اتكلي على الله
وحتى لو ما استفدتي ماديا على الاقل بتكسبين خبره وبتتفتح عيونك على اشياء كثيره في التجارة وبتفيدك مستقبلا
التجارب حلوه

الله يوفقك
وييسر كل درب تسلكينه

اذا تبين رايي استخيري ..

اول شي توزيع الارباح مايسوى تعبك ابدا ..
ثاني شي خذي لفه على الاسواق النسائيه وياليت تاخذين جوله اكثر من مره في وسط الاسبوع ونهايته .. انا ماودي احطمك بس ودي تشوفين بعينك مستوى الشغل في الاسواق النسائيه
انا من رايي اشوفها فاشله جدا جدا جدا .. ممكن يمر يوم ماتجي زبونه وحده + الاسواق النسائيه حريمنا ماخذينها للقهاوي والجمعات والسوالف مايتسوقون + نظره اغلب الحريم اذا مو كلهم ان بضاعة الاسواق النسائيه اغلى من السوق العادي وهذي معهم حق فيها ..

اذا انتي لك في الاعمال مثلا تسوين شغلات وتبين تعرضينها انا عندي فكره افضل من الكشك النسائي
من رايي تتفقين مع محل مثلا انتي تسوين اطواق واكسسوارات واعمال يدويه وحركات هالبنات تقومين تتفقين مع محل او كشك له في هذي الشغلات في سوق عادي
وتقولين له بعرض بضاعتي عندك ولك نسبه من الارباح مثلا 20 % والباقي لك
انا اعرف وحده كانت تسوي كذا وماشاءالله بضاعتها تمشي من اسبوع واحد ..
الين يزيد دخلك وتقدرين تتصرفين بحريتك بدون شركاء الشراكه دايما فاشله فما بالك بشراكه مع حريم

بالاضافه انك تعرضين اعمالك في المنتديات النسائيه صدقيني بتمشي وانتي جالسه في بيتك .. اعرف وحده تعرض سلات بشغل يدها اطواق بشغل يدها اشياء تافهه ومع هذا تمشي ماشاءالله
افضل الف مره من تعب وكرف وغيرك ياخذ 70 % من الربح وانتي 30 % وكلها بتروح في اغراض وتكلفه الاعمال الي تسوينها يعني ماتسوى التعب ويمكن انتي بنفسك الي بتوقفين على الكشك يعني قمة الظلم والقهر ..

مثل ماقلت لك عندك فكرتين الحين لو تسوينها انا اظمن لك باذن الله نجاح فيها بعيد عن مذلة الناس واستغلالهم لك ..

اذا تبغي مساعدة انا تحت امرك اعتبريني اخوك..

بالتوفيق

الله يجزاكم خير ويفتحه بوجيهكم جميعاً لو لا الله ثم دعواتكم الصادقه لما وصلنا الى مانحن فيه انا وأختي..
ابشركم راعية المشروع انسانه طيبه وتخاف الله وجلست اختي معها وصار كل شيءكما نحب وافضل..