12-07-2010, 02:32 AM
|
عضو نشيط
|
|
تاريخ التسجيل: Jun 2010
المشاركات: 191
معدل تقييم المستوى: 13808
|
|
وهذا اللي صار معي اليوم بتاريخ 29/07/1431هـ بمركز التدريب الوطني بالطايف..
بعد الإتصال علي يوم الربوع قالولي يوم الأحد تكون عندنا رحت اليوم ومعي شهادات الأصل و10 صور شخصية وصورة من بطاقة الأحوال مكبرة وواضحة أهم شي عشان البصمات، والله ودخلونا الصالة المكيفة اللي أول ووزعوا علينا أوراق فيها تعهد بالقبول برتبة جندي، ونموذج لمعلومات الأم، ونموذج القبول بالتعيين في أي منطقة يعني موب كيفنا، ونموذج إقرار بأن مدة الخدمة 4 سنوات ما تقدر تطلع أو تقدم إستقالة خلالها.
بعد كذا استلمونا واحد واحد مقابلة، طبعاً العسكري اللي يسألك قدامه دفتر أزرق مكتوب عليه (سري) ومليان أسأله تقريباً 10 صفحات أو أكثر، وهو يسألك وانت تجاوب، طبعاً الأسئلة اللي أذكرها:
اسمك بالكامل، اسم أمك، وين ولدت ووين تربيت واثنين من معارفك واثنين تعرفهم بالمباحث وعناوينهم وأرقام جوالاتهم والمؤهلات وهل سافرت للخارج وش كنت تسوي ومعلومات الوالد والوالدة وأخوانك وهواياتك وخبراتك العملية وعناوينك كلها بالكامل، بعدين يفتح لك صفحة فيها الشروط للعمل في جهاز المباحث العامة وعددها 7 بنود تقراها بتمعن تام وتفهمها تمام وتوقع قدام كل بند، واللي اذكره منها:
1- التعهد بعدم إفشاء أي معلومة تراها أو تسمعها أو تباشرها مع عدم الإفصاح عن عملك لأي شخص كان ومهما كان منصبه أو رتبته، ومن يخالف ذلك فسيتعرض لعقوبة وجزاء صارم حسب النظام وحسب البند المدري كم وكذا.
2- يمنع قيادة سيارات الأجرة أو إصدار تصريح بذلك، ومن يتم ضبطه داخل سيارة أجرة فسيتم مصادرة المركبة ويتعرض صاحبها للجزاء حسب النظام.
هذا اللي أذكره من اللي قريته، وطلبت من العسكري صورة من هالصفحة علشان أقراها في البيت على رواقة، قالي ممنوع هذي مستندات سرية ما تطلع بره.
بعد كذا قمت وقالي رح سلم الدفتر ذا للعسكري اللي هناك، قمت ورحت للعسكري الثاني، قام أخذ مني الدفتر، وعطاني دفتر ثاني أصفر اسمه (ةثيقة أصل ومنشأ وتعريف للمتعين والمعاد للخدمة) وقالي عبيه واختمه من الشيخ أو العمدة أو الأمارة وجبه من تاريخ 09/08/1431هـ إلى 30/08/1431هـ، وعطاني خطاب داخل ظرف صغير قالي سلمه لمدرستك عشان نتأكد أن الشهادة ماهي مزورة أو مضروبة ورجعه لنا بنفس التاريخ ذا، بعدها قالي رح للعسكري الثاني اللي بجمبي، يوم رحت قالي خلاص خذ هذي ورقة الموعد لمستشفى قوى الأمن الداخلي بالطايف تروح لهم بتاريخ 07/08/1431هـ تسوي الكشف وتجيبه ولازم تروح لهم بزي رياضي، ويستحسن أن يكون ترنق أزرق وفانيله بيضه وجزمه بيضه.
بعدها دزيت على البصمات أخذوا بصماتي كان فيه الأدلة الجنائية متواجدين هناك، وبس.
الآن قدامك أسبوعين تخلص أمورك[align=center][/align].. الله يوفق الجميع ،،،
|
العرض العادي
