تكفون شوروا علي يوم الاخوان ماشاروا ..,!هام

صقر ورقان · #1 (**permalink**) 03-05-2010, 05:57 PM

سلام عليكم

.

.

.

.

اخوكم طالب في جامعة الملك عبدالعزيز في جدة ومااعاد باقي عن اختيار التخصص الا القليل

والواحد محتار ماعاد ندري وين نوديها كل مانطقها عوجا كل قسم سالنا عنه تباينت الاراء فيه

والواحد كل ماشاف من حوله عاطلين قال يالله فرج عنهم ولاتبلانا ,,,

وانا عارف ان فيكم الجامعي والثانوي والدكتور والمسؤول وغيرهم وكلكم فيكم خير باذن الله

دخلت الجامعة ناوي قسم محاسبة بس شفت التكدس من ذا القسم خبركم جيرانا اكلوا ماورانا

ودونا وقلت ابي إدارة مالية لكن وانا اقلب في المواقع لقيت قسم القانون وسالت عنه وكنه

اعجبني في دراسته وندرة خريجينه بس اللي ابلشني انهم يقولون لاتدور وظيفته الا بعد التخرج

بسنين ولا اتوظف في مكاتب محاماة على 2000 ريال واخوكم صار في حيرة ماعاد يدري يروح

اي ديره والله هو عالم الخيرة...

ابي منكم تشورون علي من تجربة او ماسمعتوا ايش افضل مالية او قانون من ناحية وظائف ورواتب وغيره تكفون ,,,

ا
خ
و
ك
م

يانديم الصمت · #2 (**permalink**) 03-05-2010, 06:02 PM

للرفع

ويجي من يفيدك

صقر ورقان · #3 (**permalink**) 03-05-2010, 06:21 PM

يعطيك العافية
ماقصرت

فاتنه · #4 (**permalink**) 03-05-2010, 06:39 PM

اخوي ادخل التخصص اللي يناسب ميولك ومن ثم احتياج سوق العمل لهذا التخصص
وابشرك التخصصات صارت كلها زي بعض
بالتوفيق

ملك التحديات · #5 (**permalink**) 03-05-2010, 06:57 PM

انا عن نفسي انصحك بالقانون حتى الشركات الكبيرة تبيه مثل ارامكو وسابك
اهم شي لغه والمعدل جيد جدا وان شاء الله امورك تمام .

تغريد الهاشمي · #6 (**permalink**) 03-05-2010, 06:59 PM

انصحك شوف تخصص مطلوب في سوق العمل وسيبك من التخصصات النظريه والجامده اللي ماتلتقي وظيفه منها
لكن اشوف
علوم سياسيه , علاقات دوليه<<<<<<<مااعرف اذا موجوده فجامعه عزوز
لكن قانون برضو حلو
بصراحه اشوفها تخصصات نادره
ربي يوفقك واهم حاجه الاستخاره

تقدر تقول · #7 (**permalink**) 03-05-2010, 07:01 PM

بأختصار وإذا كنت مكانك

ماافكر بالقانون لو 1% . . اخوي انت في السعودية . . يمعنى مافية مجال للمحامين بالشكل الكبير مثل الدول الاخرى مثل مصر . . مجال المحاماة عندنا ضيق جداً . . الاسباب كثيرة ولايتسع المجال لذكرها الان . .

لذلك إذا ميولك للمحاسبة لاتتردد بشرط ان تتخرج بكالوريوس وليس دبلوم . . بكالوريوس المحاسبة مطلوب إذا معدلك عالي. .

موفق ياصاحبي , والله يرشدك لما فية خير لك في الدنيا والاخرة

!AOB.FARES! · #8 (**permalink**) 03-05-2010, 07:03 PM

والله من راي وانا خوك الميل عندك اهم شي لنك بتبدع في ميولك
من ناحيه الماليه والقانون انا انصح بالقانون وزي ماقال ملك التحديات

والاهم وانا اخوك رغبتك انت وميولك لانك بتعطي اكثر والله يوفقك دنيا واخره

خالد المدينة · #9 (**permalink**) 03-05-2010, 07:13 PM

السلام عليك اخوي
بالتوفيق اول شي
انت مانت داري شنو ربك كاتب لك
اسنخير ربك وشوف اذا ارتحت في الاستخاره ادخل وتوكل على ربك
الله الي يكتب الرزق وصدقني اذا وفقت ودخلت هذا القسم تراه من ربك ويوفقك رب العالمين