السلام عليكم ورحمة الله وبركاته
وعليكم السلام ورحمة الله وبركاته
قبل كل شي
كلمة لـ مشرفين القسم
اكيد راح تقولون انو في موضوع مخصص
للأسئلة اللي تتعلق بـ قوات آمن المنشآت
بس انا اقول لكم انو هذا الموضوع غير
لان هناك في اسئلة تطرح ولاحد يجاوب عليها
وهنا الاسئلة اللي بطرحها إن شاء الله تفيدنا
واتمنى إذا ممكن عدم نقل او حذف الموضوع
وإذا كان في امكانية تثبيته يكون افضل برضو
المهم انو الموضوع اتمنى ان لاينقل او يحذف
كلمة للأعضاء
ياشباب انا هالاسئلة اللي بطرحها فقط للي
موظفين في امن المنشات او اللي ياخذو دورة
الآن او لـ الأشخاص اللي متاكدين من اجاباتهم
100% يعني ما ابي احد ينط ويقول والله انا
خالي رقيب في امن المنشات ولا عمي يعرف
اللواء اللي في امن المنشات ولا خدامتنا كانت
تشتغل قبل عند المقدم الفلاني
في امن المنشات
ابي اللي متاكد يجاوب واللي مو متاكد يترك
المجال لـ غيرهـ
لـ موظفين امن المنشات ممكن تساعدونا
وتجاوبون لنا على هالاسئلة قبل لاندخل دوامة
العسكرية ؟ طبعا انا راح اسال عن العريف وإذا
في احد من الموظفين في امن المنشات جاوب
على اسئلتي اي احد يبي يسأل عن رتبته اكيد
ماراح يقصر معكم ..
نبدأ
الدورة
السؤال الأول
كم مدة الدورة ؟
أنا أخذت الدوره في الدمام مدتها 6شهور 10 أيام
مع العلم أنا فصلت بعد 4 شهور
ماكملت الدوره
السؤال الثاني ؟
نبي برنامج الدورة من اول مانصحى من النوم
لين نرجع إلى الفراش مره ثانيه ..
( طبعاً في احد الاعضاء قام مشكور بشرح
البرنامج بس بدون ذكر التمارين )
اللي ابي اوصل له نبي الشرح كامل مع نوعية
التمارين عشان يمدينا نجهز نفسنا نفسياً<< حلوه نفسنا نفسياً ومعنوياً
السؤال الثالث
هل صحيح انو ماتقدر تشوف اهلك ولا تقدر
حتى تاخذ معاك جوالك في اول 45 يوم؟
بالنسبة للطلعه من الدورة طلعنا بعد 33 يوم
لكن في زيارة كل خميس وجمعة يجيك اي واحد
يزورك واظن مدة الزيارة ساعة او ساعه ونصف
اما الجوال اذا تبي تدخله معك ممنوع لكن انت وشطارتك
في ناس تدخله تهريب يعني انتبه لايصيدونك الرياجيل
تنحجز مايخلونك تطلع يمكن توصل لمدة شهر
بعدال45يوم الناس تطلع خميس وجمعه وانت تخيس
السؤال الرابع
بعد الـ 45 يوم الاولى كم يوم اجازه في الاسبوع
اثناء الدورة ؟
بعد ال45 يوم يعطونك اسبوع بعدين ترجع
اما اثناء الدورة تطلع الربوع بعد الغداءحول
الساعه وحده وترجع او تحضر يوم الجمعه
الساعة 4العصر وفي يوم طالب كل ثلاثاء من
نهاية كل شهر تطلع الثلاثاء ماتجيهم إلا الجمعة مثل شهرخمسة اللي حنا
فيه تطلعون الثلاثاء مابعد القادم لانه
يوافق27/5
السؤال الخامس
فرضاً انو انا غيرت رايي اثناء الدورة
او مثلا طلع اسمي في ديوان الخدمة المدنية
بما اني مقدم عندهم .. هل اقدر اطلع من الدورة ؟ واترك العسكريه ؟ ولا مومسموح لي ؟
تقدر تطلع اذا ماعدلت عسكري وهم عدلولي
وانا اثناء الدورة يعني ماطلعت إلا لقيت
نفسي عسكري سويت إخلاء طرف
السؤال السادس
اللي مسجل اسمه في التأمينات هل لابد ان يشيل اسمه من التأمينات قبل لايدخل الدوره ؟ ولا عادي تقدر تشيل اسمك بعد ماتخلص دورتك؟
السؤال السابع
هل يمشي لك راتب اثناء الدورة ؟ إذا كان الجواب نعم كم الراتب ؟ إذا كان الراتب يعطونك اياه في نهاية الدورة كم يعطونك ؟
بالنسبة لي ماعطونا إلا بعد اربعة شهور يوم طلعت لقيتها في
الحساب13000وشوي اما خويانا عطوهم حول 15000وشوي هذا الكلام للعرفاء اما الرتب الثانية مدري
السؤال الأخير
كم يعطونك اجازه بعد الدوره .. يعني كم يوم
ترتاح فيه قبل تبدأ الدوام الفعلي ؟
عشرة ايام
الآن للعمل
السؤال الأول
ماهو طبيعة عمل العريف في قوات امن المنشات؟
السؤال الثاني ؟
كم الراتب الاساسي للعريف ؟ وكم مع البدلات؟
الراتب الاساسي 2940 اما مع البدلات حول 6000وشوي
ماني متاكد كم
السؤال الثالث
كيف نظام العمل ؟ يعني منتظم ولا شفتات ؟
السؤال الرابع
كم عدد ساعات العمل في اليوم ؟
السؤال الخامس
كم يوم اجازه في الاسبوع ؟
السؤال السادس
هل قطاع امن المنشات فيه اقسام ؟ يعني صيانه وزي كذا ؟ ولو فرضنا ان حطوني في قسم معين اقدر انقل إلى قسم آخر بسهوله؟ ولا الشغله تعقيد ؟ ولا ما اقدر انقل اصلا ؟
السؤال السابع
خبرنا عن الترقيات في قوات امن المنشات ؟
يعني هل الترقيات بسرعه .. وتقريبا كم سنه وتترقى ؟
السؤال الثامن
هل اقدر افصل من العسكريه في حال طلع اسمي
في ديوان الخدمة المدنية بدون تعقيد ؟
ولا لايزم يبهدلونك قبل تطلع من عندهم ؟
السؤال الاخير
اللي نعرف انو العسكري ممنوع عليه السفر
إلا مره وحده في السنة ياخذ اجازه 40 يوم بس
بس انا سمعت انو دول الخليج يقدر يساافر اي وقت لكن الدول العربية والاجنبية مافي الا مره وحده بالسنه بس .. هل الكلام هذا صحيح ؟ ان شاء الله يكون صحيح
واخيراً
اكيد الكل بيقول انو انت مسوي زحمة والشارع فاضي وكاتب موضوع ورسائل القبول للحين ماشرفت
انا اقول انو الموضوع هذا وكل الاسئلة ذي
يمكن بعضنا مايقدر يفكر فيها ويحدد موقفه
خصوصا وان اللي سمعته انو الفتره اللي بتجيك فيها الرساله في حال القبول " وان شاء الله الجميع مقبول " وموعد تسليم الدفتر قصيره
فـ الواحد مايمديه يفكر خصوصا في ناس متوظفه بس راتبها ولله الحمد مش ذاك الزود
مثلي انا 
فـ الموضوع هذا حبيت اطرحه واتمنى من الاخوان الموظفين في قطاع امن المنشات او اللي ياخذون دورة الان يجاوبونا عليها والله يجزاهم الخير وإذا جت الرساله نكون حنا عارفين بكل شي .. وإن ماجت لاسمح الله محنا خسرانين شي
وبالتوفيق للجميع ..
30-04-2010, 04:11 AM
العرض العادي
