السلام عليكم

خواني انا ودي افتح مغسلة سيارات بس أبيكم تفيدوني

بالتكاليف الماديه من فلوس وأدوات .. بصراحه راس مالي 10 آلاف

أبي أبدأ بشي صغير يكون دخله متواضع وشوي شوي الواحد يكبر مشروعه

أنا قريت هالمشروع على هالرابط من خلال رد الأخوان وأتمنى أفادتي بالتفاصيل

https://www.btalah.com/t17905.html

شااكر لكم أخواني والله يجزاكم كل خير

اتمنى اي احد من الشباب عنده فكرة او خلفية عن هذا الموضوع ...... يستعجل بتقديم الاستشارة و الرد ..... و موفق ان شاء الله يا ابراهيم بكل خير .. يا رب

وعليك السلام

أهم شئ

موقع المغسله + الخدمات المجانيه المقدمه ولو شي بسيط مثل المناديل وغيره

لي عوده إن شاء الله

اخوي ابراهيم
اولا المغسلة ماتحتاج الى اشياء متكلفة
اولا : مقر المغسلة او مكانها . هو انك تبحث عن اي محطة جديدة وتكلمهم على انك راح تستاجر المغسلة منهم . او اي محطة موجودة تسئل هل يمكن انهم ياجرونك المغسلة . اجارها اتوقع من 15الف وطالع والله اعلم انا ماسئلة عن اسعار الايجار
ثانيا : تجيب المعدات وهي مكينة هواء في حدود 1500 ريال , مكنسة كهربائية 2000 ليات هواء , ليات ماء , صابون , اكياس لتغليف سجاد السيارات
ثالثا : تحاول تجيب عمال خمسة سته وتتفق معهم على انهم يجيبون ورقة ايستيجار عمال من كفلائهم عشان مايصير لك مشاكل مع الجوزات او البلدية
رابعا : تطلع رخصة من البلدية اذا جبت المعدات وطبطت كل شي , على ماظن ماتزود عن 300 ريال الرخصة
خامسا : المغسلة جاهزة واحسب الى قلته لك فوق يطلع لك التكلفة
طبعا بيكون في المغسلة الى بتستاجرها هدروليك للبستم الى يرفع وينزل السيارة . اذا فيه زين على زين لانك بتغسل السيارات الكبيرة , اذا مافيه لا تحطة ولاتفكر انك تشترية لان مافيه فايدة وعن قريب رايح يجي منع لغسيل البستم ( الديزل ) خلال الشهرين الجايين في منطقة الرياض .
لاتنسى ان المغسلة تستهلك مياه بشكل عالي وكذلك تصرف مياه بشكل عالي
امل ان يكون لديك فكرة عن مشروع مغسلة المياه
اعرف واحد من الشباب كنت اتكلم معه عن مغاسل السياارت قال انه سوى دراسة جدوى لها قبل شهر من الان وكان الربح المتوقع لها خلال عام هجري واحد هو 400.000 يعني مشروع مربح وبالتوفيق

اخي ابراهيم ؟ اشتر الفكرة مني وحقوق الطبع محفوظة!!!!!!!!!!!


م


و


ف


ق

إن شاء الله .

أخوااااني شااااااااااااكر لكم

الله يجزاكم كل خيير ويوفقكم ويوسع عليكم دنيا وآآخره ..

يعني تنصحوني أتوكل على الله وأدخل هالمشروع ؟؟

يعني تتوقعون انه نسبة الربح فيه اكبر من نسبة الخسارة؟؟

ومشكوور عاطل على هالفكره

اخوي : ابراهيم
السلام عليكم ورحمة الله وبركاته
هل تريد النجاح لمشروعك انا اكلمك من خلال الخبرة وليس من باب السماع ؟ اكيد بتقول نعم ! ..... أذن خذ الرأي
1- اولا يجب التوكل على الله عز وجل والدعاء منه بالتوفيق
2- عدم اليأس من بعض المعوقات التي تواجهك لترك مشروعك
3- وهم الاهم بعد التوكل على الله (وقوفك) على المشروع لانه من خلال تجربتي في التجارة والاعمال التجارية هي عدم وقوف صاحب المشروع على من مشروعه واقرب لك المعني يعني ترك العمل بدون رقيب والابتعاد عن المشروع وذلك تقريبا بعد 6شهور من المشروع وهذا هو المشاهد للأسف من ابنائنا السعوديين .
4- على فكرة مشروعك ناجد 100% بأذن الله بس مثل ماقلت للك يجب ان تكون في محلك وانا اقول لك من خلال تجربتي بأن العمل الحر افضل بكثير من الوظائف ...........

المغسلة كلها ربح
بالميت 10000 ريال شهريا بس اهم شي الموقع ويكون فيه بنشر بعد

السلام عليكم ورحمة الله وبركاته

اخوي ابراهيم اذا تبي الشغل المضبوط شفلك سلفه منا ولا منا من الخمسه وعشرين و فوق وخذلك جهاز بخار ترا يريحك من الماء وريح العمال وما تحتاج عمال واجد .. وهاذا عن تجربه لاني اشتغلت في مغسله وكان اكبر هم هو الماء ... والحين ماأشوف بنشري الى حاطله زاويه مبلطها ومسوي غسيل مجاني (( هذا طبعاً في الطائف ))

موفق بإذن الله ... لك مني أجمل تحية .