بسم الله الرحمن الرحيم
السلام عليكم ورحمة الله وبركاته
انا حابه ابدى بمشروع صغير جدا على قدي
وابي منكم الاراء والاقتراحات مثل ما عوتونا دائما الله يعطيكم الصحه والعافيه

والفكره ابي اشتري مكياج واكسسوارات
بس عندي استفسارات كثيره ؟؟؟ وماني عارفه كيف ابدء.....

اشتري جمله وبعدها على حسب الطلب....او في البدايه عينات حبات واشوف اقدر اصرفها او لا

ومادري كيف اصرف البظاعه؟؟
يعني اذا اتشريت البظاعه...ابي مندوبات ...ومادري كيف اتعامل مع المندوبات
بمعنى كم النسبه وشلون اسلمها البظاعه..واثق فيها وتاخذى الفلوس من الزباين من دون ما تخدعني او تنصب على وتبيع البظاعه باغلا من السعر اللي انا حاطته

والنسبه حقتها اذا كانت البظاعه مثلا 20 ريال القطعه كم تاخذ فايده عليها اخاف اعطي قليل ما احد يصرف البظاعه او كثير بكذا انا ما اكسب


كل هالامور ماجربتها ولا عندي اي خلفيه

لو تكرمتو ابي طريقه واضحه ومضمونه بعد الله سبحانه وتعالى

ولاتبخلو باي اقتراح ...
والله الموفق

في البداية اخذي عينات وشوفي اذا مشت معك وطلع لك مكسب ولو قليل استمري
واذا خسارة لاقدر الله وقفي

واذا اخذتي عينات اتفقي مع اللي بتشترين من عنده اللي ماينباع ترجعيه
وانتي اذا اخذتي عينات راح تشوفين الاكثر طلب والمرغوب وغير المرغوب من الزبائن

وانا انصحك في البداية لاتجيبين مندوبات اشتغلي بنفسك الى ان تتمكنين من الشغل ويصير عندك قاعدة كبيرة من الزبائن تتوسعين في التجارة عن طريق الاقارب مثلا اللي في مناطق ثانية

وعندك المنتديات النسائية اعرضي فيها منتجاتك باذن الله راح تحصلين خير واعرضي على الاهل والاقارب والجيران وارح تتوسعين بس يبي لك جودة في المنتج عشان الزبون يرجع لك مرة ثانية ودقة في المواعيد

واما النسبة هاذي حسب الاتفاق بينك وبين المندوبة اما عن طريق نسبة مثلا 25% من الربح الصافي
او على المنتج مثلا 5ريال او 2ريال او حسب الاتفاق بس انتي حاولي تغرينهم بعمولات عشان يشتغلون اكثر

واي استفسار اخر انا حاضر للجميع راسلوني

الله يوفقك ويرزقك من حيث لاتحتسبين

تحياتي لك

في البداية بيعي بنفسك عن طريق وضع إعلانات في مواقع البيع المشهورة في السعودية .. أو عندك مواقع البنات مثل عالم حواء و الفراشات لأني أشوف تاجرات كثيــر هناك و بضاعتهم تمشي

* مب لازم يكون لك مندوبـات في البداية ! << على طاري مندوبـات , إذا كنتي تعرفين أحد من قرايبك أو أخواتك لازالت تدرس , ممكن تعرض بضاعتك على زميلاتها ... زميلة اختي تدخل في اليوم حوالي 50-150 ريـال عن طريق بيع أعمالها اليدوية في المدرسة << فكرة حلوة و بالتوفيق

بالتوفيق عزيزتي انا انصحك مثل ماقالوا الاخوان باخذ عينات بالبداية وحاول تعرضي بضاعتك في البازار النسائي .

ولاخوان والاخوات اللي ردو ويقولون انا ابيع او اختي


ابي اقولكم على شي يمكن مو عند كل الناس

حنا في مجتمع عيييييييييييييييييييييييييييب البيع يقولون انتي تبي تفشلينا عند خلق الله كلا يتكلم علينا
هذا اول ماطرحت الفكره

هذا والخافي اعظم....
خلوها على الله ...وما اقدر اتحدى المجتمع لان الايد الوحده ماتصفق
واللي عنده مثل هالمجتمع راح يعرف وش كثر المعانات اللي انا فيها


هم فالحين يقولون عيب...بس لو اطلب من واحد منهم ريال طلعت عيونه الله ييسر لي امري

اسال الله ان ييسر لك امرك ويرزقك من حيث لا تحتسبين


فعلا مجتمع لا يرحم

اكثري من الاستغار فانه سبب لزياده الرزق