،، بسم الله الرحمن الرحيم ،،
،، السلام عليكم ورحمة الله وبركاته ،،

مثل مافي العنوان ،، طبعا اكثر الشباب،، عاطلين ،، فاضين ،، مطفرين

فليش الواحد مايشتغل كداده او توصيل او تسويق يعني شغله تطلع له فلوس وبدون راس مال او براس مال بسيط جدا ،،

،،فربما احد هذي الشغلات تكون افضل من الوضيفه الف مره،،تكون مربحه ومريحه وفيها وناسه وسفرات

افكار وامثله::-
ليموزين (تكسي)والتكسي معروف فيه ربح باذن الله (لكن للاسف اغلبهم هنود وباكستانيه وماكلينا اكل)فليش الشباب مايطقطقون فيها وطبعا ،،اما تشتري لنفسك سياره او تستاجر ،،
طبعا الاجار شروطه:-
1-رخصه عمومي
2-كفيل موظف حكومي،،اوعسكري يكون رتبه عاليه يعني جندي مع الباب
3-اليوميه 120 ومافوق للسيارات الجديده وكل ماصارت قديمه قلت الاجره وكثرت الخرابات
لكن فيها خير ومتوفره شركات التأجير واعرف شباب يطلعون من التكاسي من 4000وفوق والي مايشتغل 3000 وهو مرتاح

فكره دنهـ::-
ومثل فكرهـ اخوي ابن الهيلا في التوصيل للمزارع https://www.btalah.com/t143221.html
"وبصراحه فكره جميله جدا،،ولكن صعوبتها في ايجاد المزارع ولكن ليست مستحيله وانا احاول ادخل فيها ان شاء الله "

والدنه مو لازم مزارع ،، عندك سوق الابل ،، والحراج ،،

هذا الي عندي الان ،، وانا ماسويت الموضوع لاعرض الافكار ،كثر ما انا حطيته لطلب الافكار المفيد والقابله للتنفيذ مثل التكسي والدنه <<كداده فيها ذهب
طبعا الدنه او الوانيت،،ممكن انها تستثمر في توصيل بضائع ولكن ماهي وكيف نحصلها ومن وين،،؟هذا هو موضوعنا
او عن بضاعه نجيبها من ،مثلا خارج الرياض وتباع فالرياض بسعر جيد ومربح ،،

،،،اي واحد عندهـ فكره تخدم الشباب وانا منهم ابحث عن فكره جيده غير هذي تفيد وتنفع ان شاء الله فلا تبخلو علينا بها،،،

صحيح اخي محمد ترى المكدة فيها خير بالذات الي يسرح من بعد الفجر لأن النبي صلى الله عليه وسلم يقول (( بورك لأمتي في بكورها ))

بارك الله فيك

،،في انتظار مشاركاتكم اعضائنا الكرام،،

الدنه شغلها ممتاز لو الله يفكنا من الاجانب والتستر المتفشي فيها
( سطحة - نقل عفش - نقل بلاط ومواد بناء - نقل الابل والمواشي - نقل ادوية مواد للتبريد )
الخ النشاطات
اي شخص من سكان مدينة الرياض محتاج المشورة حول الدنه من الالف الى الياء
انا مستعد افيده واعرف المزادات واسعار الدينات واماكن
المواقف للعمل ( موقف الكدادين السعوديين )
لاني قديم بالشغله واعرف اسرارها كاملة المقاسات والمحاور وتطويل الشاصي وتركيب الكرين وتدبيل السست
وتفصيل الصندوق وتدبيل الشاصي وتركيب المكيف في الغمارة وزيادة قوة الطرنبه للمقاومات على طلعة القدية
وطلعة الغاط اي واحد محتاج المشورة انا مستعد
مع الشكر للاخ محمد العجمي

رد سابق لي اتمنى يفيدكم

اقتباس:

المشاركة الأصلية كتبت بواسطة النيوزلندي واللي يجيب لك مشروع يدخل لك 7000 واكثر وش له؟ بس بشرط تكون متفرغ اذا عندك 50.000 اطمر طال عمرك لحراج السيارات ودور لك سيارة مثل هذي وبعدها طلع لك رقم وخلك يا طويل العمر توصيل معلمات للمحافظات والقرى اللي قريبه من مدينتك والمعلمة في الشهر بـ1000 ريال والسيارة هذي تشيل القصير منها 12 راكب يعني 10 معلمات 10 × 1000 =10000 اخصم منها زيت وبنزين وغيره تقريبا يصفى في جيبك 7000 ريال شهريا وغير كذا اذا وصلتهم لا ترجع اسدح المراتب اللي ورى وصكها نومه الين يطلعون المعلمات يعني تقريبا 12:30 بالكثير بالكثير العصر وانت في بيتكم والله نصيحه لكل عاطل انه يفكر في هالموضوع