذا بالنسبة للكلية الامنية غيرها ما عندي علم .

مهندس ميكآنيكي · #5 (**permalink**) 25-04-2010, 12:36 PM

الله يبارك فيك ياخفايا ماقصرت

هل يدققون بالنظر ؟ لأني اشوف ظباط بنظارات !!

الامن العام · #6 (**permalink**) 25-04-2010, 01:06 PM

يارجال واحد من جماعتي تخرج من الجامعه بتقدير مقبوووووول والحين هوووو في كلية الملك فهد الامنيه
وبالتوفيق للجميع

مهندس ميكآنيكي · #7 (**permalink**) 25-04-2010, 01:09 PM

حياك يالأمن العااام

وش تخصصه لا هنت

وش الافضل دامك بالامن العام الأمنيه ولا الحرس ياليت تفيدنا

سعود القليلي · #8 (**permalink**) 25-04-2010, 01:19 PM

اقتباس:

المشاركة الأصلية كتبت بواسطة مهندس ميكآنيكي

الله يبارك فيك ياخفايا ماقصرت

هل يدققون بالنظر ؟ لأني اشوف ظباط بنظارات !!

من ناحية النظر اصحاب التخصصات العلمية ما يدققون عليهم حتى اثناء الفحص في النظر بإمكانك تفحص بالنظارة بس مايكون النظر عندك تعبان مرره يعني يالله انك تشوف ايدينك هذا من ناحية واذا تبي تقدم قدم على الامنية هم الافضل في كل شي ومتيسرين الحرس واسطات ولا يقبولون الا 40 من الجامعيين وكلها للواسطات .وعندك مواضيع مثبته في هذا القسم تختص بالكلية الامنية فيها معلومات تفيد اكثر .