السلام عليكم ورحمة الله وبركاته
ابي شوركم لي ابي افتح محل كمبيوتر فيه كل شي يخص الكمبيوتر من اكسسوارات وبيع كمبيوترات واستلزاماتها عمل فورمات للكمبيوتر بس ابي اعرف اذا هل المشروع دخله زين ولا لا وافكر اروح عند لمؤسسات لدعم المشاريع لانه ما عندي الا 40 الف ريال وانا هوايتي الكمبيوتر واحب اي شي يخص الكمبيوتر وانا قرأت مواضيع كثيرة عن الي يبي يبدأ مشروعه يكون في شي هو يحبه ويفهم له ياريت من عنده اي شي ممكن يفيدني فيه وماتقصرون

وشكرررررررررررررررررررررررررررررررا.

وعليكم السلام ورحمة الله،
اخي الكريم ماتظن ان المبلغ اللي بيدك يكفي كبداية؟
لو قليل ممكن تشارك شخص من اقاربك مثلا ويكون المبلغ اللي بيدك مخصص للبضاعه اللي تشتريها للمحل هذا غير الموزعين والمندوبين اللي راح يغرقوا المحل وطبعا ً بالآجل.
ممكن بعدها تصير مندوب وموزع للشباب اللي يستوردوا بضاعه من الصين بكميات بسيطة منها تستفيد وتفيدهم.

المشروع طبعا مجدي ومردوده طيب اذا شاف الزبون انك مميز، خذ لك فني من الفلبين او الهند يكون فاهم وعنده خبرة في الشبكات ويصير مثلا ترسله للزباين الكسالى.
الافكار كثير في هذا المجال والتطوير متاح.
اهم شي الموقع يكون معتبر واسأل اهل الخبرة في اختيار المواقع وماراح يقصروا.

ولاتنسى طبعا الاحبار، يمكن تجي في راسك يصير عندك خدمة تعبئة احبار وبشكل مبسط.

ممكن تستورد لابتوبات مستعملة وتعرضها بمحلك.
تبدأ بسيط ويعرفوك الناس بعدها تبدأ تغير الديكور وتحط اقسام خاصة بالاكسسوارات والاشياء الغريبة اللي ممكن تلقاها بالنت واشخاص يعطوك البضاعه على التصريف.

اتمنى لك التوفيق...

اخوي مترجم اشكرك الرد

ولقد اعجبتني النقاط التي طرحتها جدا رائعه والتي قد تساعد في زياده دخل المحل

شكرا لك ياعزيزي

اتمنى لك التوفيق
نصيحة اخيرة
حاول ان تبدأ سريعا ً دون تردد ولاتنسى الاستخارة
ولا تفكر في الارباح الا بعد السنة الثالثة من تاريخ بدء المشروع

اول سنة اصرف قد ما تقدر على المحل
ثاني سنة لازم وبإذن الله يرجع رأس المال لمكانه الحالي (حسابك في البنك مثلا)
السنة الثالثة تبدأ بالاستفادة من 30% فقط من الارباح والباقي يكون سيولة لاغتنام الفرص كالاستيراد والبضائع الرخيصة وما إلى ذلك.

الله يوفقك ويوفق كل مسلم لطاعته

ثلاث سنوات

لازم اسدد مبلغ القرض خلال سنه

خوفتني ياخوي مترجم لهدرجه هذا الاستثمار بطيئ

مشروعك حبيبي ناجح بتوفيق ربي

وانا مثلك وربي الخلايق مفكر افتح محل

بس المشكلة ياخوك إذا بتجيب عامل فني متعلم الفرمات وهيك واحد مشكلة يعني مثلاً جلس عندك سنتين ويبي يطلع إجازة من يجي بدالهـ تقع بمشكلة اما لو بتجيب عاملين واحد مختص واحد للبيع وللي يبيع يتعلم من المختص عشان إذا سافر واحد منهم لين الثاني يعرف وتجيب بدال اللي سافر واحد مو مختص ويعلمه شوي شوي

والشي على ركادة ولا تستعجل ابد فكر مليون مرة وبتنجح

ربي يوفقك ويسعدك ويرزقك رزق ماهقيت به ابد

وإذا تبي اي استفسار انا موجود عندنا محلات عقار ومحلات سوبر ماركت وشركة دهانات

شاكر لك يابوحمد
بالنسبه للفني اعتقد ليست معضله ممكن اني انسق مع واحد بديل وقت الحاجه
بنسبه للبائع فانا لااحتاج لبائع انا عاطل ومتفرغ واحب ادير المحل بنفسي
ومثل ماقال المثل المال السايب يعود على السرقه

شاكر ومقدر نصيحتك والله يوفقنا واياك اخوي زياد

انا ما قلت ان الاستثمار بطئ الله يحفظك
انا قصدي ان المشروع بشكل عام لازم تعطيه عشان يعطيك.
اذا صرفت عليه في أول سنة مثلا اعلانات بسيطة بالمنتدى هنا مثلا، ورتبت المحل من ناحية المظهر اللي يجذب العملاء. بكل بساطة مصاريف إدارية لا اكثر. رأس المال راح يرجع لك في أول سنة حسب مجهودك مافي شي، لكن الأرباح لو رجعتها للمحل واستثمرتها وصبرت شوي راح تشوف نتائج افضل.
على سبيل المثال لا الحصر، رأس المال 40 ألف ريال أو حتى 80 والمحل كان في موقع ممتاز وكانت خدماتك مميزه تخلي الزبون ما يروح بعيد.. ربحت 40 ألف في أول سنة تفكر في تطوير المحل مثلا تشتري جهاز تعبئة الأحبار، تشتري الأحبار نفسها من الموردين. يعني احسبها انت كم بيكون رأس المال وأضف عليها قيمة البضاعه اللي تملكها انت وقيمة الأصول.
لا تبالغ في التفكير بالأرباح عشان ما تتحطم، الافضل أنك تخطط لكل خطوة تقدم عليها.
ممكن تساعد اخوانك اللي متخصصين في الشبكات وتسوي لهم اعلان بالمحل وأي مكسب تتقاسمه معهم.
ممكن تجيب البضاعه بالمحل وتشغل مندوبين بالنسبة.
السنة الثانية اللي قلت لك فيها تسدد ديونك (لو عليك ديون) يعني المقصد من كلامي انك تقفل على المبلغ اللي تدينته بالكامل ويصير المحل بالكامل ملكك.

الله ييسر امورك، وطالما انك راح تدير المحل بنفسك راح تجيك الافكار وماراح تتردد لو تعلن عن بضائعك في المنتديات والمواقع.

نتمنى لك التوفيق يالغالي.
وعلى فكرة، لا تخلي احد يقرأ الموضوع ويفهم المضمون ويسبقك

https://www.btalah.com/t184719.html

للإطلااااااااااااااااااااااااااااااااااااااااااااع فقط

بيض الله وجهك ياخوي مترجم

انا بسوي دراسه جدوى بعد تحديد المكان واقابل مندوبين واحسب التكلفه بعد الاستشارة
وعلى ضوء الدراسه باذن الله سوف ابدا واغامر وعسى ربك ييسر الامور


الله يعطيك العافية