مواقفكم مع العـــداديــــــــــــــــن

الراآسيه · #11 (**permalink**) 03-05-2010, 12:47 AM

سبحان الله مدري ليه الناس ينكربون ويشيلون
هم جيت حقين التعداد ووش يخافون منه احنا لما
جانا راعي التعداد ترررن..تررن طبعاً ذك اليوم
ماعندنا احد امي راحت مع اخوي الصغيرر لحضور
مناسبه بالرياض واخوي الكبيرر في بيته والثالث في
الدوام ولا بالبيت الا بنات وفوقنا بالدور الثاني مرت
ابوي واخواني فقامت اختي وردت بالسماعه ..مينقال
معكم التعداد خل الرجال يكلمنا اختي ما فيه احد تحسبينه
راح لالالا لازق لنا لله يطلع علينا مايلام المسكين الناس
دايم يصرفونهم قمنا ودقينا على اخوي فوق وقلنا اطلع
الرجال ناشب وجاء وطلع من يم بابنا وما لقى احد اثر
راعي التعداد راح يم الباب حقهم ابد القطو والفاررر
فيكم فيكم وفتحوا له وعطاهم ورقتين وحده لهم ووحده
لنا بس تدرين يوم شفنا الورقه ضحكنا ضحك اول مره
نشوف تعبئة بيانات بهذي المساحه كنه مخطط بيت اخوي

المهم قلت لخواتي من بتتولى التعبئه كلهن
تبرأومنها والعيال انس انهم يكتبون شيء المهم ونا ياختس
اجلس اقرأ واتمقل بالبيانات والمطلوب (اختبارررتحريري

)
وقلت اليوم اطلاع وبكره اعبيها وكان هذا الخميس ..ويوم جاء
الجمعه العصر وأنا اقعد اعبي بياناتنا وتعبت يديتي

من الكتابه
فقمت ادعي يارب ان راعي التعداد يجي فسبحان الله انتهيت
من الوجه الأول الا والجرس يررن اثاريه حق التعداد واروح
لخوي سرعة 2000واعطيه الورقه والقلم وقلت خله يكمل
الباقي الله يجزاه خيرررر طبعاً كمل لأنه مهب فاضي يجي مره
ثالثه عقب ماانزرع عند الباب ومرت ابوي يوم قلنا وين ورقتكم
قالت ما احد عباها وش عليهم من عمارنا ووش عندنا والعيال
يقولون شققوها وفي الزباله قلت جيبي الورقه والبطاقه وهو
اللي بيتكفل بها ويملاها وفعلاً لكن اللي يقهر معقوله في 10 دقايق
امداه يعبي الورقتين ويروح!!.
وهذا موقفنا مع التعداد وأهله وان شاءالله انه ضحكك اختي في
الله والله يوسع صدرك بالعافيه ونستيني بموقفك والأخريين
والحقيقه اهدي اقوى سلام لراعي التعداد وربعه والله يعينهم
على الناس وغشامتهم..