تأسس الموقع عام 2006
Site was established in 2006


ديوان حلول البطالة

موقعنا والإعلام

حلول البطالة الإمارات

هل أنت مسؤول توظيف ؟

تسجيل الدخول
العودة   حلول البطالة Unemployment Solutions > مرآة الواقع > الشعر والنثر

الملاحظات

قصة الشايب والبنت والقصيد

الشعر والنثر

بدايه القصه عن شايب اسمه حمدان وهواوي ( قلبه خضر ) ما يشوف بنت الا ينفتن ومشهور بانه حبيب فيه بنت ملكعه وصاحبة مقالب قالت في نفسها انا ليه ما اروح...

أضف رد
 
LinkBack أدوات الموضوع انواع عرض الموضوع
  #1 (permalink)  
قديم 30-07-2007, 02:45 PM
عضو مهم جداً
 
تاريخ التسجيل: Jul 2007
الدولة: حي الجامعة
المشاركات: 500
معدل تقييم المستوى: 37
ولد الجندول يستحق التميز
قصة الشايب والبنت والقصيد

بدايه القصه عن شايب اسمه حمدان وهواوي ( قلبه خضر ) ما يشوف بنت الا ينفتن ومشهور بانه حبيب


فيه بنت ملكعه وصاحبة مقالب قالت في نفسها انا ليه ما اروح للشايب وامزح معه واضحكه شوي واشوف ردة فعله كيف تكون


راحت له وردت عليه السلام كيف حالك يا شايب رد السلام والله بخير الله يعافيك

وفجأه عطته ظهرها ومشت ولا استإذان ولا شي

انقهر الشايب من حركتها قال فيها كم بيت يستعطفها فيها ويقول انها ذكرته الماضي و اذا ما عطيتيني وجه لحقت باخوي حمود اللي في قبره ويذكر التاريخ واليوم اللي قابلها فيه

يقول الشايب :

يا بنت خوذي خاطري وارحميني

لا تجرحين العود بعيونك السـود

غضي نظرك وغطي الوجنتينـي

لعل يومٍ جدد الجرح مـا يعـود

يوم انتهى مع ماضيات السنينـي

جتني صواديفه على غير مقصود

باول شهر عشره نهـار الثنينـي

حمدان مروا به على جنازة حمود


البنت كانت تقصد من استفزازه انها تجاريه في الشعر وترد عليه والمسكين ما كان يدري انها شاعره وعلى باله ما خذ راحته في التغزل

ردت عليه وهزأته تقول ....

يا شايب الرحمن وينـك ووينـي

عزي لحالك قدمك الباب مسـدود

قلبك عطوف وجاه قلـبٍ متينـي

والبنت ما تشفق على مغازل العود

حبل الرجا مقطوع بينـك وبينـي

مثل الغليث اللي رعا قلبه الـدود

اقفى شبابـك والعـرب مقبلينـي

يا عود ما يرجع من العمر مفقود


حطمته يوم قالت له انك عود وان الشباب ما يرجع وان ما فيه امل تعطيه وجه حس العود انه تورط وقال كم بيت يقول لها صدي عني انه ما يبي الغزل بعد ما وصل عمره ثمانين سنه

يقول حمدان :


يا بنت صـدي بالعيـون الظليلـه

لا صد عنـك الله نهـار القيامـه

مالي ومالك يالفـروع الطويلـه

لو فيك من رسم البـداوه علامـه

يابنت مـا لـي بالثمانيـن حيلـه

اهدف كما تهدف على البير قامـه

اقفى شبابي والدهر شفـت ميلـه

يالله حسـن الخاتمـه والسلامـه

اعطيك موجز والبضاعـه قليلـه

واخذت لك من صافي الماء سنامه


راحت الايام والشايب مسكين سنه خذله معها شايب وهي بنت وتقول له كيف اعطي شايب وجه


بعد فتره مرته مره ثانيه وردت عليه السلام واستفزته وراحت وخلته ولع الشايب وقال ليه ما ابين لها في كم بيت انها بتشيب مثلي واني رجال طيب وان الناس تنصاني ومعروف بالكرم واني ما ابي منها غير التحيه والترحيب

يقول حمدان

يا بنت ما جاس الكبـر والخشونـه

وعادت شباب اليوم يجفل من الشيب

ياسرع ما وبلـك تمـزع مزونـه

يالفاتنـه يـا ام الثمـان الرعابيـب

يا بنت مـا بينـي وبينـك مهونـه

كلمة شرف نبي تحيـه وترحيـب

الله مـن عـودٍ ثقيـلـه طنـونـه

ينصاه راع المشكلـه والمواجيـب

على الكرم والديـن نفسـه حنونـه

تلقاه بالاجـواد شـرق وتغاريـب

جهز الابيات وارسلها مع عجوز ووعد العجوز بهديه اذا وصلت الرساله لها

راحت العجوز وعطت البنت الابيات شافتها البنت وقفلت على العجوز في غرفه وقالت مثل ما جيتي بابياته ترجعني بابياتي

العجوز مسكينه قالت طلعيني ولا ابي منكم شي الله لا يعودكم انتم واوراقكم

ردت البنت ابيات اقوى من الاولى واكثر تحطيم مسكين الشايب ما احد رحمه حتى لو حاول يستعطف

تقول البنت

العود عود وطايحـاتٍ سنونـه

من كثر ما يرقد على جرة الذيب

عودٍ مهرقل والعرب ما يبونـه

ياعود ما لك في طويل المراقيب

اقفى شباب العود راحت حتونه

مثل اليتيم اللي بكا ما له مجيب

جداه ينثر دمعـة ٍ مـن عيونـه

غريق موجٍ ما لقا له مقاضيـب


اتــمــنـــى تـعـجـبـكــم مـثـل ما اعـجـبـتـنــي ...,

احـتــرامــي لـكـل











منقوول
رد مع اقتباس
  #2 (permalink)  
قديم 31-07-2007, 02:02 AM
الصورة الرمزية ادور وظيفة
نجم المنتدى
 
تاريخ التسجيل: Sep 2006
الدولة: الرياض
المشاركات: 2,403
معدل تقييم المستوى: 41
ادور وظيفة يستحق التميز

اتــمــنـــى تـعـجـبـكــم مـثـل ما اعـجـبـتـنــي ...,

احـتــرامــي لـكـل


اعجبتنا حييييييييييييييل ليش وانت اللي ناقلها

رد مع اقتباس
  #3 (permalink)  
قديم 31-07-2007, 02:18 AM
الصورة الرمزية احمد1234
عضو سوبر
 
تاريخ التسجيل: Dec 2006
المشاركات: 372
معدل تقييم المستوى: 37
احمد1234 يستحق التميز

حلوة وعجبتنا ويعطيك العافية

رد مع اقتباس
  #4 (permalink)  
قديم 11-08-2007, 05:43 AM
عضو مهم
 
تاريخ التسجيل: Feb 2007
المشاركات: 303
معدل تقييم المستوى: 37
عايش بليا حلم يستحق التميز

الله يعطيك الف عافيه

رد مع اقتباس
أضف رد

(( لا تنسى ذكر الله ))


مواضيع ذات صله الشعر والنثر

مواقع النشر (المفضلة) وتحتوي على WhatsApp لإرسال الموضوع إلى صديقك



تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة





الساعة الآن 11:30 AM


Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة

استضافة، تصميم مواقع، برمجة تطبيقات، من توب لاين