السلام عليكم ورحمة الله وبركاته

منعت وزارة الداخلية رش مقدمات السيارات او جوانبها بما يطلق عليه اصطلاحا بين الناس بـالتغبيرة كون ذلك يتسبب في تغيير معالم السيارات بألوان مختلفة وقد ترتكب جرائم نتيجة ذلك . وتصل غرامة المخالفين الى 900 ريال .


وسمحت الداخلية بالرشة إذا كانت من لون المركبة نفسها وفي مقدمة السيارة فقط، لحمايتها من الضرر، وليس بهدف الزينة أو تغيير معالم المركبة، إضافة إلى منع اللاصق الذي يوضع على هيكل المركبة بقصد تغيير معالمها .

ربعنا منسمين

من زين خط الدمام الرياض اللي كله عج يمسح صبغ السيارة
ويقولون التغبيرة ممنوعه

الله يغبرها عليهم

هـ اللحين من زود الفضاوه حتى على التغبيره أشغلونا
والله من السطاله بهـا الروس ههههههههههه

مشكور يّ الضيم طرح موفق لاهنت

<<<

آآللـــــــهـ يعيــــــنـ علــــــى آلمــــخــــآلفــــــــآتـــ ..

وعليــكم السلام ورحمة الله وبركاته..

وشرايهم بعـــد يحطون مخالفات على تنزيلت الطيس ..
هذا اللي هم شاطـــرين فيه يطفرونا بس والله ماقاهرني الا تدبيلت المخالفه يعني لو عندنا فلوس خليناها ..

أشوف أن القرار مناسب نوعا ما لانه يتوفر بديل وهو العازل الشفاف من شركات التضليل وهو أضمن إذا كانت الشركة قوية ومعروفة بالسوق بس مشكله في سعر مخالفة التغبير صراحه مبلغ مب سهل يعني لو دبلت المخالفة كم بتصير 1800 من غير المخالفات الثانية حنى من وين لقينها وش ذنب الشعب يعني ما نزلو هذا القرار إلا بهذا الوقت إلي فيه عج وغبار على مناطق المملكة ودي أدري من وين تجيهم هذي الأفكار الله يستر من الجاي بس .

أقول مافي كوكب ثاني نعيش فيه هذا وحنى بلد الأمن والأمان فيه سرقات يعني مافكرو بحل للحد من السرقات خاصة بالرياض يعني إذا ما سرق الموتر سرقو الكفرات والجنوط وكسرو القزاز وغير سرقة الأستبنة وأرتفاع بالأسعار وخاصة الشقق وكل سنة يزود مدري وش فيهم العالم كل هذا طمع غير المواد الغذائية وأسعار الأدوية وغيره كثير ومخالفات وتدبيل مخالفات وأنظمة مدري من وين الله يعين بس ونحمد الله ونشكره أننا نمشي حالنا بــ الميسور .

اصلا احس الحركه هذي مهي حلوه
خلو بس البنات يسوقون عشان نوريكم ارقى الحركات هههههههههههههههههه<<<<موت ياحمار
يسلمو على الخبريه الحلوه

^
اختي العزيزه وش رايك نعطيك ددسن تسوقينها >> بالله وش بتسوين فيها
وكلات السيارات ماقصرت كملت السيارات من مجاميعو

ياخي ماصارت مخالفات
دفع رواتب موظفين الدوله
كل يوم قرار جديد
كل يوم نظام جديد
بس هم مايعرفون الا المخالفات
وبعد اسبوع يقلون قلت الحوادث

والله يامرورنا انه يفشل .. !

شكرا لك يالضيم ..