للمهتمين بالتقديم على وزارة الدفاع والطيران الجامعيين

بلاإسم · #**1981** (**permalink**) 27-07-2010, 04:50 PM

اقتباس:

المشاركة الأصلية كتبت بواسطة بلاإسم

وعليكم السلام
مشكور أخوي مربع برامودا ....... يعني ماتنصحني أروح اليوم ؟؟ ماياخذون ملفي اليوم ويعطوني موعد السبت ؟؟ أرجو الرد سريعا عشان أعرف أروح ولا لا ؟؟
وأتمنا لو توصفلي مكانهم بالضبط ..... أنا ساكن بطريق العروبة مقابل مستشفى الملك خالد للعيون

ولك ألف شكر

مكرر .

المتشطر · #**1982** (**permalink**) 27-07-2010, 05:23 PM

السلام عليكم
ياشباب انا رحت اليوم وردون عشان ورقه مصوله وبعضه ماطلع ما انتبهت له يعني انتبهوا لاوراقكم مهوب تدقون مشوار على الفاضي
واللي عمره كبير لا يتعب نفسه يروح اشوفهم ردو 2 واحد متجاوز العمر ب 15 يوم فقط

اخصائي صحة بيئة · #**1983** (**permalink**) 27-07-2010, 05:39 PM

ياشباب اول مرة اشوف دائرة حكومية تهتم بالمواطن كذا والله فلة رحت اليوم للعيينة ودخلت الكلية بصراحة قمة الاحترام واحسن معاملة اول مادخلت على طول يدخلونك داخل كراسي ومكيفات وسولاف اما الثانوي صافين طابور برى في الشمس اللة لا يبلالنا اما الجامعي العكس تماما وعلى فكرة اللي عنده اخطاء بالاستمارة عادي تقدر تسالهم ويجاوبونك عادي جدا واذا فية فراغ ما تعرفه خله فاضي ورحلهم هم بيساعدونك بكرةعندي مقابلة وكشف
اي اسئلة انا حاضر الله يوفقنا اجمعيين
لكم ودي

دحمانوفتش · #**1984** (**permalink**) 27-07-2010, 05:57 PM

اقتباس:

المشاركة الأصلية كتبت بواسطة اخصائي صحة بيئة

ياشباب اول مرة اشوف دائرة حكومية تهتم بالمواطن كذا والله فلة رحت اليوم للعيينة ودخلت الكلية بصراحة قمة الاحترام واحسن معاملة اول مادخلت على طول يدخلونك داخل كراسي ومكيفات وسولاف اما الثانوي صافين طابور برى في الشمس اللة لا يبلالنا اما الجامعي العكس تماما وعلى فكرة اللي عنده اخطاء بالاستمارة عادي تقدر تسالهم ويجاوبونك عادي جدا واذا فية فراغ ما تعرفه خله فاضي ورحلهم هم بيساعدونك بكرةعندي مقابلة وكشف
اي اسئلة انا حاضر الله يوفقنا اجمعيين
لكم ودي

اول حاجه السلام عليكم
ثاني حاجه الله يجعلك من المقبولين نهائيا انت وجميع الطلاب
ثالث شيء بكره الله ييسرها لك ... ابيك تعلمنا بالتفصيل وش يصير معك
من دخولك للكلية الى خروجك منها. من الفحص الطبي حتى المقابله وركز على كلمه بالتفصيل
لانه انا يوم السبت الفحص حقي وتخصصي انجليزي وياليت اللي تخصصه انجليزي يعلمني وش يصير معه في المقابله
والله يوفقنا وياك والمسلمين اجمعين وشكرا

اطلب الله · #**1985** (**permalink**) 27-07-2010, 05:59 PM

[align=center]
السلام عليكم ياشباب بصراحة رحت اليوم والحمدلله ما انجزت شيء لكن استفدت شيء وبصراحه تعاملهم طيب مع الجامعيين في البداية انا رحت لهم عشان ابغى اشوف موعد قال اوراقك كاملة بس ترى موعدك الأحد قلت انا يالغالي موعدي بالامنية يوم السبت والاحد قال طيب تعال بكرة عشان يصير موعدك الأثنين والله حاولت فيه واحد مطوع وحبوب وبععدين قلت خلاص اجيكم بكرة وشرحلي انو مثلا لو جيت اليوم بصير موعدك الاحد واذا جيت بكرة يصير موعدك الاثنين وهكذا والامور كلها سهالات والله يوفقنا ..!!

1- عندهم تخريم ودباسه يعني ماتبلش واول شيء حط ملف القبول وتحته حط الأوراق مثل الشهادة وبطاقة الاحوال وغيرها واخرمهم وسلم الملف بس تعبي بيانات الكشف الطبي بس تعبي اسمك وتجاوب على الاسئلة اللي خلف الصفحة اللي هي :-

هل تعرضت لعملية جراحية
هل تتناول ادوية طبية وطبعا كل الإجابات بــ لا

هل احد من افراد عائلتك يشكو من مرض نفسي والخ والخ كلها اكتبها لها

وبعدين توجه للموظف وخلها يختمها لك ويحط لك الموعد وتوكل على الله ..

والله يوفقنا حنا وياكم بس تأكدو من أوراقكم قبل لاتروحون ترى مشوار شوي هههه

يعني كل شيء خذ منه نسختين احتياط والله يسهل اموركم ان شاء الله ويانا يالغالي

ودعواتكم لنا بالتوفيق
[/align]

أنس الأحمد · #**1986** (**permalink**) 27-07-2010, 06:13 PM

السلام عليكم ..
حبيت أفيد إخواني اللي ما راحوا للعيينة ....

طبعا الدوام من أول الصباح حتى الساعة الرابعة ،، ولا تتأخر حتى الرابعة ..لأنهم 3 و40 دقيقة ... خلا ص يصلون ...

طبعا ً ما قصروا الإخوان بالشرح ..

تدخل للبوابة ،، تسألهم أو يسألونك ... جامعي ؟؟

رح لأول كنتيرة على اليسار ...

تدخل هالغرفة .. تلقى كراسي وقدامك مكتب ..
تسلم ملفك ... على طوول للعسكري اللي بالمكتب ..
يخلي الملفات تمسك سرا ...
إذا جاء ملفك ينادي عليك ...
يعطيك ورقة للفحص ، والمقابلة .. ويعطيك كرت صغير ..تكتب فيه المواعيد ..

يختم لك على الورقة بعد ما تدبس الصورة في المكان المخصص لها ..

ويعلمك متى موعدك ... ويادار ما دخلك شر ..

بس نسيت أحط لهم صور !!

تهقوووون يأثر ؟؟ لا وازيدكم من الشعر بيتين ...

المشهد ما كتبت اسمي عليه !!!
يالله المكتوب حيصير ..
وفالكم القبول ,...

ةثيخ · #**1987** (**permalink**) 27-07-2010, 06:24 PM

السلام عليكم
شباب لو سمحتو الي راحو اليوم اقدر اروحلهم اودي اوراقي وانا بالبس الرياضي ولا لازم اكون لابس ثوووب وشكرااا

المتشطر · #**1988** (**permalink**) 27-07-2010, 06:33 PM

معلقين تنبيه لازم بثوب يعني اللبس الرسمي لكن اشوف ناس لابسين رياضه ولا قالوا لهم شي
العسكر حبيبين

صبي قحطان · #**1989** (**permalink**) 27-07-2010, 06:47 PM

يا اخواني الله يوفقكم لكل خير
انا ابي اقدم أوراقي يوم السبت 19/8 اليوم الاخير طبعا
بس لو قدمت لهم يوم السبت راح يعطوني موعد الاحد الي بعده او لازم اجيهم خلال الفتره المحدده لتقديم الاوراق والفحص .
وبالنسبة للمشهد وش اكتب اسم جدي ابو امي واسم امي ؟؟
او ايش ؟

ارجوا الرد السررررريع