فيه احد قبلوه مبدئي علم نفس

السلام عليكم
اخواني الكرام الكثير منكم يتسال وين مقر الفحص الطبي والمقابله
وانا اليوم رايح للبطحا عندي شغل ويوم طلعت مريت اشوف مقرهم
الوصف بالتفصيل لاهل الرياض وخارجه
الكل منكم يعرف طريق خريص وهو طريق طويل يشق الرياض من شرقها الى غربها ويسميه البعض طريق مكه لانه اذا بتلت معه ورحت غرب منت داري الا انت بمكه
الزبده عرفتو طريق خريص الان يوجد بمنتصفه جسر طويل يسمى جسر الخليج دايم زحمه وغثيث
عرفتوا جسر الخليج طيب اذا جيتوا جسر الخليج سواء من الشرق او الغرب لا ترقون فوقه خلكم تحته بيجي دوار غريب فوقه جسر الخليج وتحته طريق الملك عبدالعزيز وهودوار ينم عن تطور النهضة العمرانية ببلادنا
مع هالدوار اتجه جنوب (يعني اللي جاي من غرب يروح يمين واللي جاي من شرق يروح يسار بس ينتبه اللي جاي من شرق فيه دوار اسمه دوار الاحساء قبله )
طيب رحتوا مع الدوار جنوب انتم الان على طريق الملك عبدالعزيز اول اشاره ابتل ثاني اشاره بتل وافتح عيونك كبر فنجال القهوة وناظر يسار بيجيك سوق الشعله ما اخبر بعد الاشاره الثانية او الثالثة لانه جان اتصال بهالمنطقه ونسيت المهمة اللي انا بصدده
طبعا سوق الشعله لونه ازرق على احمر الظنه يعني كنه ملاهي الوان غريبه انتم ديورو مع اقرب مكان ووقفو عند السوق والبوابة قدامه ونشوفكم هناك ان شاء الله لا احد يصيف ولا احد يجيب جوالهولا تنسون ورقة الفحص والكرتوالكل يجي بشماغ وثوب ويشخص
اعذرون ممكن بعضكم يقول والله لو انك بتاصف قليب بالصمان ماكتبت كل هالكلام بس الفضاوة والبطالة وما تسوي

يا أخوان سؤال مهم / انا برسسل اخوي يوم السبت يودي اوراقي ويسلمها لأن عندي موعد اختبار وظيفة في ارامكو في الشرقية يوم السسبت واذا عطوني موعد للكشف والمقابلة رايح اجي انشاء الله ... هل تتوقعون بيدققون في اللي جايب الأوراق يسلمها ويطلبون اثباته ولا ما يدرون التدقيق في الكشف والمقابلة فقط أفيدوني لو سمحتو ...

شباب اللي انقبلوا في السنوات اللي راحت متى طلعت النتائج النهائية بعد اخر يوم من الدخول للكشف الطبي والمقابلة ؟..