يبــــه شلووونك؟؟

العنا · #1 (**permalink**) 26-07-2007, 04:01 AM

((

قصيدة أبكتني للغايه

لم أعرف كاتبها للأسف
أتركها لكم))
**********
يبه شلونك؟؟
ملل هالكون من دونك ..

يبه شلونك ؟؟
وتمضي رحلة الدنيا..
بليا طلة عيونك..

يبه شلونك ؟؟
وشلون المرض وياك ؟؟
بعد ماهدك بدنياك..
عساها تغمض جفونك ؟؟

تبي تدري عن احبابك ؟؟
عن عيونن تغنا بك ؟؟
عن قلوبن دفنها الشوق..
واذا جاها الغفا جابك ؟؟

يبه امي تخيلك دوم..
تغني لك مع القمرا..
يبه واللي خذاك بيوم..
خذا.. وياماخذا.. وياما..
خذا ناس يحبونك

يبه حنا غدينا كبار..
توفقنا وتخرجنا..
يبه ماعاد فيه صغار..
يموج بهالزمن كل شي..
وحنا ماتموجنا..
على ذاك العهد نسري..
نبيع العمر والدنيا..
ولا تخلف بنا ظنونك...

يبه شلونك ؟؟
تبي تدري عن اخباري ؟؟
عن افكاري وتذكاري ؟؟
اشيلك داخلي جمره ..
وبعيون الحزن عبره..
تغرقني .. وتحرقني..
اشوفك نجمتن تجبر..مراعيها .. يراعيها..
واشوفك للرجوله اسم..اذا شد الزمن تقسى..
واحلم من معاني الحلم..احسك مقبلن بكرى..
وعيا لايجي بكرى !!

يبه تذكر زمانن مر؟؟
يبه تذكر مجالسنا ؟مقلطنا ومجلسنا ؟
وحارتنا ومسجدنا ؟
يبه تذكر هدايا العيد ؟ صلاة العيد؟
وبشت العيد؟ يبه تذكر سوالفنا ؟

لاجل هذا ..وكل هذا ..
اقول اليوم يابيي ..
ملل هالكون من دونك!!