وش الحل ياجماعة افتوني في أمري

الله الهادي · #1 (**permalink**) 05-05-2010, 12:37 PM

من يوم ماتخرجت من الدورة وانا برتبة وكيل رقيب في امن الطرق وصار لي الان سبعة عشر عام وانا ماترقيت كل اللي حولي ترقوا واللي تعينو بعدي ترقوا بعد
والسبب اني تهاوشت مع رئيسي في امن طرق الشرقية ونقلني للرياض بس والله ياجماعة هو اللي مخطيء متعجرف ويظن اللي تحته موظفتهم الدولة خدم له تدرون ان الترقيات اذا طلعت الناس يتلقون التهاني وانا اتلقى التعازي والكلام اللي يرفع الضغط
ياالله يامعين ياحي قيوم انك تفرجها معي ومع كل مسلم مظلوم وش الحل يا جماعة دورت دقيش مالقيت شورو علي تراني تعبت من هالوضع وكثرة الشماته

راجو القحطاني · #2 (**permalink**) 05-05-2010, 01:12 PM

الله يكون في عونك
أكيد مديرك العقيد العسرج
صح و يمكن ترقى وانت مثل ما انت

على كل حال الترقيات تتأخر كثير في الكثير من القطاعات
حتى ناس في الشرطة اعرفهم شخصيا مضى عليهم عشرين سنة
و هم وكيل رقيب و أخر نقل الى حائل و وصل رقيب اول و يمكن صار رئيس رقباء
و يقول أصلا معروفين العدد و محدودين و لا يمكن ترقية غيره
و أخر نقل لرياض و أصبح رقيب و زملاءه كما هم
المشكلة الترقية تأتي لواحد او خمسة لكل المنطقة و أنت و حضك
و طبعا اهل الواسطة أولى
شف و أنا اخوك ما عليك غير البحث عن واسطة قوية أو شخص يخاف الله و يقدر
أما انك في الشرقية و ضايع بين الاف العسكر و نفس الرتبة
لن تتحرك
و الله يوفقك

اخصائية 2007 · #3 (**permalink**) 05-05-2010, 01:16 PM

حاول تحسن علاقتك مع المدير
واكثر من الاستغفار وربي يفرجها عليك لا تقعد باقي عمرك وانت ماترقيت
الله يكون بعونك

الله الهادي · #4 (**permalink**) 05-05-2010, 03:19 PM

اخوي راجو القحطاني واخصائية 2007الله يجزاكم خير
للمعلومة نقلت بعدالهوشة مباشرة للرياض بس قعدت في ملفي ما عاد اقدر اترقى الا اذا نقلت لقطاع ثاني وانا ماعندي واسطة غير رب العالمين واذا ضاقت من البشر نستعين برب البشر

ابو عمر 2011 · #5 (**permalink**) 05-05-2010, 03:25 PM

والله قوية اخوي 17 سنة و انت مجمد وظيفيا
لكن مانقول غير حسبنا الله ونعم الوكيل ط
والله يفرج كربك
تحياتي لك

GAARA · #6 (**permalink**) 05-05-2010, 04:23 PM

هذا عيب العسكريه اذا رفعت صوتك راح عليك كل شي
بالتوفيق للج ــــميع

راجو القحطاني · #7 (**permalink**) 05-05-2010, 09:02 PM

يا أخي هوشة مع مديرك
ما هي جناية او جريمة
و يمكنك إلغاءها
حتى النظام اعتقد يسمح خلال فترة
و يسقط أى إنذار او تعهد
حتى مديريك يمكن نسى الموضوع
إذا السبب الهوشة و متأكد
صدقني من حقك تتحرك و تفهم من له علاقة او صلاحية
ناس عليهم مشاكل أكبر من هوشة و تنتهي

ليالي العاطليه · #8 (**permalink**) 05-05-2010, 10:19 PM

الله يعينك ياأخوي وييسر أمرك....
لحدعلمي إلي عليه سوابق بالسجن تنمسح بعد5سنوات أوسنتين والله أعلم....!!!
أماعن الموظفين فأكيدماراح يطول زي إلي عليه سابقه

أماعن الواسطه فإنت قلتها ماعندك إلارب العالمين ونعمةالواسطه خل ثقتك بالله كبيرة راح يفرجها ربك

موفق بإذن الله ... لك مني أجمل تحية .