المشاركة الأصلية كتبت بواسطة مبرمج زمانه

الله يهديك بس


بما انك موظف ايش جابك للموضوع ياانك تقول خير ولا تسكت


واعذرني على ردي

لكن عندي دبلوم برمجيات ومابقيت وظيفه الا قدمت فيها وكل الابواب تقفلت في وجهي مابقي عندي الا الجيش


اسف اذا كان كلامي قاسي عليك


لكن العيشه صعبه وانا اخوك لو كنت في زماننا هذا كان قدمت في الجيش

احمد ربك انك شايب ولحقت لك وظيفه من زمان

تحياتي

المشاركة الأصلية كتبت بواسطة يآليل

علي الطلآق آنك شششنب ..~

والله ودي آحب خشمك يآبعدي آنشهد آنك رجآل من ظهر رجآل

يآخوي مآعليك من المبزره ذول ..~

مآقول غير الله يوفقك يآشيخ وويوفقني معك ..~
دعوآتك آني آنقبل في سسلآح الصيآنه منتظر النتآئج على آحر من الجمررر ..~

والله آني ودي آدخل الجيش لو برتبة تحت الجندي /

آخوي الصغير توه متخرج صغير والحين هو في جبل دخآن ..~

ودي آلحقه لو بدون رآتب < يآخي كرهت آم الحيآه

العممر يروح .. والله آني آنحرج لآجلست قدآم الشآيب ومعي كلية تقنية وجآلس على قلبه

خلهآ على ربك ولآ تزعل من شآن مبزره كل يوم صآلخ شنبه يبي يطلع له شنب يسوي فيهآ رجآل

مآقول آلآ الله يرزقنآ يآشيخ ونشوف نفسنآ يالغآلي ..~

المشاركة الأصلية كتبت بواسطة مبرمج زمانه

يالبى قلبك


والله اني احبك لله في الله

كذا يوم اشوفك ارتاح ولايهونون الباقين


الله يسعدك ويوفقك ونشوفك عسكري في جبل دخان وانا معاك

حلالاه وانت فوق الجبل وتصفق الحوثيين



>>وردي قسم بالله انه من القهر اللي فيني

يعني كل ماجيت اقدم على وظيفه قالوا لي حرام عليك ايش اسوي يعني اقعد في البيت مع الحريم


والله ان الشايب مايقصر معاي لكن مهما كان الواحد يبي يتزوج ويتوظف ويصير مسؤول عن نفسه

مايبي يكون عاله على احد حتى لو كان ابوه

قسم اني كرهت المناسبات والزواجات >>كل مارحت يسالونك الشيبان وين انت موظف

لو قلت ماني موظف قالوا ليه ماتروح تترجل >>يحسبوني ماابي الوظيفه

وهم مايدرون عن بلاي والواسطات اللي ضيعتنا وصارت شهاداتنا ماتوظفنا حتى جنود في الجيش

رحت الامن العام وطردوني والجوازات طردوني بعد والحرس الملكي ماانقبلت فيه

وامن المنشات ماطلع رقمي والدفاع المدني ماعندي رخصه عمومي ولا شهادة غوص ولا رخصة دراجه ناريه

والمخدرات انتظر تقديمها عشان انطرد والحرس الوطني ماعندي واسطه فيه

ووزارة الدفاع قدمت قبل سته شهور وماجاني شي وحرس الحدود الى الان ماجاني شي منهم

والله حالتنا حاله

عسى الله يفرجها واتوظف واكتب موضوع في قسم مبروك التعيين



عارف اني طولتها وهي قصيره بس انا ابي اطلب من الاعضاء اللي يحبون ينصحون يسكتون احسن

فينا اللي مكفينا من العطاله