انا لي تجربه سيئه جدااااااا مع المدارس الاهليه

لاوالمشكله لاتصرخي على البنات لانهم جايين بفلوسهم ودلع وقله ادب في التعامل
وفوق هذا كله المديره والاداريات زفت

حضرتلي موجهه وجالسه تشكر فيني والاداريه الا والا تبيها تطلع عيب واحد الين ماحسيت نفسي مره مضغوطه ماقدر ت بطلت وتوبه مره ثانيه اروح مدرسه اهليه

الله يوفقك







تقبل مروري بالتوفيق لك يارب

ومن ناحية ثانية حاجة البنات للوظيفة وتقبلهم لأي اجر وأي دوام واي طلبات جعل الشركات والمدارس الخاصة يستغلوا البنات بأبشع الطـــــــــــرق

وكان الانسانة هذه مالها حقوق
لاحول ولا قوة الا بالله

انا مدرستي الاهليه جلست فيها شهر واسبوع مديره
قسم بالله ماحصلت ولاقرش بدون راتب
وماعندهم خبره مااستفت منهم شيء
قال ايش قال اهليه حسبنا الله ونعم الوكيل

..

المشكلة كمعلمة في مدرسة اهلية شغلك اضعاف اضعاف المعلمات في الحكومي ..و ضغط عمل و تشتغلي من اول ما تجي الى نهاية الدوام واقفة على حيلك .. و راتبك ما يجي ربع اللي ياخدو معلمات الحكومي .. اللهم لا حسد بس و الله ظلم , و انا امتياز و ما عمري رضيت بأقل من الامتياز .. و اشوف الواسطات هي اللي فادت زميلاتي , و انا لا نفعني اجتهاد و لا امتياز ايام الدراسة و العمل كمان .. بعدها خلاص من القهر مو قادرة اكمل .. لنا الله و مالنا الا الصبر ..

يالله كأنك تحكي معاناتي ... بس انا فرق عنك انا ماقدرت استحمل وهي اصلا جات منهم

داومت اسبوع ومن اول يوم درست ... تعامل دنئ جداا من الادرايات والوكيلة والمديرة .. قمة الوقاحة

والطالبات حدث ولا حرج .... اثنين معايا والباقي كلوا مأجرين عقولهم

تعبت وتعبت نفسيتي مو على قد تعبي في دراستي

وفعلا انا فصلت نفسي من سلك التدريس خيرر شر ... ولا افكر اي يوم بحياتي ارجع ادرس بمدارس مره ثانية ^^

يا اخوان الحين انا اسمع منكم تقولون ان الحريم الكبآر يعني ( العجايز ) مارضـو يتقآعدون عشان تتوظفون انتم سواء بنـت او ولـد هذا يسمى ( حسد ) قسم بالله عالم غريبـه تقهـر من جد بعدين العالم انواع العذاريب والاشاعات على الحريم الكبار انهن ما يعلمن الطلاب الشرح وتطورات الجيل سعودي او سعوديه بعضهم وليس كلهم فالحين بالقهوه ومزاراق الطيب والحلا كل صباح همهم الراتب وبطونهم هههههه واتحداكم تلقون مديرة مدرسه عمرها تحت 30 سنه ما يمسك المناصب الكبيره الا امراءه او رجل ناضج وعندهم خلفيه عن الحياه وانتم ما عليكم من المظاهر اهم شي المخابر وهذا الي اشوفه حاصل الله يهديكم بس وانتي او انت لو في محله او محلها ما راح تتقآعد الدنيا وظروفها فيه معلمه تعول اسره كامله واب يعول اسره كامله وليس عيب انه يجلس او تجلس الى 90 سنه تدرس ما فيها اي شي اول شي خدمه للوطن ثاني شي فلوس بالحلال ؟؟؟

المشكلـه مو في كبير او كبيرة السـن المشكلـه في وزارة التعليـم هي الي مكدسه الخريجين والخريجات الحين فيه مدارس حكوميه سواء بنات او بنين فيها نقص في عدد المدرسين لاكن مشكلة وزارة التعليم والي معـه (واو) يدخل عالطول ويتعين في الديره الي يبيها ؟؟؟ والدنيا ارزاق ياجماعه مدرس شايب قسم بالله ما جاكم الا الصدق ؟ استغربت منه يدرس في مدرسة اهليـه كنت ادرس فيهـا ؟ سئلت المدرس قلت غريبه ما توظفت حكومي قال والله يا وليدي ما درست الابتدائيــة الا وعمـري 20 سنـه وغمره الحين بالخمسينات الواحد مستعجل على رزقـه رزقك بيجيك ويمكن خيره لك ؟

المهـم يآ اخوان الخلاصه ومافيها في التعليم هو السبب في تكدسكم ؟؟؟ والله يعينكم ويوفقكم

آآآآآآآآآآآآآآآآآه
ومين يسممممعك
أنا لي 3 شهور ادرس في مدرسة اهلية
اقسم بالله أني أدرس كل المراحل من 4ابتدائي إلى 3ثانوي مادة جغرافيا ماعدا أولى ثانوي لانهم نظام مقررات
يعني 8 مناهج ولأن الفصول قليله فصارت 17 حصة بالاسبوع .. وكل ماجيت اطلبهم يخففون لي في المواد يتعذرون بنصاب الحصص انه قليل !!!
بكيت وبكيت وبكيت لين جا اليوم اللي طحت فيه من طولي بداخل الحصه من التعب .. يوم جات المديرة تشوف حالتي .. جات تسالني انتي مسويه ريجيم؟؟ << قلك إن ماطيحني الا الريجيم والمصيبه وزني 54 أي ريجيم بالله عليكم ؟؟؟؟؟؟؟؟؟؟؟؟؟؟؟؟؟؟؟؟؟
طبعا اللي كانوا معاي من المعلمات راحو للمديرة غرفتها وطلبوا منها أني اخرج من المدرسة (يستأذنوا لي المساكين) قامت تقول لهم بكل وقاحة : خلوها تجيني وبعدها تمر للوكيلة وتستأذن منها وإذا سمحت لها ذيك الساعه تطلع !!! تخيلوا والمعلمات شايليني وموديني غرفتها عشان استأذن منها بنفسي !! حتى بنات المدرسة انفجعوا من منظري وانا طايحه وهذي لسى تمارس تسلطها وجبروتها علينا حتى بأحرج اللحظات !!
رحت للدكتور وقال لي انتي اللي فيكي ضغط نفسي أثر على صحتك .. يوم داومت بعدها بيوم .. استقبلتني تسألني عن اللي حصل لي .. ويم قلتلها كلام الدكتور صارت تضحك استهزاء فيني وتقول طحتي من حصه وحده؟؟!!!!!!!!!!!!
والله ياعالم اني خلااااااااااص .. فوضت امري لربي .. حتى يوم حضرت الموجهه مع المديرة لحصتي عجبتها مره وطلبت مني اني (اعمل درس نموذجي على مستوى جده لمعلمات الحكومي ) فقط للمعلمات وفوقها شكرتني في جلسة تدريبية قدام 4 موجهات من الإشراف وقدام معلمات من الحكومي على جهودي .. والمدرسة ولا شايفه اللي اعمله له قيمه عندهم !!
واليوم رجعت البيت ابكي مقهوره ومحروقه منهم كل يوم موقف أزفت من اليوم اللي قبله (مضايقات من الادارايات واستهزاء - وتجريح من المديرة نفسها) إدارية مصريه طول اليوم تهزا فيني قدام 4 معلمات وماهي شايفتلي قيمه لأني بالنسبة لها لسى صغيره ومستجده
والله ثم والله ماحدني عليها إلا لحاجتين
1--لأنها الأقرب لبيتي .. 2- الخبره
ولا فيه مدارس رائعه اتصلوا فيني ورفضت لان ماعندي اللي يوصلني لهم

ما أقول غير حسبي الله ونعم الوكيل على الظالم وعلى كل شخص كان سبب في اللي احنا فيه

على فكره يوم زارتني الموجهه المدرسة مره ثانيه عشان تشرف على اسئلة اختباراتي .. انصدمت يوم عرفت اني ادرس 8 مناهج وعصبت وجلست تناظرني بقهر وتقول ليش ماقلتيلي انك ماسكه هالكميه كلها ؟؟؟؟؟
تقول لي ممنوع المعلمة تمسك اكثر من 5 مناهج << تخيلوا !!!
فجأه طلعت ورقة تقويم الحصة حقتي اللي حضرتها وقلبتها وكتبت عند (انشطة المعلمة ) المعلمة تدرس 8 مناهج وطلبت مني أوقع تحت الكلام هذا .. بس مافهمت ليش سوت هالحركه

تتوقعوا ممكن فيه امل هالورقة تكون فال خير لي ؟؟

الله يرحمنا برحمته الحين مافي تخصص مرغوب في واسطه مرغوبه .. الحين نقدم بالبنوك يحطون لسته شروط واخرتها الموظفات بعضهم ثانوي حتى انجليزي مايعرفوا !!!! انا انصحك تدرسين خصوصي بدال ماهل الاجانب يدورون من بيت لبيت يعطون دروس خصوصية خواتي تجيهم مدرسه مشاء الله بس بيتنا تحصل منه 2000 فما بالك بالبنات الثانيه وبعدين انتي تصيرين اميرة نفسك محد يتحكم فيه حتى تقدري تخلين البنات يجوك في بيتك ... الحين قريبه لي صارت كذا تعطي دروس خصوصيه ....... واخيرا الله يوفقك ويوفق الجميع وينصرنا على من ذلنا وقهرنا !!!