منقولة من العضو رجل لاينحني
موفق باذن الله لك مني أجمل تحية
السلام عليكم ورحمه الله وبركاته
اخواني واعزائي اعضاء منتديات البطاله .....
راح احكي لكم قصتي اليوم في مقابله المباحث في عسير بالتفصيييل ...ابي التقييم على الموضوع اوكيه راح ابدا ....!!!
اول شيء الساعه 6 الصباح وانا محضر عندهم في مدينه التدريب
عند الشرطه العسكريه وقالوا انتظر بالمواقف حقت السيارات الين ما يجي الباص وياخذكم ..... ربي ياخذه هوووو
المهم انتظرنا تقريبا نصف ساعه وبعدها جاء الباص وفي عسكر كثير من الشرطه العسكريه حضروا عندنا وواحد كان ماسك بيده اوراق ...؟؟ثم نادى ع الاسماء اللى عنده بالكشف كل واحد يطلع بطاقته ويركب الباص هو بصراحه يكتب ع الورقه اللى عنده مين اللى حضر ومين اللى ما حضر بالكشف ....
المهم ركبنا بالباص ورحنا يم مبني الدور الاول فيه يمكن اربع قاعات وفيها كراسي دراسه مثل حقت الكليات والجامعات ...
وقسمونا على القاعات يمكن ثلاث قاعات فل كل قاعه فيها ما يقارب 30 كرسي وانت احسب عاااد كم اللى ممكن انهم حضروا لاني بصراحه مشغووول بحالي وما حسبتهم صح ....
وينادون بالكشف اللى عندهم كل شوئ ينادون خمسه اشخاص من اللى بالكشف وياخذهم عسكري ويروحون مبني ثاني قريب من المبني اللى حنا فيه ...
وجالس من الساعه 6 ونص تقريبا اقووول يالله ينادي على اسمي الحين ...الا الحين ...الا الحين ... والله ما نادي على اسمي الا تقريبا الساعه 11 ونص المهم تكسرت من البرد داخل القاعه لان القاعه صغيره وارضيتها سراميك وفيها مكيفين اسبلت ومشغلينها من الساعه 6 الصبح ..... يالله صباح خير ..........

نادى على اسمي ولا ما نادى بغيت اطييير من الفرح تقول اني تعينت خلاص برتبة وزير خخخخخخخ <<<<< من البرد فرحان اني باطلع في الشمس .....


المهم والله ورحنا للمبني الثاني مكون من دورين الدور الاول اول ما تدخل قدامك الدرج اللى يطلعك للدور الثاني قبل الدرج فيه طاولة كبيرة الظاهر توهم حاطينها علشان التقديم هذي الطاوله عليها ثلاثه جالسين ياخذون ملفك ويطابقون الاوراق ثم يقولك خلاص انتظر على الكرسي اللى بجنب الطاولة هذه وتنتظر شوي ثم ينزل عسكري من فوق وياخذ ملفك وتطلع معه للدور الثاني في غرفتين اللى على اليسار الكشف واللى على اليمين المقابله ...
اولا ابدا بالغرفه اللى على اليسار ...العسكري اللى طلعت معاهـــ اعطاهم ملفي ودخلوني بالغرفه اثنين وقفلو الباب
الاول قاس الوزن والطول والحمد لله تمام بصراحه هو ما علمني كم طولي بس انا اعرف اني طووويل مشاء الله على ...
والثاني غطي على عيني بورقه صفراء وبعدني عن اللوحه وقام يسألني هذا الحرف وين هو متجه والحمد لله بعد طلع النظر عندي تمام عقبها اعطاني مجموعه اوراق فيها الوان عجيبه غريبه ومسجل داخلها ارقام بلون اخر ...؟؟؟ هو على ما اعتقد اختبار عمى الالوان وبعد الحمد لله احس اني بدعت فيه...

اهااااااااا جينا بالمهم طلعت من الغرفه هذي والملف معاهم وانتظر شوي ... وطلع اللى كان يصلح مقابله قبلي بالغرفه اللى على اليمين اللى حكيت لكم عنها وجاء دوري ...

ودخلت الغرفه وياويلي حشا مو مقابله هذي توقعت انها مضاربه خخخخخخخ..
من اليسار قايد مركز التدريب والتجنيد بمطنقة عسير ما ادري وش رتبته اللى بعده نقيب ثلاث نجمات وبعده اربعه تقريبا جالسين بملابس مدنيه المهم بدا يسألني القائد ذا اللى ما ادري وش رتبته ....
س 1 ما هي حدود المملكه ؟؟
جوابي من الجنوب يحدها اليمن ومن الشرق يحدها لخليج العربي والكويت والامارت ومن الشمال الاردن وتبوك خخخخخ خوشت شوي ههههههه
س 2 قالي وين مقر ما ادري وش اسمه اعووذ بالله والله نسيتها بس الظاهر انها مجلس القمه العربيه او حاجه زي كذا ؟؟؟
المهم جوابي القاهره..
س 3 قالي طيب وين مقر مجلس التعاون قلت له بالرياض والله ما ادري هي صح ولا لا ...
س4 كم عدد الدول العربيه ؟؟؟
تدرون وش قلت له ؟؟؟؟ بس بدون ما احد يضحك على والله اني قلت له الاردن ههههههههههههههه
ما ادري وش جاب الاردن على لساااني ؟؟؟؟؟
انا ع بالي انه بيسألني وين مجلس الدول العربيه باقي مشفرررر
المهم ضحكوا على شوي ورفع صوته وقالي كم عدد الدول العربيه ؟؟؟
من الخوف وقتها قلت له ما ادري ....لووووول خوشت من جد ... الله يستر بس
قال باساعدك وبأعطيك اختيارات الاختيار الاول 21 والثاني 22 والثالث 23 ؟؟؟
انا باقي ما استوعبت الموضوع وقلت له خير الامور اوسطها ..
قال يعني 22 .. قلت ايه ... قال غلط

واللى جالسين كلهم يضحون ليش ما ادري ؟؟؟؟؟

المهم اخر سؤال قال لي وش صاير بجنوب افريقيا ؟؟؟
جلست افكر شوي اممممم وقلت له كأس العالم !!!!
والله قلتها والا ما قلتها كلهم ضحكووووو ... الله يستر بس ما شاتوني مع الباب وقتها ...
وفي الاخير قال لي خلاص الله يوفقك وانتظر النتايج في تاريخ 7-8-1431 على الموقع ...
نزلت مع الدرج وانا باقي اضحك والله يا جماعة الخير اني جالس اضحكككك بقوة والعسكر كلهم يطالعون فيني وانا نازل تدرون ليش اضحكك ؟؟؟؟


والله ما ادري ليش بس اضحك على نفسي احس انهم تخدعوني الين ما قلت بس وانا يا غافلين لكم الله !!!!!
والله ما ادري وش السالفه
حتي ليش اضحك ما ادري .؟؟..؟؟..؟؟ وطلعت بالاخير وركبت الباص وانتظرت شوي ثم جانا السواق ووصلنا لسياراتنا ...
وابشركم نسيت الصور في جيبي <<<<< سكران ذا حشا مو صاحي
اذا فيه احد نسي الصور م سلنها لهم يقولي لاني محتار ارجع لهم بكرة ولا لا


ارجو اني افدتكم باللي قدرني ربي عليه...
في الاخير اتمني دعوه طيبه منكم بالقبول النهائي لي ولكم ... والسلام عليكم

[align=center]
ماقصررت كفيت وفيت
والله يعطيك العافيه
[/align]

بيض الله وجهكـ،،،،،،،،، ياذيب،،،،،، وعقبال القبول النهائي ان شاء الله,,,,,,

بارك الله فيك وعسى الله يوفقك ويوفق الجميع وان شاء الله انك من المقبولين

مع انك خوشت كثيييير بس افدتنا باللي قدرت عليه

مره ثانيه الله يوفقك وييسرلك القبول في الدنيا والاخره

عـــارف بيض الله وجهك .. كفيت ووفيت

مع اني ماقبلتي بالرياض .. بتاريخ 24/6 يعني الأثنين الجاي الله يستر بس

-------------------------

شباب لقيت موقع يفيدني وفيدكم انشاء الله بخصوص المقابلات الشخصيه

يعني سؤال وجواب .. حاول تقراهم قبل لاتطلع

http://www.oboody.com/***hoice/05.htm

تحياتي ..

طيب احد رسب في الطول والوزن والنظر افيدوووووونا

طيب يااخوان جزاكم الله خير بسألكم اذا كان عندكم خلفيه
انا صحفي في احدى الصحف اليومية ومازلت الى الآن موظف هل اقولهم اني موظف او اقولهم ان عندي خبره؟ واحاول اطلع شهادة خبره من الشركة اللي انا موظف فيها
والله يعطيكم العافيه

بدون ماتقول اي شي كمل اجراءتكــ

لانهم ماراح يسئلونك عن العمل الحالي طالما الوظيفة غير حكومية ؟

(وبعدين انت تعتبر ثاني سلطه بالعالم يعني 00 القلم الناري 00


موفق ,,,