سلام شباب وش علومكم ..؟

ادري الموضوع ذا المفروض مو مكانه بس وش اسوي وربي منقهر واكثر اللي اعرفهم من القسم هذا فرجائن تحملوووني يا مشرفين ومراقبين لآعدمتكم



قدمت على ادارة التربيه والتعليم على بند الاجور وصراحه الناس اللي من تحت مدير ادارة التعليم كويسين واخلاق بعضهم فل اوبشن يعني وناااسه ..
الموووهم
لما حولوني على مدير ادارة التربيه والتعليم اللي والله مدري وش اسمه بس عليه كببببببببره وربي عليه نفففففس والشكل الله لا يبلانا يوم جلس على الكرسي مدري وشلون ما انكسر حرام بالله يوم دخل علينا هو بشته الطاااير كنه شااحنه بس بدوون زاااااامووور يعني شاحنه على الصامت ورررررررررر .. الله يهداه بسسس
الموووهم قدمت عليه انا وواحد عندي والرجال اللي مقدم معاي اللي ما اعرفه . احمد ربي انه اول ما راح له ويوم راح له وربي على طول كررررررررش فيه وطلع وتحسه منخرع والله اني انقهرت ويوم حط عينه بعيني يعني ( وش عندك انت الثاني ) وانا انط وانا جايه اتكلم بصوت عالي عشان ما يستضعفني واقول ( يا طويل العمر انا اللي جابني لك سمعتك الطيبه والا كان ما جيتك .. انا يا طويل العمر معاي جامعه وابي اقدم عندكم على بند الاجور . فياليت تنظر بوضعي يالغالي واعطيته ملفي ) سكت و ناظر فيني وهو جالس( حرام بالله قلت ألحين بيكرشني وكنت متجهز للرد بس قال ( روح لأنور بديوي ) وانا اسأله وين ألقاه .. سكت وقام يناظر الشاي .. .. طيب على ايش الكبره يا عالم حرام بالله ان شهادتي ابرك من خشته هو ووجهه كنه مربع .. والله وانا ادير ظهري له واسأل الموظف اللي واقف من صباحية ربنا وتعبان مبين عليه وعلى طول جاوبني تلقاه بالدور الثاني .. وانا اقول للموظف جعلك للجنه يوم دليتني عليه والمدير يسمممممممع وانا امشي عنه
الوكاد عقب الكلام طلعت واول ما طلعت ويمشي وراي موظف ما اعرفه قال ليش تسوي كذا ؟ قلت ياخوي رفع ظغطي هالشاحنه ذا متكبر ياخوي الكبر لله ومشيت على الدور الثاني ولقيت الاخ عنده اجتماع وما يمدحونه بالتعيين الله يخاارجنا على قولة اخواننا الجنوبيين .. بس دعواتكم لي برجعلهم عقب ساعه ونص ولو حولني على مدير ادارة التعليم أفكر اسحب اوراقي من الملف واحط ظرف فيه صرصوور واسكر عليه وارفقه مع الملف الاخضر للمدير واسافر لآهلي وخل الموظفين يضحكون عليه عاد ( دب ومتكبر ومنخرع من صرصور .. كني شايفه يركض هو وبشته الطاير )

لاتلووووموووني يا شبااااب حرام بالله احسكم مثل اخواني لان لي فتره وانا معاكم افضفض لكم والله منقهر وتوووني جاي من الادراه يعني القهر توه طاااازه

ان شاء الله الله يعوض عليك

[التواضع ]
صفة حميدة
وترفع صاحبها الى العلو والشان
يآآآآآآآه كم من انسان التقيته
ويملك هذه الصفة
فأنا شخصيا قابلت شخص مسن عمره 65 سنة
واحلف بالله انه يصب القهوة
الناس يحاولون فيه خلها ..
يقول لا.. سبحان الله ..
مأجمل صفات هذا المسن
ماذا خسر حينما تواضع ماذا خسر ؟
صفة حميدة ينبغي ان توجد في كل انسان
فعلا مأجمل هذه الصفة ..
..





/
[ التكبر ]
صفة كريهة
تأتي لصاحبها الكره والبغض
لماذا الانسان يتكبر ؟
ماذا أستفدت من الكبر ؟
امثله كثير مرت علينا من الناس
المتكبرين ..
متكبر على وش ياخي ؟
من تواضع لله رفعة
ليش ؟ .. ليش ؟ .. ليش ؟
ليش متكبر ؟
انت فيك مميزات عنهم ؟
بتستفيد شئ لاتكبرت ؟
اسئلة حائرة هنا وهناك
ولا ألقى اليها جواب
/



قال الشاعر /

كم جاهل متواضـــع :: ستر التوضع جهله


ومميز في علمــــــه :: هدم التكبر فضلـــه


فدع التكبر ما حييت :: ولا تصاحب أهلــــه


فالكبر عيـــب للفتى :: أبدا يقبح فعلـــــــــه

ههههههههههههههههههههههههههههه
قوية وجـهه كنه مربـــع ،
إلله يوفقـــك : لمعة القمــر.. وان شـآء الله تلقـىآ وظيفـة احسن من عند هذآ.. ،
الـدب الداشــر

الله يعطيكم العافيه ويجزاكم الجنه

شوووكرن على المؤاساااااااااااااااااه

والله انكم ذياااابه لآ عدمتكم

الله يعآفيـــك يإرب ،،
ألأ اقـول وش رآيــك بالعسكرية ؟ ؟ خخخخخخخخخخ
إمــزح لآتصدق الله يرزقـك بالوظيفـه الزينـه.. ،
بس لآتنسى تدعـي.. ربك ،.. والوالدين يدعـون لـك ..أسـآ‘ل مجـربَ

صرصور باظرف ههههههههههههههههههههه

بالتوفيق للجميع

اخوي انت هدي اعصابك واللي كاتبة الله بتاخذه وهذا اذا تكبر فعلى نفسه .. خله يتكبر ..
انت اهم شيء مصلحتك .. يقول المثل اذا لك حاجة عند ..... قله ياسيدي .
بالتوفيق اخوي . واتمنى لك كل خير ..