فيه واحد من الشباب معه تكسي اجرة وفكرتة نوعاً ما جيدة اذا طاح في عائلة طيبة

الفكرة حقتة كل عائلة يتفق معهم بالشهر حسب التفاوض مع العائلة من 300ريال الى 500 ريال

ويكون جاهز لهم في اي وقت يدقون علية يجي ويوصلهم للمشوار

طبعاً وقت الكلام هذا كان متفق مع خمس عوائل الان الله اعلم كم عنده عائلة متفق معها

وشغله ماشي غير المشاوير التي بالشهر

لكن مشكلة فكرتة لو وقع في عائلة تجيب الجيران معها يصير يوصل الحارة كلها بقيمة 300 ريال هههههههه

الدينا الصينيه حليله وعليها ضمان ثلاث سنوات بس اذا جيت عند البيع وش تجيب ومن يشتريها منك
انا ما احاول اعيب الدينا الصينيه الجاك وغيرها بس روحو للمعارض وشوفو الشريطيه عند الايسوزو ولا عند الصينيه
في عالم السيارات اشتري نظيف علشان البيع يمسك سعره ويجيب راس ماله
السوزو او الدينا الايسوزو هي الغرض في مدينة الرياض ومرغوبة اكثر عند البيع واكبر دليل شركة المراعي ما تستخدم
الا هي ومن واقع تجربتي الشخصيه انا ما اشتغل الا على ايسوزو دينا ستة مسمار npr او nqr
قطع غيار متوفرة قطعها غالية نوعا ما بس ما توجع راسك بطلباتها اهم شي حرارتها عند الطلعات والخطوط الطويلة وزيتها لا ينقص والحمل تبرد كبدك مهما حملتها وزدتها

لما سافرت الى الخارج حصلت عندهم نقل مثل الي عندنا نقل جماعي لكن شركاتهم كثير و حلوة ونظيفة

فلو الواحد يقدم على رخصة كان شي احسن من النقل الجماعي

حياكم الله ،، وشاكر لكم مروركم واشكر اخوي عاشق دينا عل افادته لنا ،، لكن وش رايك تقول لنا كم اقل مايمن ان اطلعه مثلا اذا عندي دينه ،، وهل اجلس دايم انتظر فالموقفه حقت الدينه او شغلها امشي وكم المشاوير ،، الله يجزاك خير ويوفق الجميع ،،

وشاكر للجميع مرورهم وافادتهم ^__^

[QUOTE=محمد العجمي;2535006]حياكم الله ،، وشاكر لكم مروركم واشكر اخوي عاشق دينا عل افادته لنا ،، لكن وش رايك تقول لنا كم اقل مايمن ان اطلعه مثلا اذا عندي دينه ،، وهل اجلس دايم انتظر فالموقفه حقت الدينه او شغلها امشي وكم المشاوير ،، الله يجزاك خير ويوفق الجميع ،،

وشاكر للجميع مرورهم وافادتهم ^__^[/QUOTE

اخوي محمد حياك الله وجميع الاخوان
اي بداية لااي مشروع لابد تكون صعبة وفي البداية انصح الوقوف بلموقف الى ان يتعرفون عليك اصحاب النشاط نقل عفش او غيرها من النشاطات *
عقب مدة ماراح تحتاج الوقوف لان زباينك عرفوا رقم جوالك ويصير تعاملك معهم على الجوال
وفيه بعض الناس اذا جاء للموقف يدورون السعوديين على طول ويتركون الاجانب
لان الاجنبي ما يفهم على التوصيف ولاسباب اخرى
اما المدخول يعتمد على نشاطك وعملاك اذا انت سمح معهم مدخولك رايح يغطيك ويزيد خاصة على المشاوير الخارجية
ولعل الامر يتطور وتصير معروف على مستوى دول الخليج
واسال الله للجميع التوفيق