الله اعلم
واالله اذا كان كلامه صحيح بتصلو علينا
والله يكتب الى فيه الخير

السلام عليكم ورحمة الله وبركاته
كيفكم ياشباب
والله ياخوي شموخ مثل ماقلت
امن المنشات حراسات يوم وتسلم ثلاث ايام
وفيها رواتب وترقيات وهذا شي ماعليه غباااار
والسجون اتوقع فيها ترقيات
وبعد فيها روااتب والعمل مريح
ولكن الفرق بينها اولا الراتب وثانيا العمل حراسات
والترقيات اتوقع وبخبرت عسكري في الشرطه وكيل رقيب
يقول ان الوظيفه العسكريه الى تقدم عليهم بثانويه ومافي قدمكم دبلوم او غيره
فيه ترقيااات حتى لو تأخرت ثلاث او اربع سنواات راح تترقى
على العموم الله يفقنا ويفرجها علينا يارب

السلام عليكم ورحمة الله وبركاتة
حياكم الله يازملائنا بالمستقبل تبون الصحيح السجون والحمد لله أنا أشوفة أريح قطاع عسكري
مو مدح أني فية لا والله واقع أنا أتعايشة لأني موظف فية وبالنسبة لراتب السجون
أول ما تتخرج ينزل لك أول شهرين 3600 ريال وبعدها أول مربوط 5973 ريال
والزياده السنوية 130 ريال يعني سنة من تتخرجون يصير 6100 ريال
بعد ما ينزل التعديل السنوي (( الزياده السنوية ))
وللمعلومية راتب أمن المنشأت 5400 ريال
راتب الدوريات الأمنية 5700 ريال
راتب المرور 5400 ريال
راتب الشرطة _ وهو يخص كل قطاع يحمل شعار الشرطة : من مهمات وواجبات وغيره
لا ينجاوز أول مربوط (( 5200 ريال ))
أمن الطرق تقريبا 5800 ريال
طبعا السجون كان قبل سنتين أول ما يتخرجون يأخذون 5200 ريال فقط
لكن بفضل الله تم قرار من قبل المديرية العامة للسجون قبل سنة تقريبا
بإعطا جميع العاملين بالمديرية العامة للسجون بدل أعمال سجون وهو 750 ريال
وبالنسبة لدوام السجون
يوم بيومين والوكلات مفتوحة (( يعني تأمن عمل زميلك وتأخذ أربع وكالات ))
وإذا جاء تخلية الله لا يهينة يستلم عملك وتطلع أحسن 15 يوم بلا أجازه رسمية بلا هم
لكن يا جماعة أنا أتكلم عن إداره السجن الي أنا تابع لها الله يجزاهم بالخير
مقدرين الضروف يعني الي من براء المنطقة يعطونة الوكلات الي يبي لو يبي يداوم 6 أيام وراء
بعض ويطلع 20 يوم مثلا وبعدين التعيينات الي معة صك أعالة يقدمة يارجال أو ولاية
تنفعك بالتقديم أنا ما حبيت أشارك إلا من باب الخبره لدي والله يوفقكم وتتوظفون بالسجون
وإلا غيره

وأحب أضيف أيضا نظام القبول بالسجون
أنا قدمت على السجون وكل ما أراجع النت لا يتم قبولك لوجود من هم أفضل منك مؤهلات
المهم طفشت وطابت نفسي مع العلم إني قدمت مره وحده عليهم بالنت
والله وتروح الشهر والشهرين والست شهور والسنة ويجي بالجرائد اليومية الخبر التالي
المديرية العامة للسجون تستدعي 20000 الف متقدم لتحديث بياناتهم عليهم مراجعة الموقع
والله وأنا أراجع الموقع وغاسل يدي قلت من بين عشرون ألف معقولة يبي يطلع أسمي
والله وأنا أحدث البيانات والله العظيم يارجال ما زليت عليكم بكلمة ونأخذ حوالي شهرين
وتنزل أسماء المقبولين ولا يحالفني الحظ المهم وتروح بعد سنة لاحضو الأن لي سنتين يعني دخلو دوره الي
طلعت أسمائهم وقبل لا يتخرجون بشهرين تقريبا أيضا جاء أعلان عن مقبولين وراجعت النت ولقيت موعد
مقابلتي بالرياض وتوجهت للرياض وسويت المقابلة وعطوني موعد فحص مستشفىء مع العلم من يوم المقابلة
عطوني أوراق العمده على شان أخلصة وأجيبة لهم والمستشفىء لمده ثلاثة أيام حسب أحسابك ياللي وراك فحص مستشفىء تراه ثلاث أيام ولا يقبلون إلا مستشفىء قوى الأمن بالرياض
والحمد لله بدون واسطة النتيجة ناجح بالفحص الطبي وبعدين موعدي أذكره كان برمضان للأدلة الجنائية بالرياض
ورحت للأدلة ودقيقة وأنت واقف يبصمك وتتسهل لأهلك المهم
خلصت جميع الفحوصات بــشهر 10 يعني بعد رمضان وطلعت نتــــائج الفرز النهائــــي بتــــارخ 1/ 2 / 1430 هـ
دقو علية من رقم ثابت رقم القبول والتسجيل الي بالرياض قالو لي مبروك الي الأن تبي الوظيفة قلت نعم أرغب بها
قال خلاص تجينا يوم السبت بعد صلاه الظهر وتستلم مستلزمات الدوره الي هي بدلتين للتقييف وبسطار وانتم بكرامة وفتح حساب للراتب
ودخلنا الدوره بتــــاريخ 19 / 2 / 1430 هــ
شكر لكل من قام بتدريبنا بمبنىء الطوارىء بالمدينة المنوره وعلى رائسهم
النقيب مظلي / عـــــادل الســــريحي أو زياد
وجميع المدربين بدون ذكر أسماء والله أيام حلوه وراحة نفسية بالمدينة المنوره

ياجماعة أي أستفسار أنا حاظر لأني كنت مثلكم أول
أدور أي واحد يفيدني على شان أروح على بينة
وبالتوفيق مره أخرا