المشاركة الأصلية كتبت بواسطة تخصص بطاله

السلام عليكم
انا كمان كنت من المتقدمات على وظيفة معيده في كلية الليث وصار فيني مثل ماصار لأماني من ناحية الأسئلة الاستفزازية من قبل الدكتور بس سألني كذا سؤال أول شي ليه تخصصي في البكالوريوس غير عن تخصصي في الماجستير ؟ وقلت له لأني حبت هذا العلم وكنت حابة اكمل فيه .
قالي ما هي الصفات الي أثبتت لك أنك قيادية ؟ يعني هل انت قائده أم مقوده ؟ قلته طوال فترة دراستي انا كنت امسكت قيادة أي عمل جماعي في الجامعة وحتى في الأنشطة اللي كنت أشارك فيها كنت انا المسؤوله عن المجموعات اللي اشارك معهم .
سألني إذا كنت راح اسكن في الليث ؟ قلت له اكيد قال من راح يكون معاك قلت بابا قالي انتي انانيه كيف تأخذي بابتك من أخوانك واصر على أني أنانية ؟ قلت له مصلحتي ومصحلت أخواني وحده وهاذي مو أنانية رجع قلي لو رحتي بعثه مين راح تأخذي قلت بابا أو واحد من أخواني رجع لموضوع الأنانية قالي انتي أنانية ليه تأخذي بابتك من أخوانك وهم محتاحينه قلت احنا في عصر التكنولوجيا والاتصالات متطوره وراح يكون دائما في اتصال بين بابا وأخواني .
كمان سألني لو مشرفك في الخارج خيرك بين انك تكشفي وجهك أو مايشرف عليك وش تسوين ؟ قلت له ماراح اكشف وجهي قلي لو قالك اكشفي وجهك أو ما أشرف عليكي قلت اغير المشرف قالي المشرف الثاني اللي غيرتيه طلع يهودي وكمان أصر أنك تكشفين وجهك او ماتكملين في الجامعة ؟ قلتله ماراح أكشف وجهي .
بعدين سألتني دكتوره عن موضوع رسالتي في الماجستير وإذا كان لابد من أن القيادات يعينوا بناء على خبراتهم أو لازم يكون لهم تدريب ؟ طبعا قلتلها لازم يتدربوا .
رجعت سألتني وش الدورات اللي لازم يتدربوا عليها ؟ كلتها دورات عن فنون القياده والاعتماد والجوده .
وسألتني عن اثنين من معايير الجوده ؟ وجوبتها المعيار الأول الإتقان في العمل من أو مره
والمعيار الثاني : التحسين المستمر وخلصت المقابله
طبعا نسيت اقولكم أني أول مادخلت سلمت عليهم وصافتحهم وكنت مبتسمه ومرتاحه وهادئه وهاذي أهم حاجه .

أتمنى تستفيدوا مني ومن أماني وبالتوفيق للجميع .