إذا ممكن .. هنا ..

أشتقت لي · #1 (**permalink**) 27-04-2010, 09:09 AM

صباح / مساء الأمنيات الجميله

والأهداف الصعبه ..

حبيت أسأل للي منكم عنده خبره .. ومعرفه ..

أنا معاي الثانوي ودرست كليه قسم (لغه عربيه) .. طبعاً إجباري درسته

والحين أنا ثاني كليه بس أعتذرت ذا السنه ..

وفكرت ليييين دخت بوضعي .. وقلت خليني أدرس في معهد حاسب أو E وآخذ دبلوم وأكمل الكليه أنتساب عشان آخذ البكالوريوس بس ..

ما أدري إذا تفكيري صح .. أو

بس أنا حابه مشورتكم .. أيش أفضل معهد .. وأيش أفضل الحاسب أو الـ E

لا تسألوني أنا أيش أفضل منهم كلهم عادي بالنسبه لي .. وبقناعتي إنهم يفيدوني حتى بحياتي ..

وإذا ممكن أبي المجالات اللي ممكن أحصل فيها وظيفه بشهادتي ..

أبي تفاعلكم .. لأني محبطه جداً

/

شاكره لكم مقدماً ..

/

أشتقت لي · #2 (**permalink**) 28-04-2010, 05:51 AM

[align=center]

/

إحباط !

/

لا أزال أنتظر أحد يرد علي ..

/
[/align]

مَاجِد · #3 (**permalink**) 28-04-2010, 07:13 PM

أهلين .. أشتقت لي طيب أنتي مو موظفه ويمديك تكملين منتظمه لأن دراستك راح تكون صباحيه ..
ما الذي يمنع لو تكملين في الصباح وتدرسين معهد في المساء ما راح يطلب منك المعهد حضور دائم
وراح تكون دراسته مسائيه إذا وقتك يسمح لك .. !

أول شيء كملي حاسب دبلوم ست أشهر وإذا خلصتي خوضي لك لغه
راح تنفعك إذا تخرجتي في التوظيف .. أنتي باقي لك ثلاث سنوات عشان تخلصين الجامعه يمديك فيها تدرسين
أشياء غير الجامعه راح تتعبين في البدايه ولكن ل مستقبل أفضل

بالنسبه للمعاهد كثيره أنا مدري أنتي في أي مدينه ولكن في المعهد أهم شي يكون معتمد من وزارة التربيه والتعليم
هذا والله يوفقك ويريح بالك

وحي القلم · #4 (**permalink**) 28-04-2010, 10:01 PM

أنا اقول كملي دراسة البكالوريوس وبانتظام
ولو مو مرتاحه في التخصص حولي
اهم شيء لا تشغلي نفسك وتحوسي نفسك بدراسة دبلوم حاسب او شيء ثاني الا اذا انت
تركتي البكالوريوس نهاااااائي

اقول لك ليه

لأنك راح تتعبي على الفاااااضي
اي دراسة او دورة قبل تاريخ تخرجك من الجامعة او الكلية
لا تحتسب لك وغير معترف بها
حتى لو كانت ب 20000 ريال
انتبهي لا تتوهقي
والله يوفقك ويكتب لك الخير

ينقل للقسم المناسب

عاشقة من بعيد · #5 (**permalink**) 28-04-2010, 10:15 PM

انا مع البكالوريوس وبقوة حتى لو كان اي تخصص

خليك بالجامعه واذا ودك بدبلومات مايمنع تاخذيها مسائي وبالأجازات

لاتتهوري وتدرسي انتساب ماوراك شي

فاعل المعروف · #6 (**permalink**) 28-04-2010, 10:45 PM

خليكي بالجامعة وحاولي تحولي الى لغة انجليزية او تخصص زين وفي نفس الوقت خذي دورات من الجامعة تلاقيها رخيصة ومفيدة والله اعلم ..ولاتنسي الاستخارة

موفقة خيتي..

مايهمني احد · #7 (**permalink**) 28-04-2010, 11:08 PM

ياقلبي شهادتك بالنهايه اذا كانت انتساب ماراح تنفعك

خذي البكالوريوس انتظام اهم شي

واذا تخرجتي ادرسي حاسب وانقلش

وكلها سنتين وتتخرجين يابعدي

وبالتوفيق }

عيون المهاا · #8 (**permalink**) 29-04-2010, 01:34 AM

ماقول الا الله يوفقك خيتووو بس وحده في مكانك تترك الدراسه انتظام وتحول انتساب بدون اسباب مقنعه اتوقع شي مو حلو لمستقبلها
ودراسة مجال ثاني زي الانجليزي والحاسب مو صعب يكون المساء زي ماذكر الاخوان

شدي حالك واذا فيه امكانيه تحولي لقسم افضل لاتتاخري

ميريآم · #9 (**permalink**) 29-04-2010, 01:42 AM

..

أنآ من رأيي تكملي دراستك منتظمة
ولو تغيري تخصصك لـ تخصص تحبيه يكون أفضل
مدآم مو مقتنعه في التخصص اللي أنتي فيه حالياً

وبعد ما تتخرج سجلي في دبلوم انجليزي أو حاسب
لأني أشوفهم كلهم مهمـين ومطلوبين ..

موفقة يآ رب .

أشتقت لي · #10 (**permalink**) 30-04-2010, 04:51 AM

آسفه تأخرت ..

كل الشكر لكم أخواني وخواتي ..

كلامكم عين العقل ..

أنا يمكن ما شرحت ظروفي أكثر .. أولاً أنا طول مراحل دراستي كنت أمتياز لحد ثاني ثانوي .. وبعدها تعبت وتركت الدراسه قبل الأختبارات النهائيه (بأسبوعين) .. (كنت محسوده) .. تركت الدراسه ودرست ثاني من جديد ورسبت بكذا ماده .. المهم يااااالله خلصت الثانوي .. وجلست أربع سنين بالبيت مو قادره أكمل .. المهم آخر شيء قدمت ع الكليه وقبلوني إنتساب ودرست الترم الأول والترم الثاني حولت إنتظام وتعبت قبل الإختبارات وقريت عند شيخ ونجحت في كل المواد وحملت مادة (القرآن) بس .. !
واللي يضغط علي إني ما كنت أقدر أداوم أداوم يعني وصلت للحرمان في أكثر من مادره وكذا دكتوره حاولوا يساعدوني في مسألة الحضور والغياب .. لأن درجاتي في الأختبارات كويسه .. والسنه الثانيه اللي أنا فيها الحين مااااا قدرت أداوم يجيني تعب وضييييقه ما أقدر أداوم ..
قدمت إعتذار الترم الأول لأن ما قدرت أغطي أيام غيابي والترم الثاني نفس الحكايه جاني حرمان من أول شهر ونصف !

تعب نفسي .. أتمنى إني أقدر أكمل بس مو قادره .. وفكرت بالإنتساب عشان أحل وضع الغياب .. ويكون التعب اللي ألاقيه يكون بس أوقات الإختبارات .. وإن شاء الله أعديها وأخلص ..

فيني ورب البيت طموح بس أحسّه مااااات ..

ودي أكمل .. وأنا مو سيئه بالدراسه بس مو قااااادره .. وبغض النظر عن الطموح .. وتحقيقي لشيء يرضي ذاتي .. اللي تعبت وما وصلته .. صرت أفكر للأسف بصوره ماديه ..

أنا وضعي المادي (عادي) مثل حال أغلب الشعب السعودي .. بس مخطوبه ومن فتره لواحد أهلي يمدحون فيه وما عليه كلام بس ظروفه الماديه مو تمام .. وأنا حابه أعدل من وضعي ..

أبي حل عشان ما أتعب في حياتي معه ..

مؤمنه إن الرزق على الله .. ومن الله .. بس لازم أفعل الأسباب

فهمتوني ..

وبعدين محتاجه ألاقي نفسي .. في دراسه ترضي شيء من ذاتي .. ووظيفه يكون لي فيها عالم خاص .. يعني ما أبي أكون على نفس حالي وروتيني لأني مليييييت ..

وإذا تقولون غيري تخصصك .. مااا فيه إمكانيه .. وإذا شهادتي قبل ما أخلص البكالوريوس ما تفيدني بشيء صد د د د مه !

وإذا الشهاده إنتساب ما تنفعني بشيء صد د د د د د مه ثانيه ..

أتمنى تشاركوني بالرآي ..

لأني تعبت من التفكير

..

/