02-05-2010, 04:19 AM
|
|
Guest
|
|
تاريخ التسجيل: Jan 2007
المشاركات: 18,846
معدل تقييم المستوى: 0
|
|
للأمس القريب كُنت نائم .. وأنا ونومي دايم هووشات وأحلام
ويمرني ذاك الحلم الشاطح
ويجي محول .. إذا بّ مظلة جارنا راعي اللمبرقيني محوله على بيت صيته المكون من طابق (:
ويجي الدفاع المدني والمطافي والشرطه
ويطلع جارنا راعي الدستن يطالب عيال الحاره يوم يلعبون كوره قدام بيته وكسرو لمبة الشارع ويجي طاير ولد صنهات على سيكله يفحط وهو يصدم الشايب يوم بغا يفقع كورة أخوياه إلا فيه واحد من أخويا الشايب يتابع الموقف وهو يجي مسرع يبي يفزع ل رفيقه ويعركب له ولد ذعار وهو يطيح على زقمه وعلق في أحد عمدان راعي المضله المهم إن بعد كذا جاء الإسعاف وشالهم .. وأنا أستغل الفرصه كان عندي شغل داخل الرياض
وأنا ألحق الإسعاف يوم طلع من الحاره عشان يفكني من الزحمه وأمشي وراهم مولع الفلشرات وأطنب على الناس واللي ما يوخر ألف عليه مالكم بالطويله صدم له راعي
الإسعاف رصيف وأنا أبنط براعي الإسعاف
وأنا أنزل مسرع وأفك اللوحات وأنحاش وألقا راعي التاكسي حسن البنقالي وأركب معه
زبني زبني جتنا الشرطه .. > ناظر فيني قال أيس كلام
قلت أمش بس لا أفقع وجهك يا مروح وحنا نشلع ولا نحول إلا من عند القديه وش ودانا هناك مدري > تزيبنات البنقاليه مدري وش تبي
المهم يوم نزلنا من الطلعه إذا المرور قدامنا مسوين لهم نقطه يوم أقبلنا عليهم الشارع فاضي وهم فاتحين بيبان الدوريه ومشغلين ياصاحبي ماني براعي مهاته
> وفيه جندي جالسن بالشارع الثاني يحسب السيارات اللي تمر من عنده .
أستغربت من اللي بالشارع الثاني ولا لقيت له بال
خويي البنقالي طار عقله يوم شاف الشرطه كان مشغل بنجابي
يوم شاف التفتيش كبس للكامري وشطفهم طاير أنا جازلي الوضع قلت روح يا سنايدي
قال أنا مسكل بابا ماما كلو نفرات ربعنا يبغا أكل اللحين فيه يمسك
هذا سرطي ودي ترحيل زوازات > قلت أيه أبك هج والله إنه يحطونك بلا عوده ..
ويكفخ البنقالي والعسكر تخمخم بعضها تبي تلحقنا لا حنا تسد هجينا
المهم ما وصلنا للمحطه اللي قدام إلا البنزيل مصفر وحنا نلبق ونتعشى لحم وإيدام مع فلفل حار
لعيون حسوونه ناكل فلفل
ثم مشينا قلت تفكا يا ذيبان يوم إنا على خط الحجاز ما ودك نروح نعتمر قال سوي كومبليت أنا ودي
قلت يالله أعطيك كومبليت روح
رحنا ومشينا .. يوم جينا أم حلبان لا والله الجموس يوم تعرضت لنا بالخط المهم ونلف من عند لبخه وحويته منحاشين > مدري كيف طلعت لبخه وحويته بس الحلم كان كذا
يوم جينا النفود اللي دون الدوادمي ألتفت ورى ما عاد فيه أحد قلت خلاص يا سنايدي راحو
قال والله أنا في خوف كتير نفر هذا شلح أنا قلت ما عليك معك أنا
ألتفت علي > قال والله من الخرطي (:
ونمر ذاك المخيم إلا عنده راعي أباعر وحنا نلبق عنده نبي ماء ذبحنا الضمى بعد مطاردة العصابه اللي قبل شوي
ونلقى ذاك الشايب قال يالله حيهم الليله والله إن تمرحون عندي
قلت نبي نروح عجلين > ما أمداني أكملها إلا البنقالي خامني وقال جعلك قوي > قلت أعقب ي الصتيمه تعرف علوم الرياجيل > قال على سحم (:
ويعشينا الشايب وأقوم أنشده وش عندك بها الديره الحالك قال والله يا وليدي العيال توظفو وراحو للرياض وأناا ما أستانس إلا عند النياق قلت أيه يا خالي هذي الدنيا مار دوري لي محلن جمبك أبقاصرك أنت رجالن طيب وقصرك زينه قال الله يحيك > البنقالي يغمز لي بعينه يقول قله يزوجنا الشايب سمعه قال أعقب يا المروح > ما ودك تسرح بالنياق بس خخخخخخ
أنا ضحكت على الطعس حسوون وهو يعصد فرته من أثار الكسحه
أصبح الصبح وأدور البنقالي ما لقيته أثر الشايب عطاه راتب مغري وأخذه
قال الشايب البنقالي يسلم عليك ويقول اللموزين سلمه للشركه وترى فيه خمس ريال عربون محبه لك قلت نعنبو الرخمه سحب علي قال الشايب ما عليه يا وليدي وتسانك تبي تشتغل بالشبك ترضع البهم ترا ما هنا خلاف > ما بقى إلا هي
أقول كرمك الله
ياهلا حياك الله > يوم أقفيت سمعته قال مهف قريح > سفهته
روحت على اللموزين برجع للرياض
يوم ركبت الخط لا التريله جايتن طايره والفرامل أأأأأأأححححححووووو > إذا أمي تقول قم صل صلو عليك إن شاء الله خخخخخخخخخخخخخخخخ وإنتها الحلم
سي يو (:
|
العرض العادي
