22-06-2010, 01:15 PM
|
عضو نشيط
|
|
تاريخ التسجيل: Feb 2010
المشاركات: 149
معدل تقييم المستوى: 335
|
|
انا كانت مقابلتي يوم الاحد امس دخلنا الساعه 5 ونص وعقبها صفونا امكن اربع او خمس مجموعات كل مجموعه معها عسكري وبعدين يجي الباص وياخذ على مجموعه مجموعه وكل مجموعه معها عسكري وياخذ الجوالات منك وبعدين تدقيق اوراق وعقب اختبار املاء واكتب مكانة المملكة لدى العالم الاسلامي وبيتين من الشعر اثرو فيك واكتب هواياتك وبعدين الطول والنظر الطول حط لي 166 والنظر اوكيه وبعدين نطلع فوق المقابلة الشخصيه وسئلني اسئله قال من وزير الدفاع ومن وزير الخارجيه وابوك وين يشتغل وش سويت في الثلاث سنوات يوم خلصت الثانوي قلت لك قدمت في مكافحة المخدرات ولا طلع نهائي وقدمت في المباحث قال قدمت عندنا قلت ايه بس ماطلع نهائي وسئلني اسئله دينية سؤال واحد دجيت فيه الي هو السورة الي تعادل ثلث القرءان قلت الكرسي قال لا سورة قلت البقرة قال متاكد قلت ايه واركان الايمان واخر شي قال موفق قلت جزاك الله خير
الخلاصه من المراجعه في المباحث
1- القطاع الوحيد الي من بد القطاعات الي قدمت فيها ماشفت نفس واسطات المباحث واسطات عيني عينك وماعليهم من اطلق شنب
2- يبون فرقا المطاوعه ومايبون واحد مطوع يعني يبون واحد وسطي وهالشي معروف عند المباحث
3- الي بيروح لموعده في الغناميه يروح على سيارته لان الغناميه مقطعه بررر وشيل من بالك انك بتلقى تكسي (( اللهم هل بلغت اللهم فاشهد ))
4- حاول انك قبل ماتدخل المقابله الشخصيه انك تفكر في سالفة مرت عليك وضحكت منها وحاول انك ماتفكر قبل ماتدخل للمقابلة الشخصيه في اسئلة المقابله او انك تفكر في المقابلة عشان ماترتبك واول ماتدخل عليهم ارفع صوووتك وسلم وقل اسمك واذا قال ونعم قل ينعم بحالك او ماعليك زود طال عمرك ورفع فيه وكنك داخل على اخوياك في الاستراحه يعني ماعليك منهم وخلك ريلاكس
واذا مكتوب لك رزق بيجيك يعني ماعليك من شي انت الي عليك سوا ورح المقابله والباقي خلها على ربك وان ماقبلوك اعرف ان الله ماكتب لك رزق فيها يعني لاتتكدر ولا تشيل بخاطرك وانا بعد في مكافحة المخدرات خلص كل شي ومراجعات وروحه وجيه واخر شي ماطلع نهائي يعني اذا مكتوب لك رزق فيها بيجيك غصـبن عن قائد اكاديمية نايف
الخطاب موجه لقائد الامن الوطني يعني اكتب الى سعادة قائد الامن الوطني
((موفقين ياحلوين))
|
العرض العادي
