هلا اخوي تقدر تقول دفتر العائله عند والدهم ويرفض اعطائه لي

بس عندي صورمنه .. جميع الاولاد فيه ... هل يقبلونها ام اطالب بالدفتر الاصلي

^^
اختي الكريمة

هم يحتاجوا صورة دفتر العائلة لإرفاقها في ملف التقديم , ومن الطبيعي ان يطالبوا بالاصل للمطابقة , وعلى حسب الموظف إذا حب يقدر وضعك يكتفي بالصورة ولايهتم بالاصل لكي يطابق البيانات وبتأكد بأن الصورة غير مزورة لاسمح الله . .

من الافضل بحكم انك موظفة ووقتك ليس ملكك حاولى ان تذهبي لهم ومعاكي أصل دفتر العائلة لكي لاتتعطل مصالحك ليوم آخر . .
( والله من وراء القصد)

اهلا اللي عرفته احضار ملف علاقي ودفتر العائلة الاصلي ومعاي 2 شهود و2 مزكين للمحكمه ومنها للضمان الاجتماعي ,,,,شاكره للجميع من عقب وسلامتكم

اختي هدى
انا اول شي رحت الضمان ومعي صوره من كرت العائله ومضاف فيه ولدي ولم يطلبو الاصل
وارسلو للمحكمه وجاءهم الرد واعطوني موعد للمحكمه وورقه صغيره فيها رقم المعامله ورحت الموعد وكان معاي المزكين والشهود وكان اخويا الصغير شاهد ولم يمانعو وكان الشيخ جدا متساهل والله الحمد ولم يعقد الموضوع وحتى ما كلمني ابدا مجرد كلم الشهود والمزكين واصدرو الصك بنفس اليوم بس اعطوني صوره منو وارسلو الاصل للضمان وبعد كم يوم رحت الضمان عشان اكمل الاجراءات ولقيت الصك عندهم وكملو لي الاجراءت وغيرو من الكمبيوتر اني كنت استلم لحالي وزادو المبلغ والشهر اللي بعده استلمت المبلغ وبالنسبه لكي انتي عشان ما تستلمي من الضمان يعطوكي موعد عشان تاخدي البطاقه

على فكره اذا كان عندك صور من شهادات الميلاد يكون احسن
وبالنسبه الصك حق الاعاله الاصلي تستلمي من الضمان بعد اكمال الاجراءات واحتفضي بي
لانه مهم جدا
وبالتوفيق

اعانك الله اختي العزيزة

راح اوضح لك ما الواجب عليك في مثل حالتك .

اولا عليك عزيزتي التوجه إلى مكتب الضمان أولا

وتوضحي للموظفة وضعك ...

هنا بما انك موظفة لن تقبلي في الضمان ...

لذلك يكون التسجيل فقط للأبناء فقط وفي هذه الحالة راح تطلب منك الموظفة بالضمان ان تذهبي للمحكمة لاستخراج صك بالهجران ( أي ان الاب هاجر لهم من مدة كذي .. ) وليس اعالة

لأن الاعالة يكون مع الام المطلقة إذا كانت بتتسجل في الضمان .

لا تذهبي للمحكمة قبل اخذ رقم معاملة لصك الهجران من نفس مكتب الضمان

راح يحدد لك مكتب الضمان موعد مراجعة المحكمة

و صك الهجران يكون باسم الابناء فقط .


بعد ما تأخذين صك الهجران من المحكمة تسجلك الموظفة وتطلب منك ... شهادات ميلاد الابناء .. كرت العائلة .. ّ برنت من الاحوال للبنات فوق 15 سنة

وان شاء الله امورك ميسرة

دعواتي لك يالغالية .

هلا نسورة ...انا معاي صورة من الدفتر العائلة ...وانتظر الاصليه من والدهم ...انا موظفه لازم اجيب تعريف او ورقه من عملي على اساس اني موظفه ولي راتب ,,,المكان اللي في المحكمه اي قسم اروح له نسورة شاكره لك سعه صدرك

شاكره لك خير ربي كثير ... بس مجرد سؤال بسيط هل الامر بيطول شهور .... وكم مبلغ الضمان

هلا بك هدى عبد الرحمن

عزيزتي انت موظفة ماراح يقبلوك

عزيزتي الامر ما راح يطول إن شاء الله أهم شي انك تراجعي مكتب الضمان ومبلغ الضمان حسب الافراد المسجلين

هلا تقدر تقول ...شاكرة لك عندي 2 من الاولاد تعدوا سن ال15 هل يشملهم المبلغ ام لا

جزاك الله الف خير