هذا ياطويل العمر ولد عمي من خريجي الكلية التقنية وله اكثر من سنه عاطل عن العمل مابقى مكان على الارض ماقدم فيه ... المهم بعد صبر طوييييييييل سجل بموقع شركة كانو واتصلو عليه وحددو مكان الاختبار بالخبر وراح الخبر وقدم الاختبار وبحمد الله نجح في الاختبار ويبقى قائمة طويله من المقابلات الشخصي وبحمد الله عدا المقابلات واتصل عليه موظف بالدمام وقاله تعال وقع العقد وطبعا قبل ولد عمي ما يوقع العقد سأل الموظف عن الشرط الجزائي في حال فسخ العقد وقاله الموظف بأنه يقدر يفسخ العقد في أي وقت وبدون أي شرط جزائي لكن للأسف مكان العمل في الرياض يعني بعيد عن الاهل والاصحاب والراتب مع البدلات لايتعدى 4000 ريال ... المهم ولد عمي راح يشتغل بالرياض على اساس انه اذا حصل على فرصة افضل او مكان بالشرقية راح يفسخ العقد .. يعني فتره وراح يتركهم لكن لما راح الرياض تفاجأ بأنه فيه شرط جزائي ومقداره 40000 ريال ولايقدر يفسخ العقد الا بعد 6 سنوات ... 40000 ريال و6 سنوات والله حرام حسبي الله عليهم يعني الواحد يفتح محل خضروات ولا محل فول ب 40000 ريال ولا يشتغل عندهم ... وذكر لي ولد عمي بانه معاهم شخص حصل على عرض من البنك الفرنسي وراتب 7000 ريال ولما راح يفسخ العقد قال له المدير تدفع ال 40000 ريال ورفضوا الدفع بالتقسيط يا يدفع كاش والا يكمل معاهم الست سنوات مع العلم بأن صاحب الشركة واحد هندي

حسبنا الله ونعم الوكيل عليهم

مشكله والله

طيب العقد فيه هالشرط الجزائي؟؟؟؟

ماباقي الا يخلون العقد مدى الحياة
استغلال واضح

انا لله وانا اليه راجعون حسبنا الله ونعم الوكيل

لا حول ولا قوة الا بالله
نصب على الناس عيني عينك
وهذا المسكين وين يروح لمين يشكي؟؟؟؟؟؟؟؟؟؟؟

مو معقول اذا مو مكتوب في العقد كيف يرغموه على الدفع ؟

ثانياً في عقد بين الشركة وبينه والكل لأزم يلتزم فيه واذا طلع شيء غير الموجود في العقد في جهات مختصه في مكتب العمل مسئوله عن هذا الشيء والدنيا مو فوضه

زميلي انفصل من شركة بدون سبب مجرد خلاف شخصي بينه وبين المدير الهندي واشتكى في مكتب العمل واخذ تعويض 15000 ريال والشركة الزمت هذا المدير بدفعها

اذا كان الشرط الجزائي مكتوب في العقد .. كيف ماقراه..؟ المهم لو الشرط مو مكتوب في العقد الي بينهم ماعليه منهم كلام فاضي واذا مكتوب هذه نكون مشكلة ولد عمك كيف يوقع على شرط زي هذا ..