السلام عليكم ورحمة الله وبركاته


أخوآني ولله مالقيت شخص استشيرة بالامر الي محيرني غير آعضاء منتدى البطالة


لاني ولله آحترت وتعبت نفسيآ .. حتى القيلون بدا يعمل عمآيله معي من كثر التفكير


مشكلتي يـ آخوآن .. اني قدمت على بعثة خآدم الحرمين الشرفيين الملك عبدالله وقبلوني

ودخلت مرحلة التهئية الي تصير قبل البعثة , وبيني وبينكم بديت افكر بالموضوع بجدية وبدت تلعب فيني الوساويس وضاق صدري

وصرت اروح للدراسة ( مرحلة التهئية ) وادخل المحاضرات وكآني داخل بعزاء


وانآ قبل فترة اتصلوا على الحرس الوطني وسويت المقابلة الشخصية وبآذن الله راح يتصلون علي .. يعني عندي خيراين

الاول البعثة والثاني وظيفة بالحرس الوطني


مع العلم اني خريج الكلية التقنية ( دبلوم ) والبعثة عبارة عن دارسة مرحلة البكالريوس لمدة (3سنوات )


فـ آبي نصيحتكم ياشباب .. بـ انتظآركم

على اي مرتبه بتكون وظيفتك بالحرس؟

الاخ الي ارسلي على الخاص .. معليش يـ آخوي موب قادر ارسل لك مدري شنهي المشكلة .. وهذا ردي على رسالتك:




اول شي اشكر لك تجاوبك مع موضوعي

وثاني شي اشكرك على نصيحتك أخوي

صحيح ان الدراسة افضل من العسكرية بمراحل

وفرصها اكثر وافضل من شهادتي الحآلية

الاني يـ آخي الفآضل آستخرت بعد قبولي بس
ولله جتني ضيقة صدر لأيعلم فيها الا الله لدرجة اني ماصرت لا اكل زين ولأحتى انام

وهذا الي مسبب لي حيرة بـ آمري .. ولا العسكرية ماهيب بحلم ولأطموح
بس انا افكر بالغربة الي راح اعيشهـآ

وشاكر لك اخوي ..

والله ان اللي أشوفه إنك تكمل إجراءاتك بالحرس الوطني و إنشالله إنهم يقبلونك أما بالنسبة للبعثة مقدور عليها بوقت ثاني بس أنا بقولك شي لا تفكر إنك إذا أخذت البعثة ورجعت السعودية راح توظف علطول كثير ناس تخرجوا من البعثات وما حصلو وظيفة انا أعرف واحد من اخوياي طلع بعثة ورجع ندم على ضياع عمره وجلس بالسعودية وجالس يندب حظه ويقول ياريت اللي كان ماكان فأنا نصيحتي لك إمسك وظيفتك وإذا ربنا قدرك و جمعت لك مبلغ حلو إطلع بعثة وكمل دراستك و إنشالله ربنا يوفقك ويعينك لأن الزمن هذا صعب ولازمك الصبر وهذي فرصة عمرك وتعتبر باب من أبواب السعادة عليك منها تزوج وتبني بيت وتسحب سيارة وتنفرج الدنيا بوجهك والله يسعدك .... وهذي نصيحتي لك والله يوفقك ويعينك ولا وصيك قوم وصلي لك ركعتين إستخارة لله والله يختارلك .....

وعليكم السلام ورحمة الله وبركاته

اخوي سيد

أستخير الله في الوظيفة وأستخير الله في البعثة


صحيح ان التعليم جيد لكن العمل في هذه الأوقات أفضل

نحن الأن نواجهة طفرة وظائف

لكن برضوه أستخير ربك

والله يسهل لك أمرك

السلام عليكم ورحمة الله وبركاته

مساك الله بالخيرياأخي العزيز...
الله يوفقك وييسرلك إلي فيه خير
ماخاب من استخار وحاول تستخيرأكثرمن مره وإنشاءالله راح تطلع بنتيجه،،،،،،،


وجهة نظر:
أشوف إنك تتوكل على الله ولاتفوتك وظيفة الحرس زيادةوكيل رقيب رتبه حلوة
قدام فتره كان إلي عنده بكالوريوس يالله بواسطه ياخذجندي
وإسأل أي شخص شغال بالحرس دوامهم حلو الظهروهوعندأهله
موفق بإذن الله ... لك مني أجمل تحية .