31-08-2010, 10:36 PM
|
 |
عضو متواصل
|
|
تاريخ التسجيل: Jul 2010
المشاركات: 68
معدل تقييم المستوى: 30
|
|
ياخادم البيتين حل القضيه من قبل تصبح مشكله مالها حَل
عن غيرها يالملك تعطى اولويه منها قلوب البعض ماتت من الغل
مــادام فـالايـام حسنه وسـيه انت لاقلت القول بالعون تفعل
كلمة ملـك ياعالي الصيت هيه بالله حل المشكله يالملك حِل
فالبيت كم عاطل وفالبيت خيه والعَود مدخوله على شي قفل
والام من تحت الظروف القويه من العناء والبهذله شافت الذل
وكم من صغير وماله المقدريه وكم من يتيم وكم مقعد ومنشل
وكم عاجز ٍصارت حواله رديه من الاسى دمعه على الخد منهل
وكــم من مــصاب وعلــته داخليه خيّم عليه الهــم من عيشته مل
وكم من عزيز النفس لحقته كيه لو كان شفته قلت عن حاجته زل
وكم من مـريــض ادواه بالصيدليه ودواه لـومـا ينصــرف بات منعل
والكل منهم يرتجي شوف ميه من واحدٍ عايش من الشمس للظل
من بعد ماتمم ثالث الـثـانويه في جـو فـيـه بسـاط الافـراح منفل
متـاملـين شــهـادة ٍجــامعيه حتى الظروف اللي ّبها نمر تنحل
نبذل مع الابناء جهود قويه نـتـعب عـلى تعـلـيـمهم لين يكمل
متقـيـديـن بـنـسـبـة امـئـويه ولو جابها الطالب بها شيء يحصل
مااقـول جـاب الابـن مـيـه بميه لكـن درجـاتــه عـن الغـــيــر تـقـبل
ولافيه عـن بــاقـي زملاه شيه لاقــل تـفـكـيـر ولا هــو بـمـهـمــل
لكن ظروفه مخدمته وتهيه حتى ايتجاوز صف غيره ويوصل
باقي على التسعين خمس وشوي والظاهر ان الليّ بقي ماهو مخل
هذا ابما سموه وزن الاذيه موزون والموزون وشلون حلل
لو النسب من دون موزون حيه لاكــان ممتــازٍ يجـيب المعدل
ولو كان ذا ساري على الكل ايه ماهو بحرام ان كان ذا يشمل الكل
لكن بلاي الليّ على ذا وعليه يطلع بها ابن فلان وفلان ينزل
الواسطه فازت على الافضليه والليّ بليا واسطه وايش يعمل
ان علقون كشوف الاسماء خطي هانشوف حاجات بها البعض يفشل
واحد براس الكشف والشمس حيه واخرماهو موجود بالكشف الاسفل
افلان في قسم اللغه الاجنبيه وفلان مـعـه ولـوبها ما يجمل
وفلان في قسم الادب مع خويه وفـلان بالحــاسب ولــو كان ماطل
والليّ ارفضوهم يصبحون الضحيه لظروف ما نعــلم بـهـا قط نجهل
واجب نوجههم على زين نيه من قبل لا يغدي بهم شخص منحل
حض الشباب عن النفوس الدنيه عــزز مكانتهم مع الجيل الامثل
التعديل الأخير تم بواسطة عاشق الصباح ; 31-08-2010 الساعة 10:44 PM
|
العرض العادي
