^^
أحبك الله الذي أحببتيني فيه يالغلا

أماني إنتي رائعة ربي يحفظك ويرعاك
على فكره أنا أحبك في الله ...
ولسه مدري ليش ماعلنو!!! الحمد لله إني مشغولة...

أنتي الأروع يابعدهم .. وعسى ربي يحفظك ويوفقك ويسعدك ..

ان شاء الله قريب تنزل النتايج وتبشرينا عنك .. الله يجعلك من المقبولين
بس تعآلي أنتي ماسويتي المقابلة ؟؟

حبيبتي اماني انا قدمت في كلية العلوم التطبيقية قسم احياء نبات

السلام عليكم
انا كمان كنت من المتقدمات على وظيفة معيده في كلية الليث وصار فيني مثل ماصار لأماني من ناحية الأسئلة الاستفزازية من قبل الدكتور بس سألني كذا سؤال أول شي ليه تخصصي في البكالوريوس غير عن تخصصي في الماجستير ؟ وقلت له لأني حبت هذا العلم وكنت حابة اكمل فيه .
قالي ما هي الصفات الي أثبتت لك أنك قيادية ؟ يعني هل انت قائده أم مقوده ؟ قلته طوال فترة دراستي انا كنت امسكت قيادة أي عمل جماعي في الجامعة وحتى في الأنشطة اللي كنت أشارك فيها كنت انا المسؤوله عن المجموعات اللي اشارك معهم .
سألني إذا كنت راح اسكن في الليث ؟ قلت له اكيد قال من راح يكون معاك قلت بابا قالي انتي انانيه كيف تأخذي بابتك من أخوانك واصر على أني أنانية ؟ قلت له مصلحتي ومصحلت أخواني وحده وهاذي مو أنانية رجع قلي لو رحتي بعثه مين راح تأخذي قلت بابا أو واحد من أخواني رجع لموضوع الأنانية قالي انتي أنانية ليه تأخذي بابتك من أخوانك وهم محتاحينه قلت احنا في عصر التكنولوجيا والاتصالات متطوره وراح يكون دائما في اتصال بين بابا وأخواني .
كمان سألني لو مشرفك في الخارج خيرك بين انك تكشفي وجهك أو مايشرف عليك وش تسوين ؟ قلت له ماراح اكشف وجهي قلي لو قالك اكشفي وجهك أو ما أشرف عليكي قلت اغير المشرف قالي المشرف الثاني اللي غيرتيه طلع يهودي وكمان أصر أنك تكشفين وجهك او ماتكملين في الجامعة ؟ قلتله ماراح أكشف وجهي .
بعدين سألتني دكتوره عن موضوع رسالتي في الماجستير وإذا كان لابد من أن القيادات يعينوا بناء على خبراتهم أو لازم يكون لهم تدريب ؟ طبعا قلتلها لازم يتدربوا .
رجعت سألتني وش الدورات اللي لازم يتدربوا عليها ؟ كلتها دورات عن فنون القياده والاعتماد والجوده .
وسألتني عن اثنين من معايير الجوده ؟ وجوبتها المعيار الأول الإتقان في العمل من أو مره
والمعيار الثاني : التحسين المستمر وخلصت المقابله
طبعا نسيت اقولكم أني أول مادخلت سلمت عليهم وصافتحهم وكنت مبتسمه ومرتاحه وهادئه وهاذي أهم حاجه .

أتمنى تستفيدوا مني ومن أماني وبالتوفيق للجميع .

عندي سؤال مهم الأولويه لمين للموظفه ومقدمه على وظيفه معيده أو اللي زي متخصصه بطاله لأن كثير قدموا وهم موظفات يعني معلمات ومعهم ماجستير مادري الأولية لمين احد يجاوبني الله يسعدكم ؟

انا قدمت..وقت الاختبار التحريري..قضبوني الباااااااااااب..هع هع

كله عشان بطاقة الاحوااااااااال..((حسبي الله عليهم..))

اتمنى التوفيق للجميع و ربي يكتب لكل واحد على قدر نيته ... قولوا امين

بصراحة الاخوات اللي وضعوا مقابلاتهم ما شاء الله عليهم كانت مميزه .. و اتمنى للجميع التوفيق

اقتباس:

المشاركة الأصلية كتبت بواسطة تخصص بطاله عندي سؤال مهم الأولويه لمين للموظفه ومقدمه على وظيفه معيده أو اللي زي متخصصه بطاله لأن كثير قدموا وهم موظفات يعني معلمات ومعهم ماجستير مادري الأولية لمين احد يجاوبني الله يسعدكم ؟

يأخ معصوم جامعة الملك سعود انا قبل كذا قدمت عليها على وظيفة معيده لنفس التخصص الي قاعده احضر فيه الماجستير قعدت 5 شهور وانا وصاحباتي نستني أسماءنا تطلع لأن عندهم مقابلة شخصية طوالي مافي اختبار وماطلعت أسماء وبعدين اكتشفنا أن في بنت محجوز لها الوظيفه وتوظفت وباشرت عملها واحنا ياغافلين لكم الله المهم الفساد الإداري موجود في كل مكان في سعود ولا غيرهم الله يكتبنا الرزق الحلال وين مايكون يارب .