مساء الخير

البارحة وأنا نايم شفت حلم إلا كابوس

حلمت إن ولدي جاني وقال بابا بارك لي خلصت الثانوية
قلت له : ياالله مااسرع الايام كأني قبل يومين دخلت الدورة وتوني متوظف
حتى أمك ماكنت أعرفها ولا أدري إني بتزوجها ..!
وأنت الحين جاي تقول خلصت الثانوية بعد 12 سنة دراسة

قال :المهم خلاص أنا ماعاد لي خاطر بالدراسة وودي أتوظف
قلت : ياحبيبي وش لك بالوظيفة ووجع الراس كمل جامعتك أحسن
قال : لا تكفى لا تغصبني على الدراسة خلاص مليت ودي أتوظف
قلت : طيب طيب لاتبكي بس , أنا شخص ديمقراطي واحترم رغبات الاخرين بس بشرط ماتتوظف الا بوظيفة إدارية
قال : وهذا اللي أنا أبغاه

وأنا أفتح اللابتوب وهو جالس جنبي ..

والقى إعلان وظائف إدارية شاغرة بشركة
قلت : جاك يامهنا ماتتمنى
وأدخل على موقعهم وألقى هالرساله



طالع فيني الولد بحقد
وقال ياليت كانت جنسيتك هندي يابابا
كان توظفت بوحده من هالوظائف من نصيبي وكان نادوني ياخبير ..
وأنا أطالعه كذا
قلت : ماعليه ماهو لازم تصير إداري وش رايك تصير عسكري صغيرون
تشتغل حارس أمن بأحد هالشركات إلين الله يفرجها ... ---> صراحه ما اخبي عليكم كنت ابغاهـ يشتغل في هالوظيفة حتى يمل ويشيل فكرة الوظيفة ويكمل دراسته

قال : موافق

وأقرأ إعلان عن حاجة أحدى المؤسسات لحراس أمن
قلت : جاك الفرج ياولدي

وادخل موقع هالمؤسسة والقى هالرسالة



ياسااتر ..!!
مافيه حل وسط ..!
لهذه الدرجة مستهينين بهالشهادتين ...!!
أجل اللي معه الشهادة الثانوية مثل ولدي وين يتوظف ..؟!

صراحة عصبت وقفلت اللابتوب ورحت أنام
ويوم صحيت الا ولدي جاني يقول بابا ابشرك الخدمة المدنية فتحت التسجيل على وظائف للثانوية

قلت: شئ طيب ربعنا مايقصرون أكيد بيوظفونك بوظيفة زينة احسن من حارس الامن ومشاكل الشركات ...
روح قول لأمك تضبط براد الشاهي وتجيب معه كروسون والا معجنات على بال ما أغسل وجهي وافرش اسناني وافتح اللابتوب ..
قال : طيب
وبعد ماصحصحت روحت افتح موقع الخدمة المدنية
وبعد مافتحته واخترت التقدم على المسابقة الوظيفية الا وتطلع لي هالرسالة



قلت : ماعاد إلا هي ..!!
إسمع ياولد مافيه أحسن من إنك تخدم في بيت أبوك وتنظف البيت تساعد أمك

وبعدها انتبهت اني بحلم وتعوذت من إبليس وكملت نومي

ماأقوول الا الله يعين عيالنا في المستقبل
اذا احنا وعددنا قليل الحين ماقدرت الحكومة توفر وظائف
فكيف اذا تضاعف عدد السكان مستقبلاً