السلام عليكم يالربع الله لايوريكم صارت معي مظاربة اليوم مع واحد من الشياب الي في الحارة مشهور عنه اخلاقة السيئة السالفه ومافيها اني رحت اعبي غاز ورجعت والشارع يجي من قدام بيته الخايس وهو في الشارع ينافخ ويقول لاتسرع عاد انا تجاهلته ورحت البيت ولاواشوفه يركض من اخر الشارع والشر في وجهه يبى يدبغني عاد انا فقعة البيت وقفلت الباب علشان ما اتمشكل معه لاني عصبي ولو اطلع لة كنست بة الزفلت علي العموم قعد مرابط عند الباب واقامة صلات المغرب وصليت في البيت علشان اكف الشر المهم اني اسمعه بعد الصلاة مع جماعة المسجد يصارخ وينافخ طلعت انا علشان اشغل السيارة نطلع نتمشي انا والحرمه الي ويجيني ماغط طبلونة ويعطيني ذالك الكف الي علي كيفكم حاولت اتفادا الضربه وجت علي راسي المهم ضاعت علومي وعصبت وادبغة شوي وفكوا جماعة المسجد هذا العراك الشديد قبل ماابرد قلبي حبيت احكي لكم سالفتي علشان تواسوني لأني معصب وأحس اني بخربها

انتبه تسوي شي لها الشايب بعدين تروح فيها ويضيع عمرك ومستقبلك
احقره ولاتعطيه وجه واذا جاك وهاوشك قله ابشر إن شاء الله وهد من عصبيته لين يهدي من نفسه ولاعاد يتعرضك
وعلمنا وش يصير معك

اصدمه بالسياره تكفااا

والله مآآآآ عآآآآد يقربك مرة ثانية


أسأل مجرب ولا تسأل طبيبو

هههههههههههه شر البلية مايضحك
لاجاك وهاوشك قوله ابشر طال عمرك واعطيه كلام معسوووول الشياب تراهم تهاويل الواحد منهم لاكبر صار زي الطفل اقل شئ يأثر فيه
اشربلك كاس ليمون بنعناع وهدي نفسك لان الدنيا كذا

الله يهديك هو شايب وغيران منك لأنك شباب وشكلك توك عريس
ههههههههه....مقهور منك قله بزوجك ....هههههههه
راح يصير صديقك من الليلة...
ادعيله بالهداية وكل ماجيت خارج ادعي وقول
اللهم اكفينيه بماشئت والله عن تجربة راح يصرفه ربي عنك
الله ييسر أمرك

والله انكم تونسون الصدر ومشكورين على هذي الردود ونستموني على العموم انا كتبت خطاب لمدير الشرطة عندناوبوديه بكره انشا الله علشان اني اعرف انه راعي شر ومشاكل ومابيكف الشر وانا ماودي اتمشكل معة اخاف تكون نهايتة علي يدي لأنه يالله حسن الخاتمة وتصير قصة موسي عليه السلام مع الرجال الي من بني اسرائيل واقعد بها توي متزوج وباقي حتي ماباشرت الوظيفه