السلام عليكم ورحمة الله وبركاته


بدووون مقدمااات شبااااب ورب الكعبه اني مادري وش الي جالس يصير لي والله العظيم هل هو نحاسة حظ او اني مسوي ذنب بحياتي ..!


بعد ماخلصت اوراقي بالامن العااام ومابقى لي الا المقابله الشخصيه نادا النقيب اسمي انا و شخصين الكلام هذا يوم الاربعاء دخلنا عنده بغرفه وسائلنا عن النسب الاول قال نسبته 63 والقدرات 57 والثاني قال نسبته 70 ومامعاه قدرات وقاله النقيب امسك الباب ويوم جاء عندي قالي كم نسبتك قلت له 68 والقدرات 57 المهم قال لنا انتم احتياط بالامن العام ...!

قلت انا لا والله انا مقدم من الانترنت يعني اساسي قال طيب وش رايكم بامن السفارات قلنا له والله حلوه بس تقبل النسب فوووق 75

المهم قاام الرجال يشجعنا عليه وقال بس مدري هم كم يقبلون النسب المهم وهو يدق على قائد امن السفارات الي عندهم وكلم الرجال وقالنا والله ياشباب يقبلون اخر شي على 65 والطالب الي معاي قاله النقيب امسك الباب وهو يرووح ومابقى غيري انا والنقيب قالي وش رايك بامن السفارت قلت والله حلوه << مو طالعه من قلب بس من الخوف قلتها .. المهم قالي تبيهاا لان الامن العام مكتفين وفيه نقص بامن السفارت قلت له عاادي وهو يعطيني ورقه وقالي وقع ووقعت وقال خلاص انت روح وان شاء الله يجيك اتصااال يحددون لك موعد المقابله ..

وانا والله الان عاارف اني جبت العيد بنفسي ابي اسائلك احد صار له مثل الي صاااار لي والله العظيم ان الحاله النفسيه 90 %



انتظر ردكم ياخوواني تكفووون

يارجال تكفوون تراى تكفون راحت بها اكفاان تكفوون الي مايعرف يرفع بالموضوع يمكن فيه احد صار له مثلي تكفوون

يالغالي اعرف واحد قريب لي في امن السفارات والله رواتب حلوه وهو بيتخرج من الدوره شهر سبعه


يمكن خير لك ماتدري

اخوي امن السفارات هذا تخصص جديد ومن افضل التخصصات من رواتب الخ واذكر
اني قدمت العام الماضي فيها بس رجعوني علشان النسبة واعرف واحد شغال فيها مرتاح
بس انت اي منطقة مقدم
والله يوفقنا جميعاً

الله يوفقك اخوي

بس حركه غريبه والله


بس امن السفارات ترى حلوه لا تخاف

والله حلوه امن السفارات وفيها دورات حلوه وترقيات ماشيه وبدلات خياليه

يعني اذا جتك اعرف أنه هذا نصيبك وانا اخوك امن السفارات مايقبلون اي واحد

بالتوفيق أخوي

الله يعين اخوي يمكن خيرة

قالي كم نسبتك قلت له 68 والقدرات 57 المهم قال لنا انتم احتياط بالامن العام ...!
ــــــــــــــــــــــــــــــــــــــــــــــــــ ــــــــــــــــــــــ
قال لك احتياط ليش علشان النسبة والا الطول والا كيف
وباالنسبة اذا كان ردك انهم اكتفو طيب اكتفو على ايش الطول والا النسبة والا درجة المقابله


والله يوفقك ان شاءلله ويوفقنا يارب