ياهلا ويامرحبا بالعـــــــــاطلين والعاطلات

أدري جرحتكم وتعقتوا من هالكلمة (العاطلين- العاطلات ) بس ترا مافيه مفر من هالكلمة صدق صدق عطاله على وزن بطاله والجذر الثلاثي منها بطل يعني عطل **************** الله يعين سيبوية علي

ويـــــــــارب ويـــــــارب نتحرر من هالكلمة عن قريب ..............آميـــــــــــــــــــــن

يالله كل عضو يسدح موقفه مع موظفي التعداد ...

وأبدأ أنا ...
رن جرس الباب تر ترن فهب أخي ليعرف من خلف الباب فإذا برجل منهك من العمل يحمل أوراقاً تكاد تتساقط منها الحروف وقلماً يصرخ ويقول دعوني أستريح من الأرهاق والتعب فبتسم أخي له وأقلطه بمعنى أدخله (باللهجة الحاتمية ) فقلط في المجلس وبدأ بتعبئة البيانات بأذا بممتي (باللهجة السورية) تعمل عصير وتتحدث لنفسها لعله متعب وعطشان وأعطت العصير أخي فهب مسرعاً وقدمه للرجل المتعب فإذا هو من قوة عطشه أصطدمة يده بالكأس الملئ بإذا بالعصير يتطاير ليسقط على الورق وعلى ثوب الرجل وعلى الأرض كأنه منفجر من قوة الأصطدام فبدأ يمسح ورقاته وقام ليغسل ثوبه ويداهـ ورجع فرتشف رشفات من الكأس الأخر وأكمل بياناته وخرج ولم يعد...

ياحرااااااااام ياليت التعب على فايده 0000الله يقويهم
الله يجزا امك بالخير
متى يجون ابطو علينا وش يسألون بسجل البيانات بورقه من اللحين 0000

http://www.sabq.org/sabq/user/news?section=5&id=9225

نسيت الرابط
كله كوم والشايب ابو 85 كوم ثاني

اللي جاء صديقي والأمور طيبة

الله يعينهم شغلتهم صعبة وفيها انواع المواقف السيئة لعدم فهم البعض لطبيعة عملهم وكثير منه ينطرد لادق الباب..
.
اعرف واحد من الشباب مقهور من البطالة ومن الظلم الحاصل في اكثر من مجال . . لذلك حالف يمين مايعطيهم اي معلومة ولايستقبلهم ويقول وش راح استفيد منهم لاعطيتهم المعلومات ..! وهو صادق
.
جاني واحد ونهاية المقابلة طلع من نفس القبيلة
سأل عن اسماء الموجودين في المنزل مع اعمارهم والشهادات الحاصلين عليها وهل عاطلين ولاموظفين وحالتهم الصحية ,وعدد التلفزيونات وعدد المكيفات وعدد الغرف وانواعها كم مجلس وكم غرفة نوم إلخ
وعدد الجوالات والهاتف الثابت وهل فية نت و رقم جوال رب الاسرة والايميل إذا وجد وبس
.
المهم إذا تعرفوا احد مايعطيهم وجة ولايستقبلهم انصحوة يريحهم ويعطيهم البيانات , لان الموظف قالي مجبور يجي مرة واثنين وثلاث وتوصل إلى درجة انه يعطيك موعد يحضر فية ويضع الملصق على بابك بالموعد المقترح يعني ملزوووم الموظف يجيب بياناتك ومايسلم تقاريرة لمرجعه
إلا وهو جايب كامل المنطقة المسؤول عنها
.
تعبت من الكتابة

اما انا دق علي جارنا وقال تعال عندي الموظف حق التعداد مايبي يتعبه هو ووجهه

المهم وانا رايح للاخ الجار اللي هو مصري قابلت جارنا الموسوس

انا\ سلامات يالموسوس وين على الله
الموسوس\ والله رايح اتفاهم مع الموظف ـــــــــــــــــــ بيضارب الاخ
المهم


قال ونت وين قلت معك معك طالع عمرك قال اجل انت سوي نفس اللي اسوي اوك وانا اوك مدري وش السالفه


رحنا وقهونا الجار والموظف اخذ البيانات وانا اخش اسم امي واششر بالاشاره عشان الموسوس مايمسكها ويجلس ياولد فلانه

بعد ماراح الموظف قلت يالله ابروووح وشي واللى البكس اللي في بطني قال الموسو اسكت وجالس يسولف مع الجار المصري قال والله اما انا واالشاب الطيب هذا كنا مشغولين وبالحييل تعباني وانا صح صح

ماعندكم مويه وراح جاب المويه

شويه الموسوس مافي شربات متاثر بالمسلاسلات
ويجي الشربات

بعدين مع السواليف
طمر الاخ قال ماتسمع بطني

انا زي الاطرش في الزفه سلامات احسبه مريض


قال والله جوعااااان ــــــــــــــــــــــــــــــــــــــــــــــــــ ــــــــــــ ماعندكم فطور ياجار جاهز لاتكلف على نفسك

ووجهه مغسووووووووووووووووووووووووووووووووووووووووووووووو ل بقوه


4 ساعات وحنا عنده وهو يبي يصرفنا بس الجونسون لازق بقوه اخر شي خربها قال والله زوجتك ماتعرف تسوي فطووووور يالييييل


في هذا الوقت بالزات جاني اتصال ياحبيبي جت التصريفه

عن اذنكم ومع البا ب


المهم انه غث الجار المصري المسكين ولا ادري وش صار بعدين

وما ادري وش دخل الموضوع هذا في التعداد والموظف بس

وسلامتكم

[align=center]
التعداد: واحد.. اثنين.. ثلاثة!
خلف الحربي

شيء لا يصدق .. التعداد السكاني قائم على نظرية عد الرؤوس: (واحد .. اثنين .. ثلاثة .. اللي بعده)، وبمجرد انتهاء عملية العد نمضي نحن (الأنفار) سعداء باحتسابنا ضمن المجموع الكلي لعدد السكان (اللهم زد وبارك).

ما اسمك؟، قل أي اسم: (لؤي .. عباس .. محماس.. دحومي المرعب.. أي شيء )، ثم سؤالين أو ثلاثة عن عمرك ومهنتك ومحل إقامتك (لايوجد سؤال عن أكلتك المفضلة؟)، وبعدها اتكل على الله .. وامض إلى حال سبيلك، وإذا صادفت خلال مسيرتك المشهودة موظفا آخر من موظفي التعداد فاطلب منه بسرعة ألا يعدك: (خلاص .. عدوني ربعك)!.

العاطلون غاضبون من التعداد بسبب عدم قبولهم في برنامج العد المؤقت يقولون: (فيها ست آلاف ريال .. وحنا على باب الكريم)، ومسؤولو التعداد يقولون إنهم فضلوا الاستعانة بالموظفين ورفضوا العاطلين كي يمكنهم الرجوع إلى جهة عمل الموظف متى ما أخطأ أو استغل عمله في التعداد بصورة غير صحيحة.

والموظفون أيضا غاضبون من التعداد لأنهم يظنون أن عملية قبول المتقدمين خضعت للواسطة، بينما يؤكد مسؤولو التعداد أنهم لم يقبلوا أحدا للعمل في التعداد إلا من خلال نتائج الاختبارات التي مر بها جميع المتقدمين (حتى في هذه المهمة الخاطفة اختبار قياس!).

حتى أولئك الذين تجاوزوا الاختبار بنجاح وتم قبولهم للعمل في برنامج التعداد السكاني وبدأوا يعدون : (واحد، اثنين، ثلاثة .. إلخ) غاضبون جدا من التعداد!، فقد اكتشفوا أن الخطة التي درسوها في المكاتب تختلف تماما عن ما وجدوه على أرض الواقع، وحين يلجأون إلى المشرفين المؤقتين يجدون أنهم أكثر حيرة منهم، وهكذا تتداخل أرقام البيوت والعمارات والشوارع .. وتضيع أعداد البشر، وفي كل مرة نبدأ من جديد: (واحد ..اثنين .. ثلاثة .. إلخ).


الشخص الفاضي يقول: لو سألوا الأحوال المدنية والجوازات لارتاحوا من كل هذا العناء، والشخص المشغول يقول: لا أحد يعرف الأرقام الحقيقية سوى شركات الاتصالات!.
ويوما بعد يوم تزداد أعداد الناس، يكبرون، يحتاجون إلى مقاعد دراسية وشاشات كمبيوتر وفرص عمل ومساكن وشوارع ووسائل نقل، ينتجون، يكسبون، يخسرون، يعمرون ويهدمون، يمرضون فيحتاجون إلى رعاية صحية، يموتون فيحتاجون إلى مقابر!.

[/align]

والله هالتعداد تعب موووووووت<<شايفة بخوي

يجي من المدرسةلانة مدرس وينام ويقوم العصر ويروح المكتب حقه ويشيك ويطلع تسدح بين الحي اللي مسلمينه له ويجي الساعة 11ولا له خلق يكلم احد يدوب يتعشى وينام ويامصيبته اذا كان التلفزيون مستدعينه لتغطية احداث والا تعليق على صلوات الحرم بس هو ساحب عليهم هالاسبوعين ماسمعته يعلق الله يكون بعونه وعون المسلمين مهلك نفسه بالاشغال

دمتم بود