ياعل غيلانه ووادي رماح
يسقيها من الصيف سحابه
من كلماتي
صباحكم/مساءكم اوركيد

لكم هالتغطيه المتواضعه لعلها ترتقي لذائقتكم
هذه صور لرحلتنا الاسبوع الماضي
تعرفون كان جو اوربي يعني اللي مايطلع فيه يروح عليه نص عمره
بعد ماصار الاختناقات يوم الاثنين اتصل على عمي وقال يابوصلوح وينك
قلت في البيت مااقدر اطلع خشمي
قال تجيني انا متعلق بين مخرج 8 و 9 وتراي على وشك الغرق
قلت خلاص تشهد لين اجيك
ثمن فزعت له ويوم وصلنا للبيت قال يابو صلوح احس ان في صدري ضيقه
ماتروح لين اشم هوى نجد
قلت ابشر رخيص والطلب غالي وش المطلوب
قال بااكر نبي لنا تمشيه مع هاالاوديه السايله
قلت طيب الذبيحه على من
قال قطه قلت جعلك للقطوا اللي يأكلك
المهم اتفقنا ومشينا صباح الثلاثاء وكانت انطلاقتنا باتجاه المجمعه من الرياض
وكانت بداية خير وامطار

[IMG]http://img105.******.com/2010/05/08/879480511.jpg[/IMG]

وهذه صوره تبين استمرار الامطار
[IMG]http://img102.******.com/2010/05/08/250406985.jpg[/IMG]

وهذه احد الاوديه قبل المجمعه يمشي

[IMG]http://img104.******.com/2010/05/08/808586390.jpg[/IMG]

وهذه اجواء ممطره

[IMG]http://img102.******.com/2010/05/08/662865326.jpg[/IMG]

وهذه لقطه اخرى
[IMG]http://img105.******.com/2010/05/08/652964142.jpg[/IMG]

ثمن وجدنا هذه الطيور بالقرب من المجمعه وصيدنا فيها شوي

ثمن ضبط لنا براد شاي ودله على جنب هالوادي وافطرنا وهذه الصوره من كاميرا عمي

ثمن ضبطنا الغداء على هالوادي

ثمن هذه لقطه لعيونكم

ثمن جلسه هنا وسواليف ترد الروح

ثمن جينا راجعين متجهين جهة رماح والرمحيه وغيلانه

ثمن براد شاهي وقهوه في جوا آخر

وهذه صوره لاحد الاوديه بالقرب من رماح وهو يمشي

وهذه لقطه اخرى

وهذه صوره اخرى وكان هنا شباب يمارسون رياضة السباحه

وهذه لقطه لاحد المتنزهين من الشباب الصغار يمارس رياضة السباحه في جريان الوادي

وجيناه ونصحناه وقال توكلوا على الله مالكم شغل

لحظة تقديم وجبة الغداء

ثمن هذا براد شاي ماسونه لابسات النفانيف

شاي يبري خوى الراس

وهذه لقطه اخرى لعيونكم

وهذه لقطه للعشب توه نابت وان شاء الله عقبال مانشوف الارض خضراء

عاد هنا توثييق الرحله والصور اكتب لكم ولا تدققون في الخط تراي اكتب بالشمال

عاد هنا عمي قال ياصالح رح امش وانا ابي اصورك وصور هذه وطلعت شي وتراي مااسمح لاحد ياخذها توقيع الا يدفع رسوم

ذكرتني بالبيت اللي يقول

تبغى تشوف اشجع رجل في حياتك ؟!
شفني وانا مقفي على كثر ماغليك ,!

اتمنى لكم اوقات سعيده

ومشاهده ممتعه ومعذرة على القصور والفلل

واللي مايعجبه الموضوع عليه باقرب زاويه يمكن
الله يفرج كربته
واللي يعجبه يقول شكرا ياصالح

سعدت بالرحله بخوة كلا من النشاما

عمي واخوي سعد

وكانت العدسه اللاقطه كاميره كانون 550 d

وشكرا لي على التصوير

<<<<ياشين الثقه

وشكرا لكم على المشاهده

ودي وتقديري

القاكم في رحلات اخرى

الروووووووووووووووووقي