السلام عليكم ورحمة الله وبركاته

طبعا يا شباب انا حصلتلي قصه معا الدفتر الاخضر وبطلها العمده الله يسامحه
المهم

طال عمركم عارفين كيف تقسيمه الدفتر في الصفحه الاولى

على اليمين تصديق شيخ القبيله معا تصديق الاماره

او

تصديق العمده معا تصديق الشرطه

المهم خذيت الدفتر ورحت للعمده وكان عنده زحمه
عطيته الدفتر قالي استريح اخلص الجماعه واوقعلك قلت اوك

المهم 10 دقايق وناداني واعطاني الدفتر ..!!

وانا خارج تعرفون بديهيآ ناظرت في الدفتر

الا والله والاقي الاحول ابن الحوله موقع مكان الاماره ..؟

رجعت له وانا عيوني كلها شرر ..

ياهو كيف توقع هنا موب مكانك عشان توقع ..

اخذ الدفتر وقالي يوووووه غلط .. عادي يمشونك ..
انا وقتها خلاص ودي اخربها كذا واتكابس معاه واشقشق الدفتر .. قهرني

المهم شطب على تصديق الاماره وكتب فوقها العمده .. يعني زاد الطين بله
عموم هداني الوالد وقالي ما عليه امش وفي الخط اتصل عليه الوالد قالي روح للشرطه
وخلهم يصدقون .. اذا ما صدقوها عشان الغلط هذا ارجعلي عشان نروح للعمده وننعل والدينه

عموم رحت للشرطه وقابلت عقيد وشافها وصدقها الحمد لله وقالي ما عليك راح تمشي انشاء الله
القصه تبدا من هنا ^^

كان في موعد لي واحد من الشباب وراح للرياض وقلتلها اسئلي عن وضعي بالتفصييييييل
وعلمهم ووريهم وش سوا العمده وا وا وا .. قالي ابشر ..

المهم خلص خوينا واتصل عليه يقولي سئلتهم قالو لازم تجيهم عشان يغيرون الدفتر ..

قلنا حسبي الله عليك من عمده ..

والله واقص تذكره وعلى الرياض .. المهم يوم وصلتلهم .. وانا اوريهم الكارثه
الا قالي عسكري اف اف اف .. وش فيه هذا العمده احول ..؟ قلت والله مدري عنه
قالي بينكم شي قلت اول مرا اشوفه ..

المهم خذ الدفتر ودخل عند عميد ( 3 نجمات وتآج ^^ )

والله وعشر دقايق .. وجاني
قلت هاه بشر .. قالي لا ما عليك امورك متيسره خلاص .. قلت يعني اشلون ما تعطوني واحد جديد
قالي لا ما عليك انت روح وانشاء الله اوك قلت ياخوك تكفى تراني من جده وجيتي وروحتي كلها سلفيات
قالي ياخوك انا جاي من عميد وريته قال ما عليك يعني خلاص ما عليك ابد
ما سبته ^^ جلست في حلقه قلت ابي دفتر جديد قال ياخوك الدفاتر محسوبه بالعدد فا ما اقدر اعطيك لكن روح وخلص باقي اوراقك وتطمن للاخر راح تمشي راح تمشي ..
قلت اوك الله المستعان

فا من هنا حبيت اوضحلكم صوره واتوقع ان مافي اكبر من الغلط اللي غلطه وقالولي راح تمشي

يعني الامور متيسره بحول الله ..

وبيني وبينكم للحين خايف ..


والسلام مسك الختآم