مبروك للمقبولين وبالتوفيق لكم ان شالله

اما اني فسردحوني لا من الامنيه ولا القوات المسلحه سردحوني سردحه >يعني شاتوني
اتمنى من الي يقرى ردي ان يدعيلي بظهر الغيب ان الله يعوضني خير ويوظفني ادعولي يمكن احد فيكم دعوته تصيب ماتدرون ......................

بالله اللي يروح اليوم يعلمونا وش قالوا لهم بالتفصيل
او اللي يعرف بالله يعلمنا كيف طريقة الاجراءات
بالتوفيق للجميع

الله يوفقكم ويتمم لكم على خير

توني جآي ويالله يالله اشوف الي قدامي

العميله اسهل مما توقعت التنظيم جيد جداً اول ماتخشون للكلية راح يلبسونكم ملابس خاصه عشان الفحص الطبي يبدأ بعدها تبدا تخش تفحص بالترتيب طبعا النظر و الانف والاذن والحنجره ... إلخ والشباب مايقصرون متساهلين مره اذا عديت هذه كلها وطلعت مقبول يكتب لك على كرتك مقابله تروح من عند الكشف ويجلسونكم على كراسي وتسجل اسمك طبعا في اوراق وتبدأون تخشون على اللجنه للقبول والتسجل ، اول ماخشينآ بداون يسألوني عن التخصص ، انجليزي وبعد التخصص تبدأ الاسأله العامه مثل وش شروط الصلاه وش اركان الصلاه كم عدد دول مجلس التعاون وهكذا ، الوضع سهل والشغله وماراح تحس بالوقت ابد

بس سؤالي للي راح اليوم اول ماطلع من المقابله الشخصيه طلع على طول ولا سجل ولا وش سوا لاني انا اول ماطلعت من المقابله على طول طلعت ولا سألت ولا شي


أتمنى احصل الاجابه يالربع


وموفقين جميعاً

رحلتي للكشف الطبي والمقابلة الشخصية
1_ اولا ياشباب ارجو منكم الدعاءلي في ظهر الغيب لي بالتوفيق لأني والله محتاج دعواتكم.
2_ الدعوة ياشباب أسهل بكثير مما تتصورون ، تذهب لموعدك الساعة الرابعة فجرا أو السادسة بحسب موعدك بعدين تحصل الطلاب واجد وكثير ( طلاب ثانوي) طبعا انت جامعي وضعك غير ، مباشرة يخلونك تجلس لين تتنطر الباص وما راح يطول عليك كثير يادوب تصلي الفجر يكون الباص جاهز .( في نقطة ضرورية تخلي جوالك بالسيارة عشان الجوال ممنوع داخل المبنى !
3_ تتجهون بالباص إلى مبنى خلفي ليس ببعيد وراح يكون في استقبالكم افراد في مسرح جميل وكبير ومرتب ، بعدين تتجهون منتظمين إلى الكشف الطبي وتنزع ملابسك ( الثوب والشماغ) ويكون هناك لبس خاص بك وهو أشبه بلبس الممرضيين . وبعدين الخطوات الآتية :
ا_ فحص العيون ، ويكون بالنظر إلى حرف E ليس بالصغير ولا بالكبير تنظر إليه يمينا ويسارا ، ومن ثم عمى الألوان ويكون سهل جدا ، وبالمناسبة المختص بالعيون شخص كومدي بالمرة راح تضحك غصب عليك!
ب_ فحص الجراحة ، ويكون بالنظر إلى بطنك إن كان هناك عمليات او لا فقط وتكون بسرعة وغالبا لا تدقيق فيها
ج _ فحص الأسنان ، ويكون عن طريق ضم اسنانك والكشف عليها الامامية فقط، وليس هناك اي تدقيق فيها
د_ فحص الاذن والانف والحنجرة. وهذه اسهل الموجود عن طريق فتح فمك والنظر من خلاله والعملية سريعة جدا
هـ_ فحص الطول والوزن والضعط!ـ وهذه ياشباب اسهل الموجود لأنها لا تعقيد فيها مثل الامنية ، تروح للطول والوزن في جهاز واحد بحيث يكون الوزن تحت قدميك ومقياس الطول فوقك ولا يتدققون فيها _ حتى بالمناسبة كلنا اجتزنا الطول والوزن ولله الحمد.
و_ ادخال البيانات وهذه آخر مرحلة وتكون بسرعة جدا جدا يعطيك الكرت ويقول لك اذهب للمقابلة .
وأحب ابشركم إن الجامعيين كلهم اجتازوا الفحص الطبي ولم يرسب أحد والعملية بسرعة هائلة جدا جدا بحيث لم نستغرق نحن الجامعيين ساعة واحدة وعددنا فوق الخمسين
المقابـــــــــــــــــــــــــــــــــلة
تتجه للمقابلة بعد ما تلبس ثيابك وتكون المقابلة بحسب تخصصك ، بحيث أنك تكتب اسمك وتخصصك في ورقة كالآتي
التخصصات الشرعية : شريعة ، لغة عربية ، خدمة اجتماعية ، علم نفس .........
التخصصات الادارية : ادارة اعمال ، ادارة عامة ، جميع اللغات ماعدا العربية ، المحاسبة القانون .....
التخصصات الطبية : جميع ما يخص الطب وتكون التخصصات العلمية تبعا للطب
التخصصات الهندسية : جميع ما يخص الهندسة
تخصصات الحاسب : جميع ما يخص الحاسب
وتكون كل لجنة بحسب التخصص ، في غرف محددة موضوع عليها اسم التخصص الذي تنتسب اليه ،
اسئلة المقابلة :
ياشباب المقابلة تكون بحســــــــــــــــــــــــــــب التخصــــــــــــــــــــــــــــــــــص ويضيف عليها اسئلة ثقافية بسيطة جدا وكان ضمن اسئلتي ، ( تخصص لغة عربية )
قراءاة القرآن ، اعراب بعض الأيات ، اسباب تراجع العربية في الزمن الحاضر ، كيف تصوغ الخبر والمقال ، ماهي اهم المراجع العربية الحديثة التي تساعد على تقوية العربية ، اين يقع مسجد قباء ، اذكر ابيات من الغية ابن مالك ، اانت مستعد لأن تكون مرجعا للغة العربية في الوزارة ، كيف ترى الفكر الضال واسبابه .
هذه اسئلة المقابلة ، بعدها تتجه المسرح من جديد وتكون الباصات جاهزة لنقلك الى المكان الذي آخذوك منه ، وتكون هذه السرعة للجامعيين بخصوص . ومن ثم يقال لك انتظر النتائج النهائية في الموقع والصحف ، ولم يحددوا موعدا ، ولم يطلبوا موعدا للياقة لأنها ليست مطلوبة للجامعيين ، واذا كتب الله لك القبول النهائي يأخذون منك تحليل الدم والبول أعزكم الله ، وهذه باختصار رحلة الكشف الطبي والمقابلة . وعذرا على الإطالة وأتمنى منكم ياشباب الدعاء لي في ظهر الغيب لأني محتاجها كثير ........... وشكرا