[align=center]
السلام عليكم ورحمة الله وبركاته

مدري من وين ابدى والله اني في قلق مايعلم به الا الله
ولاادري هذا القسم المناسب للموضوع ولا لا اعذروني يامشرفين لاتقفلون الموضوع تكفوون

ولاادري من اسئل مالي الا الله ثم انتم

مشكلتي هي قرر لي الدكتور عملية ازالة كيس شعري في اسفل الظهر
والعملية تستغرق اربع اسابيع راحة في البيت او اقل بشوي

والاختبارات النهائية قربت ( انا جامعي ) اخر سنة متخرج ( الاختبارات النهائية الجامعية توافق 22- 6 عملي -- والتحريري 29 - 6 )

خايف اسوي العملية بعد الاختبارات الجامعية ويروح علي تقديم الكلية الامنية او مايخف الجرح وقت الكشف


وخايف اسويها الحين وتروح علي الاختبارات الجامعية

سؤالي هو متى التقديم على الكلية الامنية والفحص الطبي ؟؟؟؟

عند الفحص الطبي يدققون على هالمنطقة ؟؟؟؟ ( لااني قلت اخلي العملية بعد التقديم )

ياليت من عنده خبرة يرد علي

والله يفتح له ابواب الرزق كل من يرد علي
[/align]

والله انا اشوف انك تسوي العملية بعد التقديم لانهم يمكن يكشفون العملية وتتورط بس الاحسن خلها بعد التقديم علي طول يمديك تسويها الين تخلص باقي الاجراءت والله يشفيك يارب ويعافيك

وعليكم السلام
الله يشافيك يالحبيب :
شوف يابعدي : ) اذا مايتعبك الوجع اللي معك يعني تقدر تصبر : سوي العمليه بعد الكشف
بالنسبه للتقديم : والله مادري متى :
لكن الله يوفقك ويعافيك

فارس الحسن

الواء فيصل

يارب اسعدهم ووفقهم وتسلمون على كلامك


والله ياخوك انا فكرت كذا

بس خايف يشوفونها ( على حسب علمي انهم يكشفون على المنطقة هذي وقت الكشف الطبي )

لان محل الكيس فيه فتحة صغيرة على سطح الجلد واضحه وقتها بيشوفونها وبيعرفون


وش رايكم ؟؟؟؟؟

يجي من يفيدك والله يوفقك

>< الله يوووفــــــــقــــــــكــــ ><

الله يشفيك أهم شيء الصحة وانا أخوك أذا أنت متعور منها سوها الان الله يسهل أمرك

الله يشفيك يا الغالي

جندي العاطلين
الله يوفقك في الامن العام يارب ويسر امورك
اهلاوي صميم
الله يوفق الجميع ماقصرت
اسنع عاطل
الله يوفقك وتلقى الوظيفة اللي تسعدك وتيسر امورك
ماقصرت على كلامك الله يجزاك الف خير

حلمي جندي
الله يوفقك وتحقق مراتب اعلى من الجندي
ماقصرت الله لايقصر بعمرك ويوفقك
خروووع
اللهم اميييييييييين
تسلم على هالدعوة

الله يقدم اللي فيه الخير ويسر الامور يارب
ويعديها على خير يارب